दत्तू भोकनळने सुवर्णपदक पटकावल्याची बातमी येताच, गावकरी, मित्र आणि कुटुंबातील सदस्यांनी गावात जल्लोष केला होता. तो गावी कधी येतोय याची गावकरी वाट पाहात होते.
दत्तू दहा दिवसानंतर गावी आला आणि सर्व गावकरी अक्षरश: आनंदात न्हावून निघाले. गावकऱ्यांनी अगोदरच त्याच्या स्वागताची तयारी केली होती.
गावाच्या वेशीतील देवी मंदीरापासून भव्य मोटर सायकल रॅलीसह वाजत गाजत मिरवणूक काढण्यात आली. त्यानंतर त्याच्या शाळेत भव्य सत्कार करण्यात आला. या कार्यक्रमासाठी खासदार,आमदार,शासकीय अधिकारी आणि परिसरातील ग्रामस्थ मोठ्या संख्येने उपस्थित होते.
आई वडिलांचं देशात मोठं नाव व्हावं, हे आपलं स्वप्न होतं ते आज पूर्ण झालं. आता ऑलिम्पिकमध्ये पुन्हा एकदा सुवर्णपदक मिळवायचं आहे. आता तेच ध्येय आहे, असं दत्तूने सांगितलं.
संबंधित बातम्या
Asian Games 2018 : पुरुषांच्या रोईंग कॉड्रापल स्कल्समध्ये सुवर्ण