धनगर समाजाला सवलती दिल्या असतानाच दुसरीकडे बंजारा समाज अस्वस्थ
एबीपी माझाशी बोलताना राठोड म्हणाले की, कालपासून बंजारा समाज खूप अस्वस्थ आहे. धनगर समाजाला ज्या सवलती दिल्या आहेत, त्याच सवलती आणि अनुसूचित जमातीचे आरक्षण आम्ही अनेक दिवसांपासून मागत होतो. मुख्यमंत्र्यांनी शिफारस करुन केंद्राला सांगितले. मात्र अजून काही झालेले नाही. आता त्वरित बंजारा समाजाला देखील धनगर समाजाच्या सर्व सवलती लागू कराव्या, असे ते म्हणाले. यासाठी मी लवकरात लवकर मुख्यमंत्र्यांना भेटायची वेळ मागितली आहे, असे ते म्हणाले.
पोहरादेवी येथे बंजारा समाजाच्या शिष्टमंडळाने देखील ही मागणी केली होती. बंजारा समाज देशात 15 करोड तर राज्यात 1 कोटींपेक्षा जास्त आहे. या समाजाची स्थिती अत्यंत वाईट आहे. आर्थिक, सामाजिक, शैक्षणिक दृष्टीने समाज मागे आहे. म्हणून त्वरित बंजारा समाजाला देखील धनगर समाजाच्या सर्व सवलती लागू कराव्या यासाठी मी लवकरात लवकर मुख्यमंत्र्यांना भेटायची वेळ मागितली आहे, असे ते म्हणाले. याबाबत मी शिवसेना पक्षप्रमुख उद्धव ठाकरेंशीही बोललो आहे. माझी भूमिका सांगितली आहे. आता माझी भूमिका मुख्यमंत्र्यांकडे मांडणार आहे, असे ते म्हणाले.
धनगर आरक्षणाबाबात राज्य सरकारने महत्वाचे निर्णय
धनगर आरक्षणाबाबातही राज्य सरकारने महत्वाचे निर्णय घेतले आहेत. टीसचा अहवालानंतर आता पुढच्या कारवाई करण्याकरता अहवाल महाधिवक्त्यांकडे पाठवला जाणार आहे. तसंच उच्च न्यायालयातही तात्काळ अॅफिडेव्हीट दाखल करण्यात येणार आहे. या प्रक्रियेला काही दिवस लागणार असल्यानं तोपर्यंत आदिवासी समाजाला लागू असलेल्या सर्व योजना आता धनगर समाजाला लागू करण्याचा निर्णयही घेण्यात आला आहे. धनगर समाजाला त्यांच्या मागणीप्रमाणे एसटी प्रवर्गातून आरक्षण मिळेपर्यंत आदिवासींप्रमाणे सवलती देण्याचा निर्णय राज्य सरकारनं घेतला आहे. धनगर आरक्षणासाठी मुख्यमंत्र्यांच्या अध्यक्षतेखाली स्थापन करण्यात आलेल्या मंत्रिमंडळाच्या उपसमितीनं हा निर्णय घेतलाय. दरम्यान धनगर आरक्षणाचा टीसचा अहवाल राज्याच्या महाअधिवक्त्यांकडे पाठवण्यात येणार आहे. निवणडुकांच्या आधी धनगरांना एसटी प्रवर्गातून आरक्षण देण्याची मागणी जोर धरू लागल्यानं सराकरी पातळीवरही हालचालींना वेग आलाय असं म्हणावं लागेल.