सध्या राणेंच्या भाजप प्रवेशाबद्दल जोरदार चर्चा सुरु आहे, मात्र भाजपचा मित्रपक्ष असलेल्या शिवसेनेमध्ये कमलीची अस्वस्थता पाहायला मिळते.
एरव्ही राणेंच्या अरे ला का रे करायला पुढे येणारे शिवसेनेचे नेते राणेंच्या भाजप प्रवेशाबद्दल बोलायला तयार नाहीत.
सूत्रांनी दिलेल्या महितीनुसार शिवसेनेनं "वेट अँड वॉच" ची भूमिका घेतली असल्याचं कळतंय. एवढंच काय तर नारायण राणे यांच्याविषयी कोणीही माध्यमांशी बोलू नये, असे आदेश शिवसेनेच्या प्रवक्तयांना देण्यात आले आहेत. त्यामुळे राणें यांची पत्रकार परिषद होऊन 24 तास उलटल्यानंतरही शिवसेना गप्प आहे.
पुढच्या सीटवर नितेश, मागच्या सीटवर राणे-मुख्यमंत्री!
दरम्यान, अहमदाबादमध्ये नारायण राणे आणि देवेंद्र फडणवीस बुधवारी रात्री एकाच गाडीत प्रवास करताना कॅमेऱ्यात कैद झाले. महत्त्वाचं म्हणजे याच गाडीत पुढच्या सीटवर नारायण राणे यांचे सुपुत्र आणि आमदार नितेश राणेही असल्याचं दिसतंय.
‘माझा’च्या हाती लागलेल्या दृष्यांमध्ये नारायण राणे आणि मुख्यमंत्री मागच्या सीटवर बसललेले स्पष्ट दिसतात. तर नितेश राणे पुढच्या सीटवर ड्रायव्हरच्या बाजूला पाहायला मिळतात.
बुधवारी रात्री मुख्यमंत्री देवेंद्र फडणवीस यांनी भाजप अध्यक्ष अमित शाह यांची अहमदाबादमध्ये भेट घेतली. मात्र काल राणेही अहमदाबादमध्ये होते. त्यामुळे नारायण राणेंच्या भाजप प्रवेशाच्या चर्चेने जोर धरला आहे.
कोणालाही भेटलो नाही - राणे
"मी अहमदाबादमध्ये होतो, पण कोणालाही भेटलो नाही,” असं सांगत काँग्रेसचे ज्येष्ठ नेते नारायण राणे यांनी मुख्यमंत्री देवेंद्र फडणवीस आणि भाजपाध्यक्ष अमित शाह यांच्यासोबत भेट झाल्याचं वृत्त फेटाळलं.
संबंधित बातम्या