SSC 10th Result 2024  नागपूर : दहावीच्या विद्यार्थ्यांना ज्या क्षणाची आतुरता होती तो क्षण आला आहे. महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात आलेल्या दहावी परीक्षेचा निकाल  (SSC Result) अखेर आज जाहीर करण्यात आला आहे. दहावीचा यंदाचा एकूण निकाल 95.81 टक्के इतका लागला आहे. यंदाच्या निकालात नेहमी प्रमाणे आणि 12 वीच्या निकालाप्रमाणेच 10 वीच्या परीक्षेत देखील मुलींनी बाजी मारली आहे.  तर एकूण 9 विभागात घेण्यात आलेल्या परीक्षेत यंदाच्या निकालामध्ये कोकण विभागानं बाजी मारली आहे.


तर  नागपूर विभाग मात्र तळाशी आहे. नागपूर विभाग (Nagpur) सर्वात पिछाडीवर म्हणजेच 94.73 टक्क्यांसह राज्यातील विभागनिहाय टक्केवारीनुसार सर्वात खाली आहे. मुलींचा निकाल 97.21 टक्के तर मुलांचा निकाल 94.56 टक्के लागला आहे. आकडेवारीनुसार, सर्वच विभागांमध्ये  मुलींनी बाजी मारली आहे. सोबतच एकूण 72 विषयांपैकी 18 विषयांचा निकाल 100 टक्के लागला आहे. दहावीच्या एकूण विद्यार्थ्यांच्या निकालाची एकूण टक्केवारी 94.86 टक्के इतकी आहे. 


कोकण विभागाची सरशी, नागपूर विभाग मात्र तळाशी


या परीक्षेत राज्यातील पुणे, नागपूर, छत्रपती संभाजीनगर, अमरावती, मुंबई, कोल्हापूर, नाशिक, लातूर आणि कोकण या 9 विभागीय मंडळाकडून एकूण  15 लाख 60 हजार 154 विद्यार्थी परीक्षेला बसले होते. त्यातील 15 लाख 49 हजार 326 विद्यार्थी प्रत्यक्षपणे प्रविष्ट झाले. तर त्यातील 14 लाख 84 हजार 441 विद्यार्थी उत्तीर्ण झाले. एकूण उत्तीर्ण यांची टक्केवारी 95.81% इतकी आहे. निकाल जाहीर करण्यापूर्वी महाराष्ट्र राज्य माध्यमिक आणि उच्च माध्यमिक शिक्षण मंडळाच्यावतीनं पत्रकार परिषद घेण्यात आली. या पत्रकार परिषदेतून निकालासंदर्भातील ठळक माहिती देण्यात आली.


शैक्षणिक वर्ष 2023 -2024 मध्ये दहावीच्या परीक्षेसाठी नोंदणी करणाऱ्या विद्यार्थ्यांच्या संख्येत यंदा वाढ झाली आहे.या सर्व विद्यार्थ्यांसह पालकांचीही निकालाची उत्सुकता शिगेला पोहोचली आहे. आता दुपारी एक वाजता बोर्डाच्या अधिकृत वेबसाईटवर निकाल जाहीर केले जाणार आहेत. विद्यार्थ्यांना एक वाजल्यापासून निकाल पाहता येतील, तसेच, निकालाची प्रत विद्यार्थी डाऊनलोडही करू शकणार आहेत. यंदाच्या निकालात उत्तीर्ण विद्यार्थ्यांपैकी 5 लाख 58 हजार 21 विद्यार्थी विशेष प्राविण्यासह प्रथम श्रेणीत उत्तीर्ण झाले आहे. या विद्यार्थ्यांना 75 किंवा त्यापेक्षा जास्त टक्के मिळाले आहेत.
 
विभागनिहाय निकाल (टक्केवारी)



  • पुणे : 96.44 टक्के

  • नागपूर : 94.73 टक्के

  • छत्रपती संभाजीनगर : 95.19 टक्के 

  • मुंबई : 95.83 टक्के 

  • कोल्हापूर : 97.45 टक्के

  • अमरावती :  95.58 टक्के 

  • नाशिक : 95.28  टक्के 

  • लातूर : 95.27 टक्के

  • कोकण : 99.01  टक्के


या वेबसाईटवर पाहता येणार निकाल


महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत ही परीक्षा घेण्यात आली होती. विद्यार्थ्यांना आता https://mahresult.nic.in या संकेतस्थळावर हा निकाल पाहता येणार आहे. मिळालेल्या गुणांची प्रिंटही विद्यार्थ्यांना या संकेतस्थळावर पाहता येईल. साधारण सोळा लाख विद्यार्थ्यांनी या परीक्षेस नोंदणी केली होती.


 


इतर महत्वाच्या बातम्या 



Education Loan Information:
Calculate Education Loan EMI