बार्शीत फटाक्यांच्या कारखान्यात तर इगतपुरीमधील कंपनीला भीषण आग, पाहा क्षणाक्षणाचे अपडेट्स

01/01/2023 22:55:54

Solapur barshi Fire: बार्शीतल्या शिराळा-पांगरी येथे झालेल्या फटाके फॅक्टरी स्फोटात आणखी एकाचा मृत्यू, मृतांचा आकडा पोहोचला चार वर

Solapur barshi Fire: बार्शीतल्या शिराळा-पांगरी येथे झालेल्या फटाके फॅक्टरी स्फोटात आणखी एकाचा मृत्यू

मृतांचा आकडा पोहोचला चार वर, प्रांताधिकारी हेमंत निकम यांची माहिती,

आग पूर्णपणे आटोक्यात आली असून मलब्याखाली कोणी आहे का याचा शोध सुरू,

फटाका कारखान्याला जिल्हा स्तरावरून परवानगी दिली जाते, या कारखान्याच्या परवानगी संदर्भात माहिती घेण्याचे काम सुरु,

सध्या तातडीने शोध कार्य आणि मदत कार्य करणे गरजेचे आहे आणि ते करत आहोत,

या प्रकरणात गुन्हा नोंद करण्यास संदर्भात पोलीस प्रशासन तपास घेऊन कार्यवाही करतील ,

कारखान्याचे मालक युसुफ मनियार यांचा दुपारपासून शोध सुरू आहे मात्र ते अद्याप सापडलेले नाहीत,

आणखी दोन ते तीन तास शोधकार्य सुरूच राहणार आहे

आज रविवार असल्याने जास्तीचे लोक कामाला आलेले नव्हते अशी माहिती आहे

01/01/2023 22:23:19

Solapur barshi Fire: बार्शी तालुक्यातील पांगरी गावाजवळील फॅक्ट्रीला लागलेली आग आटोक्यात

बार्शी तालुक्यातील शिराळा-पांगरी गावाजवळ असलेल्या फटाक्याच्या फॅक्टरीत आज दुपारीत स्फ़ोट झाला. सध्या ही आग आटोक्यात आली असून मलब्याखाली कोणी अडकलंय का याचा शोध प्रशासनतर्फे घेतला जात आहे.

01/01/2023 21:42:49

Nashik Fire : इगतपुरीच्या कंपनीतील भीषण आगीचं कारण समोर, लिकेज होऊन आग लागल्याचा संशय!

Nashik Igatpuri Fire : इगतपुरी तालुक्यातील मुंढेगाव येथील जिंदाल कंपनीत लागलेल्या आगीचे कारण स्पष्ट झाले असून केमिकल लिकेज होऊन आग लागल्याची संशय प्रशासनाकडून व्यक्त करण्यात आला आहे. नवीन वर्षाच्या सुरुवातीलाच नाशिक जिल्ह्यात आगीची (Nashik News) भीषण घटना समोर आली. बॉयलरचा भीषण स्फोट होऊन ही आग लागल्याचे प्रथमदर्शनी समोर आले होते. त्यानंतर भीषण स्फोट होऊन आग लागली. या आगीत आतापर्यंत दोन महिला कामगारांचा मृत्यू झाला असून 17 कामगारांवर नाशिकच्या खासगी रुग्णालयात उपचार सुरू आहेत. दरम्यान आगीचे कारण प्राथमिक कारण समोर आले असून केमिकल लिकेज होऊन आग लागल्याचा संशय व्यक्त करण्यात आला आहे.

01/01/2023 18:33:14

इगतपुरी आग प्रकरण : दोघा मृतांच्या वारसांना प्रत्येकी 5 लाखाची मदत, घटनेची चौकशी होणार : मुख्यमंत्री

नाशिकच्या इगतपुरी तालुक्यातील मुंढेगाव परिसरात झालेल्या भीषण आगीत जखमी झालेल्या दोघा महिलांचा उपचारादरम्यान मृत्यू झाला. या दोन्ही मृतांच्या नातेवाईकांना मुख्यमंत्री एकनाथ शिंदे यांच्याकडून पाच लाखांची मदत जाहीर करण्यात आली आहे.

इगतपुरी तालुक्यातील मुंढेगाव परिसरात असलेल्या जिंदाल कंपनीत आग सकाळी स्फोट होऊन भीषण आग लागली. आगीची दाहकता एवढी एवढी होती की, परिसरातील गावावरून हे आगीचे लोळ दिसत होते. या घटनेत सुरवातीला 14 जखमी कामगारांना नाशिकच्या विविध रुग्णालयात दाखल करण्यात आले. दरम्यान नाशिकच्या ट्रामा सेंटर चार जखमींना दाखल करण्यात आले होते. यातील दोघा महिलांचा उपचारादरम्यान मृत्यू झाला आहे. महिमा आणि अंजली अशी दोघा मृत महिला कर्मचाऱ्यांची नावे आहेत.

दरम्यान घटनेची माहीती मिळाल्यानंतर औरंगाबाद येथे कृषी महोत्सवाच्या कार्यक्रमात असलेले मुख्यमंत्री एकनाथ शिंदे हे तात्काळ इगतपुरीला रवाना झाले असून ते नाशिकमधील जखमी रुग्णांची विचारपूस करत आहेत. दरम्यान मृत महिलांच्या वारसांना पाच लाखांची मदत मुख्यमंत्री एकनाथ शिंदे यांनी जाहीर केली आहे. तर जखमींवर योग्य उपचार होतील, त्याचबरोबर जखमींची सर्व खर्च सरकार करेल असे आश्वासन यावेळी मुख्यमंत्र्यांनी दिले आहे. त्याचबरोबर संपूर्ण प्रकरणाची चौकशी करणार असल्याचे ते म्हणाले.

01/01/2023 17:22:38

कृषी प्रदर्शनावर नाशिक दुर्घटनचे सावट.,

इगतपुरीच्या दुर्घटनेमुळे वसुली वादातील कृषी प्रदर्शनातील मुख्यमंत्र्यांची सभा रद्द.आयोजनातील ‘वसुली’ वादात सापडलेल्या सिल्लोड येथील कृषी, क्रीडा आणि सांस्कृतिक प्रदर्शनावर नाशिक जिल्ह्यातील इगतपुरी येथील दुघर्टनेची छाया पसरल्याने मुख्यमंत्री एकनाथ शिंदे यांची जाहीर सभा रद्द करण्यात आली. शेतकरी आत्महत्या कमी करणे हे शासनाचे उद्दिष्ट असून शेतीमधील चांगले प्रयोग प्रदर्शनातून शेतकऱ्यांनी पाहिले तर त्याचा कमी श्रमात उत्पादन अधिक होण्यास त्याचा लाभ हाईल, असे ते पत्रकारांशी बोलताना म्हणाले. या प्रदर्शनातील काही दालनाला भेट देऊन मुख्यमंत्री एकनाथ शिंदे इगतपुरीकडे रवाना झाल्याचे सांगण्यात आले. दरम्यान हे प्रदर्शन वादात सापडावे असे प्रयत्न काही जणांनी जाणीवपूर्वक केल्याचा आरोप कृषी मंत्री अब्दुल सत्तार यांनी केला. या प्रदर्शनास उपमुख्यमंत्री देवेंद्र फडणवीस यांची मात्र गैरहजेरी होती. ‘ते नाराज नाहीत, ते आणि त्यांच्या पत्नी दोघेही प्रदर्शनाला भेट देण्यास येणार असल्याचा दावा मंत्री सत्तार यांनी केला.

01/01/2023 16:58:56

इगतपुरीनजीक जिंदाल कंपनीत स्फोटामुळे आग लागल्याची दुर्दैवी, आपातकालीन स्थितीत लष्कराचे 2 हेलिकॉप्टर सुद्धा सज्ज- देवेंद्र फडणवीस

01/01/2023 16:42:31

Nashik Igatpuri Fire LIVE: इगतपुरीतील जिंदाल कंपनी अपघातातील दोन जखमींचा मृत्यू

Nashik Igatpuri Fire LIVE: जिंदाल कंपनी अपघातातील दोन जखमींचा मृत्यू, नाशिक icu ट्रॉमा सेंटर हॉस्पिटलमध्ये चार रुग्ण दाखल त्यातील दोघांचा मृत्यू, मृत्यू झालेल्या दोन्ही महिला कर्मचारी, महिमा वय 20, अंजली वय 27 या दोघींचा झाला मृत्यू, इतर दोघांवर उपचार सुरू, दोघांच्या ही प्रकृतीत सुधारणा होत आहे.

01/01/2023 16:06:14

Nashik Igatpuri Fire LIVE: मुख्यमंत्री एकनाथ शिंदे सुयश हॉस्पिटलमध्ये जखमींची भेट घेण्याची शक्यता, पोलीस बंदोबस्त वाढवला

01/01/2023 16:05:17

Nashik Igatpuri Fire LIVE: - इगतपुरी जिंदाल कंपनी आग प्रकरण आतापर्यंत 14 जण जखमी तर 4 ते 5 जणांची प्रकृती गंभीर

Nashik Igatpuri Fire LIVE: इगतपुरी जिंदाल कंपनी आग प्रकरण आतापर्यंत 14 जण जखमी तर 4 ते 5 जणांची प्रकृती गंभीर
- नाशिक परिक्षेत्रचे विशेष पोलीस महानिरीक्षक बीजी शेखर पाटील यांची माहिती
- 10.30 ते 11 दरम्यान लागली आग
- 8 बंब आग विझवण्यासाठी घटनास्थळी दाखल वरिष्ठ अधिकारी देखील घटनास्थळी उपस्थित
- जिथे घटना घडली तिथे 10 ते 15 कर्मचारी काम करत होते
- अजून तीन ते चार जण कंपनीत अडकले
- अडकलेल्यांना बाहेर काढण्यासाठी प्रयत्न सुरू
- केमिकल कंपनी असल्याने आग विझवण्यात होत आहे विलंब
- जखमींना नाशिक मधील वेगवेगळ्या खाजगी रुग्णालयात करण्यात आले आहे दाखल

01/01/2023 16:03:11

इगतपुरीतील मुंढेगाव आग जखमींना त्वरित चांगले उपचार मिळावेत - अजित पवार

नशिक जिल्ह्याच्या इगतपुरीतील मुंढेगाव येथे जिंदाल कंपनीच्या प्लांटला आग लागल्याची घटना भीषण आहे. प्लांटमध्ये अडकलेल्या कामगारांची सुखरुप सुटका व्हावी. जखमी कामगारांना त्वरित, चांगले उपचार मिळावेत, यासाठी मुख्यमंत्री महोदयांनी संबंधितांना निर्देश द्यावेत. आगीवर लवकरात लवकर नियंत्रण मिळवण्यात अग्निशमन, पोलिस, प्रशासकीय कर्मचाऱ्यांना यश मिळो, अशी प्रार्थना करतो.
- अजित पवार, विरोधी पक्षनेते, विधानसभा.

01/01/2023 16:02:42

पालकमंत्री दादा भुसे, केंद्रीय आरोग्य राज्यमंत्री भारती पवार आणि स्थानिक ईगतपुरी आमदार हिरामण खोसकर दाखल

01/01/2023 16:02:28

पालकमंत्री दादा भुसे मुंढेगावच्या JPFL कंपनीत दाखल, सोबत नाशिकचे सर्व प्रशासनाचे अधिकारी

Solapur Barshi Nashik Igatpuri Fire LIVE: बार्शीत फटाक्यांच्या कारखान्यात तर इगतपुरीमधील कंपनीला भीषण आग, पाहा क्षणाक्षणाचे अपडेट्स

पार्श्वभूमी