Uddhav Thackeray: नाशिकमध्ये ठाकरे गटाचं राज्यव्यापी अधिवेशन
बाळासाहेब ठाकरेंच्या जन्मदिनानिमित्त ठाकरे गटाचं नाशिकमध्ये राज्यव्यापी अधिवेशन होणार आहे. संध्याकाळी 6 वाजता हुतात्मा अनंत कान्हेरे मैदानावर उद्धव ठाकरे यांची जाहीर सभा होणार आहे
उद्धव ठाकरे यांनी पंतप्रधान मोदींवर हल्लाबोल केला. मोदींचे दौरे वाढले आहेत. जेव्हा महाराष्ट्र संकटात होता तेव्हा मोदी आले नाही. निवडणूक आली तेव्हा महाराष्ट्र आठवतोय. मणिपूरला लोकसभेच्या दोन जागा म्हणून तिकडे गेले नाहीत. इकडे 48 जागा म्हणून येतात. महाराष्ट्रामध्ये नैसर्गिक आपत्तीमुळे नुकसान झाले. तेव्हा राज्य सरकारने मागणी करून ही निधी दिला नाही. पण, गुजरातला न मागताही निधी दिला. हिंदूमध्ये विष पेरतात. भेदभाव करतात. देशासाठी 'मन की बात' गुजरातसाठी 'धन की बात' करता अशा शब्दात ठाकरे यांनी हल्लाबोल केला.
1994 ला देखील दार उघड बये दार उघड अशी घोषणा होती. आताही तीच घोषणा आहे. या ही पुढे अजून सांगतो दार जर नाही उघडलं तर दार तोडून नाही तर दारावर लाथ मारून आतमध्ये जाऊ, अशी प्रतिक्रिया संजय राऊत यांनी दिली आहे.
मंगळवारी सकाळी ठाकरे गटाचे राज्यव्यापी अधिवेशन आयोजित करण्यात आले. आता थोड्याच वेळात उद्धव ठाकरेंची जाहीर सभा हुतात्मा अनंत कान्हेरे मैदानावर पार पडणार आहे. या सभेसाठी ठाकरे गटाचे खासदार संजय राऊत सभास्थळी दाखल झाले आहेत.
शिवसेना ठाकरे गटाच्या महाअधिवेशनाचा समारोप उद्धव ठाकरे यांच्या जाहीर सभेने होणार आहे. सभेला राज्यातील उबाठा गटाचे प्रमुख नेते पदाधिकारी उपस्थित राहणार आहेत. सभेच्या व्यासपीठावर तुळजा भवानीची भव्य प्रतिकृती साकारण्यात आली आहे. दार उघडं बये, दार उघडचे साकड घालत जगदंबेचा जागर करण्यात येणार आहे. 1994 च्या अधिवेशनात हाच जागर करण्यात आला होता, त्यानंतर 1995 ला विधिमंडळची दारं शिवसेनेसाठी खुली झाली होती. विधिमंडळवर शिवसेनेचा भगवा फडकला होता. तसेच व्यासपीठाच्या उजव्या बाजूला कारसेवकांना स्वंतत्र व्यासपीठ बनवण्यात आले आहे.
शिवसेना ठाकरे गटाचे नाशिकमध्ये सातपूर परिसरातील डेमोक्रोसी हॉलमध्ये राज्यव्यापी महाधिवेशन पार पडले. यावेळी विधानपरिषदेचे विरोधी पक्ष नेते अंबादास दानवे यांनी शिंदे सरकारवर जोरदार टीका केली. सरकारकडून शेतकऱ्यांची क्रूर चेष्टा सुरु आहे. महाराष्ट्रात लबाड सरकार आहे, अशी टीका त्यांनी यावेळी केली आहे.
राम कुठल्याही व्यक्तीची किंवा पक्षाची मालमत्ता नाही. तशी मालकी केली तर भाजपमुक्त प्रभू श्रीराम करावा लागेल, असा टोला ठाकरे गटाचे प्रमुख उद्धव ठाकरे यांनी लगावला आहे. ठाकरे गटाच्या राज्यव्यापी अधिवेशनात ते बोलत आहेत.
आजचे अधिवेशन नाशिकमध्ये होत आहे. अनेक गोष्टीसाठी नाशिक प्रसिध्द आहे. नाशिकमध्ये ललित पाटील सारख्याला पाठीशी घालणारे काही नेते फिर भी मेरी दाढी कैसी सफेद है, असे दाखवणारे काही बदमाश इथे आहे, असा टोला त्यांनी दादा भुसे यांना लागवला आहे.
ठकारे गटाचे आज नाशिकमध्ये राज्यव्यापी अधिवेशन होत आहे. नुकतेच पक्षाचे प्रमुख उध्दव ठाकरे मंचावर पोहोचले आहे. त्यांच्यासोबत आदित्य ठाकरे, संजय राऊत यांच्यासह ठाकरे गटाचे प्रमुख नेते उपस्थित आहेत. अधिवेशनाला नुकतीच सुरुवात झाली आहे.
1994 मध्ये नाशिकला अधिवेशन झाले होते. त्यानंतर शिवसेनेची सत्ता आली, पण आता भाजप आमच्यासोबत नाही, या अधिवेशनानंतर महाविकास आघाडीचे सरकार येणार आहे. शिवसेना पक्ष चिन्ह जरी नसले तरी बाळासाहेब यांचे विचार आमच्या सोबत आहेत, असे आमदार भास्कर जाधव यांनी म्हटले आहे.
आजचे अधिवेशन हे आगामी निवडणुकांचे बिगुल आहे. आजच्या अधिवेशनामध्ये देशात आणि राज्यात जी परिस्थिती आहे. त्या संदर्भात विविध ठराव होतील. कार्यकर्त्यांमध्ये आणि पदाधिकारी यांच्यात उत्साहाचे वातावरण आहे. सूडबुद्धीने कितीही कारवाया होऊ द्या, जनता बघत आहे. राम मंदिराचे सर्वांना प्रत्यक्षात निमंत्रण मिळालं. मात्र, बाळासाहेबांनी यासाठी योगदान दिलं. त्यांच्या पुत्राला स्पीड पोस्टने निमंत्रण पाठवलं हे योग्य नाही. काल तुम्ही पाहिलंत काळाराम मंदिरात आम्ही उत्साहाने कालचा दिवस घालवला. आमच्या श्रद्धेचा विषय आहे आम्ही लवकरच सर्वांसहित अयोध्येला जाऊ. भाजपला टीके शिवाय दुसरं काही दिसत नाही. त्यांच्याकडे तेच राहिल आहे, असे शिवसेना नेत्या प्रियंका चतुर्वेदी यांनी म्हटले आहे.
ठकारे गटाचे प्रमुख उद्धव ठाकरे हे अधिवेशन स्थळी पोहोचले आहेत. शिवसेनेने कारसेवा संदर्भात प्रदर्शन मांडले आहे त्याची पाहणी उद्धव ठाकरे करत आहेत. त्यानंतर प्रभू रामाच्या मूर्तीचे उद्धव ठाकरे दर्शन घेतील. बाळासाहेब ठाकरे आणि सुभाषचंद्र बोस यांच्या प्रतिमेला अभिवादन करतील. झेंडा वंदन करतील आणि नंतर अधिवेशन सुरू होणार आहे.
Uddhav Thackeray: सकाळी दहा वाजता कार्यक्रम स्थळी नेत्यांचा आगमन होणार आहे. ठाकरे गट राज्यव्यापी अधिवेशन रूपरेषा खालील प्रमाणे आहे.
ठाकरे गट राज्यव्यापी अधिवेशन रूपरेषा
- 10.05 ध्वजारोहन आणि प्रतिमेस पुष्प अर्पण
- 10.30 प्रास्ताविक भाषण विनायक राऊत
- 11 वाजता प्रमुख वक्ते - संजय राऊत, अरविंद सावंत, सुषमा अंधारे
- संघटनात्मक ठराव - अनिल देसाई, भास्कर जाधव
- 12 वाजता मार्गदर्शन आदित्य ठाकरे
- 12.30 वाजता - उद्धव ठाकरे पक्ष प्रमुख
पार्श्वभूमी
Uddhav Thackeray Sabha Live Updates: आज नाशिकमध्ये उद्धव ठाकरे गटाचं राज्यव्यापी अधिवेशन होणार आहे. शिवसेनाप्रमुख बाळासाहेब ठाकरे यांच्या जन्मदिनी राज्यस्तरीय अधिवेशनाचं आयोजन करण्यात आलं. सकाळी 10 वाजता बाळासाहेब ठाकरे यांच्या जयंतीनिमित्ताने अभिवादन करून आणि ध्वजवंदन करून अधिवेशनाला सुरूवात होईल. सकाळी 10 ते दुपारी 2 वाजेपर्यंत अधिवेशन सुरु राहणार आहे... उद्धव ठाकरे यांच्या भाषणानं अधिवेशनचा समारोप होईल. संध्याकाळी 6 वाजता हुतात्मा अनंत कान्हेरे मैदानावर उद्धव ठाकरे यांची जाहीर सभा होणार आहे.
- - - - - - - - - Advertisement - - - - - - - - -