Vasai Virar Crime News : विरारमध्ये एका 20 वर्षीय तरुणीवर सामुहिक अत्याचार झाल्याची घटना बुधवारी घडली आहे. पिडितेच्या तक्रारीनंतर अवघ्या दोन तासात दोन्ही आरोपीला विरार पोलिसांनी बेड्या ठोकल्या आहेत. पिडित तरुणी आपल्या मिञाबरोबर फिरण्यासाठी जंगलभागात गेली होती. तेथे पिडितेच्या मिञाला मारहाण करुन, त्याचे कपडे काढून, त्याचे हात पाय बांधले. त्यानंतर पिडित मुलीवर दोन नराधमांनी अत्याचार केले. या दोन्ही आरोपींना आज वसई न्यायालयात हजर केलं असता, त्यांना न्यायालयानं 27 मार्च पर्यंत पोलीस कोठडी सुनावली आहे.
मिञाबरोबर फिरायला गेलेल्या 20 वर्षीय पिडीत तरुणीवर दोन जणांनी आत्याचार केले. धक्कादायक बाब म्हणजे तिच्या मिञासमोरच सामुहिक अत्याचार केला आहे. काल बुधवारी दुपारी साडे चारच्या दरम्यान विरार पूर्वेकडील साईनाथ नगर येथील पाच पायरीच्या जंगलात पिडित तरुणी आणि तिचा मिञ फिरायला गेले होते. आजूबाजूला कुणी नसल्याचा फायदा घेत आरोपी धीरज राजेश सोनी आणि यश लक्ष्मण शिंदे या दोघांनी पिडीत मुलगी आणि तिचा मिञ यांचे फोटो काढले. फोटो घरच्यांना दाखवू अशी धमकी देवून, पिडितेच्या मिञांकडून पाचशे रुपये मांगितले. पिडितेच्या मिञांने 500 रुपये आरोपी मिञाच्या अंकाउंट वर जीपे ने पाठवले. हे नाराधम ऐवढ्यावरच थांबलो नाहीत, त्यांनी पिडितेच्या मिञाचे कपडे काढून, त्याला बेल्टच्या साहय्याने त्याचे हात पाय बांधले. पिडितेला बाजूला घेवून जावून, तिच्यावर सामुहिक अत्याचार केला. पिडितेच्या मिञांने रोखण्याचा प्रयत्न केला, एका आरोपीच्या डोक्यावर त्यांने दारुची बॉटलही मारली. त्यात एक आरोपी जखमी झाला. पोलिसांनी याच गोष्टीचा धागेदोरा पकडत आरोपींना पिडितेच्या तक्रारीनंतर अवघ्या दोन तासात अटक करण्यात यश मिळवलं आहे.
या घटनेबाबात कोणतीही माहिती कॅमे-यासमोर देण्यास विरार पोलिसांनी नकार दिला आहे. माञ आरोपींनी पिडित मुलीवर अत्याचार केल्यानंतर तिची बॅग जाळली. तसेच मुलीला आपल्या मिञाकडे जाण्यास मज्जाव केला अन् थेट घरी पाठवलं. तर मुलाचे कपडे नसल्याने तो डोंगराच्या पायथ्यावर आल्यावर नग्न अवस्थेत असल्याचे तेथील नागरीकांनी पोलिसांना सांगितलं. पोलिसांनी घटनास्थळी जावून, मुलाची विचारपूस केल्यावर सर्व हकिगत कळली. पिडीतेला विश्वासात घेवून, तिची तक्रार नोंद केली. त्यानंतर अवघ्या दोन तासात दोन्ही आरोपींना बेडया ठोकल्या. या आरोपींची पार्श्वभूमी काय आहे. याचा तपास आता विरार पोलीस करत आहेत. दोन्हीही आरोपींना आज वसई न्यायालयासमोर हजर केलं. वसई न्यायालयाने दोन्ही आरोपींना 27 मार्चपर्यंत पोलीस कोठडी सुनावली आहे.