शिवसेना आणि भाजप युती तुटल्यानंतर आगामी मुंबई महापालिका निवडणुकीसाठी मनसेने शिवसेनेला युतीचा प्रस्ताव दिल्याची माहिती सुत्रांनी दिली आहे. त्यामुळे उद्धव ठाकरे आणि राज ठाकरे हे मुंबई महापालिका निवडणुकीच्या निमित्ताने एकत्र येण्याची शक्यता वर्तवली जात आहे.
राज आणि उद्धव ठाकरे एकत्र येणार?
याबाबत विचारलं असता संजय राऊत म्हणाले की, "मनसेकडून प्रस्ताव आला की नाही याची मला कल्पना नाही. पण जर प्रस्ताव आला असेल तर उद्धव ठाकरे त्यावर निर्णय घेतील."
शिवसेना पक्षप्रमुख उद्धव ठाकरे यांनी भाजपसोबत युती तुटल्याची घोषणा करत, महाराष्ट्रात स्वबळावर लढण्याचं जाहीर केलं. त्यानंतर मनसेने शिवसेनेकडे युतीसाठी हात पुढे केल्याचं सांगण्यात येत आहे. विशेष म्हणजे, मनसेने शिवसेनेसमोर जागांसाठी कुठलीही अट ठेवली नाही.
त्यामुळे उद्धव ठाकरे राज ठाकरेंची हातमिळवणी करणार की, स्वबळावर महापालिकेच्या आखाड्यात उतरणार हे पाहणं महत्त्वाचं आहे.
संबंधित बातम्या