Sanjay Raut Bail : आम्ही लढणारे आहोत... लढत राहू; तुरुंगातून बाहेर आल्यानंतर संजय राऊतांची पहिली प्रतिक्रिया

संजय राऊत (Sanjay Raut) यांना जामीन मंजूर झाल्यानंतर शिवसैनिकांमध्ये जल्लोषाचं वातावरण आहे. संजय राऊत यांना जमीन मिळाल्यानंतर ठाकरे गटामध्ये नेत्यांनी आनंद व्यक्त केला आहे.

पार्श्वभूमी

Sanjay Raut Bail : ठाकरे गटाचे खासदार संजय राऊत (Sanjay Raut) यांचा जामीन अर्ज मुंबई सत्र न्यायालयानं (Mumbai Session Court) मंजूर केला आहे. तब्बल 100 दिवसांनी संजय राऊतांना जामीन मंजूर करण्यात आला आहे. मात्र ईडीनं (ED) कोर्टात जामीनाला स्थगिती देण्याची मागणी केली आहे. तसेच, या निकालाला हायकोर्टात आव्हान देण्याकरता आम्हाला संधी मिळायलाच हवी, असा युक्तिवाद ईडीच्या वतीनं करण्यात आला आहे.सुषमा अंधारें यांची प्रतिक्रियापत्राचाळ गैरव्यवहाराप्रकरणी शिवसेनेचे खासदार संजय राऊत यांना अखेर 100 दिवसानंतर जामीन मंजूर झाला आहे.  त्यानंतर राजकीय वर्तुळातून प्रतिक्रिया येण्यास सुरूवात झाली आहे. ठाकरे गटाच्या उपनेत्या सुषमा अंधारे यांनी  ट्विट करत न्यायलयाच्या निर्णयाचे स्वागत केले आहे. 'टायगर इज बॅक' अशी प्रतिक्रिया दिली आहे. कोर्टात काय-काय झालं? मुंबई सत्र न्यायालयाच्या विशेष पीएमएलए कोर्टात पत्रा चाळ घोटाळा प्रकरणी अटकेत असलेल्या प्रविण राऊत आणि संजय राऊत यांच्या जामीन अर्जावर सुनावणी पार पडली. यावेळी न्यायालयानं दोघांनाही जामीन मंजूर केला आहे. याप्रकरणाची सुनावणी न्यायमूर्ती देशपांडे यांच्यासमोर पार पडली. मात्र कोर्टाच्या निर्णयावर ईडीच्या वकिलांनी आक्षेप नोंदवला आहे. तसेच, या जामीनाला स्थगिती देण्याची मागणी केली आहे. हे छोटंमोठं प्रकरण नाही, मोठी नावं यात सहभागी आहेत. त्यामुळे या निकालाला हायकोर्टात आव्हान देण्याकरता आम्हाला संधी मिळायलाच हवी अशी मागणी ईडीच्या वकिलांनी केली आहे. या आठवड्याचे केवळ दोन कामकाजाचे दिवस बाकी आहे. त्यामुळे किमान या आठवड्याभराची स्थगिती द्यावी. जेणेकरून आम्ही या निकालाचा अभ्यासकरून येत्या आठवड्यात हायकोर्टात दाद मागू शकू, असा युक्तिवाद ईडीच्यावतीनं करण्यात आला आहे. दरम्यान, जामीनाबाबत आज दुपारी 3 वाजता न्यायालय निकाल देणार आहे. Sanjay Raut Bail : संजय राऊत निष्ठावंत शिवसैनिक, त्यांच्यावरही दबावतंत्र वापरलं पण गद्दारी केली नाही : आदित्य ठाकरे"संजय राऊत निष्ठावंत शिवसैनिक तर आहेतच पण बाळासाहेबांचे खरे शिवसैनिक आहेत. त्यांच्यावरही दबावतंत्र वापरलं पण गद्दारी केली नाही. ते डरपोक नाहीत हे लोकांसमोर आलं," अशी प्रतिक्रिया ठाकरे गटाचे आमदार आदित्य ठाकरे  यांनी दिली. शिवसेनेचे बुलंद तोफ अशी ओळख असलेले खासदार संजय राऊत यांना अखेर जामीन मंजूर झाला आहे. ठाकरे गटाचे खासदार संजय राऊत यांचा जामीन अर्ज मुंबई सत्र न्यायालयाने मंजूर केला आहे.  

09/11/2022 19:01:26

Sanjay Raut : आलोय बाहेर... आम्ही लढणारे आहोत... लढत राहू; तुरुंगातून बाहेर आल्यानंतर संजय राऊतांची पहिली प्रतिक्रिया

आलोय बाहेर, आता बघू, आम्ही लढणारे आहोत अशी पहिली प्रतिक्रिया शिवसेना खासदार संजय राऊत यांनी दिली आहे. न्यायालयाने माझी अटक बेकायदेशीर ठरवली आहे असंही ते म्हणाले. 

09/11/2022 19:01:15

अमरावतीत दहीहंडी सोहळा, महाप्रसाद घेण्यासाठी हजारोंची गर्दी उसळली

अमरावती जिल्ह्यातील कौंडण्यपूर येथे हजारो भाविकांनी दहीहंडी सोहळ्याला हजेरी लावली होती. यावेळी माजी मंत्री तथा आमदार यशोमती ठाकूर यांनी दहीहंडी सोहळ्यात उपस्थित लावली. यावेळी दहीहंडीतला महाप्रसाद घेण्यासाठी हजारोंची गर्दी उसळली होती. विदर्भाचे पंढरपूर म्हणून नावारूपास असलेले आई  रुख्मिणीचे माहेर कौडण्यापूर हे पुरातन काळापासून पासून प्रचलित आहे. तसेच श्रीमत भागवत कथानात पण या कोंडण्यापूरचा उल्लेख आहे, वर्ष भर येथे रुख्मिणी मातेच्या दर्शनासाठी भाविकांची गर्दी राहते. पंढरपूरनंतर त्याचे प्रतिरूप असणारे कौडण्यापूरला म्हटले जाते.

09/11/2022 18:50:20

Sanjay Raut : संजय राऊत तुरुंगाबाहेर, कार्यकर्त्यांना अभिवादन

शिवसेनेचे खासदार संजय राऊत हे आर्थर रोड तुरुंगाबाहेर आले आहेत. यावेळी त्यांच्या स्वागतासाठी हजारो कार्यकर्त्यांनी गर्दी केली असून संजय राऊत यांनी त्यांना अभिवादन केलं. 

09/11/2022 18:47:45

Amravati : कौंडण्यापुरात दही हांडी सोहळा, महाप्रसाद घेण्यासाठी हजारोंची गर्दी उसळली

अमरावती जिल्ह्यातील कौंडण्यपूर येथे हजारो भाविकांनी दहीहंडी सोहळ्याला हजेरी लावली होती, यावेळी माजी मंत्री तथा आमदार यशोमती ठाकूर यांनी दहीहंडी सोहळ्यात उपस्थित लावली. यावेळी दहीहंडीतला महाप्रसाद घेण्यासाठी हजारोंची गर्दी उसळली होती. विदर्भाचे पंढरपूर म्हणून नावारूपास असलेले आई  रुख्मिणीचे माहेर कौडण्यापूर हे पुरातन काळापासून पासून प्रचलित आहे. तसेच श्रीमत भागवत कथानात पण या कोंडण्यापूरचा उल्लेख आहे, वर्ष भर येथे रुख्मिणी मातेच्या दर्शनासाठी भाविकांची गर्दी राहते पंढरपूर नंतर त्याचे प्रतिरूप असणारे कौंडण्यापूरला म्हटले जाते.

09/11/2022 17:50:09

Sanjay Raut: राऊतांच्या जामीन आदेशाची प्रत तुरुंग प्रशासनाला मिळाली

 Sanjay Raut: संजय राऊतांना सोडण्याची प्रक्रिया सुरु. राऊतांच्या जामीन आदेशाची प्रत तुरुंग प्रशासनाला मिळाली. 

09/11/2022 17:17:15

संजय राऊत यांचा जेलमधून सुटकेचा मार्ग अखेर मोकळा

संजय राऊत यांचा जेलमधून सुटकेचा मार्ग अखेर मोकळा

हायकोर्टाचा जामीनाला  तातडीनं स्थगिती देण्यास नकार

उद्या सकाळी ईडीच्या जामीनाविरोधातील याचिकेवर सुनावणी घेण्याचं हायकोर्टाकडून निश्चित

आम्ही कार्यालयीन प्रक्रियेच्या विरोधात जाऊन सुनावणी घेऊ इच्छित नाही - न्या. भारती डांगरे

सत्र न्यायालयनं महिनाभर सुनावणी ऐकून दिलेल्या निकालावर आम्ही 10 मिनिटांत निकाल नाही देऊ शकत - हायकोर्ट

तुम्ही गुणवत्तेच्या आधारावर युक्तिवाद करा, तो पटला तर आम्ही आरोपींना पुन्हा तब्यात घेण्याचे निर्देश देऊ - हायकोर्ट

दोन्ही आरोपींची अटक कायदेशीर होती हे पटवून द्या - हायकोर्ट

09/11/2022 17:06:38

सर्व प्रक्रिया झाल्यानंतर राऊत तुरुंगातून बाहेर येतील

तुरुंगातील सर्व प्रक्रिया झाल्यानंतर सात वाजेपर्यंत संजय राऊत बाहेर येतील, अशी माहिती त्यांच्या वकिलांनी दिली आहे.

09/11/2022 16:53:17

Sanjay Raut: संजय राऊतांच्या जामिनाच्या स्थगितीच्या निर्णयावर हायकोर्टात सुनावणी

Sanjay Raut: संजय राऊतांच्या जामिनाच्या स्थगितीच्या निर्णयावर हायकोर्टात सुनावणी

09/11/2022 16:28:44

संजय राऊत यांच्या जामीनाविरोधात ईडी हायकोर्टात

Sanjay Raut Bail : खासदार संजय राऊत यांच्या जामीनाविरोधात ईडी हायकोर्टात पोहोचली आहे. न्यायमूर्ती भारती डांगरे यांच्यासमोर ईडी तातडीच्या सुनावणीसाठी प्रयत्न करणार आहे. हायकोर्टाचं दिवसभराचं कामकाज संपल्याने न्यायमूर्तींच्या दालनात जाऊन ईडी विनंती करणार आहे.

09/11/2022 16:25:33

Sanjay Raut Bail : राऊतांच्या जामिनाविरोधात ईडी हायकोर्टात, आजच होणार सुनावणी

शिवसेनेचे खासदार संजय राऊता यांच्या जामीनाला स्थगिती मिळावी, अशा आशयाची ईडीची मागणी मुंबईच्या विशेष सत्र न्यायालयाने फेटाळली आहे. यानंतर आता  ईडी हायकोर्टात धाव घेतली आहे. संजय राऊत यांच्या जामिनावर आजच हायकोर्टात सुनावणी होणार आहे. 

09/11/2022 15:37:29

संजय राऊत यांना जामीन मंजूर करण्याच्या पीएमएलए कोर्टाच्या निर्णयाविरोधात ईडी हायकोर्टात, साडेचार वाजता आपली बाजू मांडणार

ED Moves High Court : पीएमएलए विशेष कोर्टाने खासदार संजय राऊत यांना जामीन मंजूर केला. कोर्टाच्या या निर्णयाविरोधात ईडी हायकोर्टात पोहोचली आहे. ED साडेचार वाजता या प्रकरणात न्यायमूर्ती भारती डांगले यांच्यासमोर आपली बाजू मांडणार आहे.

09/11/2022 15:30:27

आर्थर रोड जेलमधून सुटल्यानंतर संजय राऊत मातोश्रीवर उद्धव ठाकरे यांची भेट घेण्याची शक्यता

Sanjay Raut Bail : आर्थर रोड जेलमधून सुटका झाल्यानंतर खासदार संजय राऊत थेट मातोश्रीवर उद्धव ठाकरे यांची भेट घेण्याची शक्यता आहे. उद्धव ठाकरे हे स्वतः खासदार संजय राऊत यांचं मातोश्री वर स्वागत करणार आहेत. उद्धव ठाकरे सध्या मातोश्रीवर असून अलिबाग, सिंधुदुर्गमधील जिल्हाप्रमुख, संपर्क प्रमुखांच्या बैठका घेत आहेत.

09/11/2022 15:10:42

Sanjay Raut Bail: संजय राऊत यांची आजच सुटका करण्याचे कोर्टाचे आदेश; ईडीची स्थगितीची मागणी फेटाळली

Sanjay Raut Bail: संजय राऊत यांची आजच सुटका करण्याचे कोर्टाचे आदेश; ईडीची स्थगितीची मागणी फेटाळली

09/11/2022 15:01:54

Sanjay Raut Bail: 'वेट अँड वॉच': संजय राऊतांचा जामीन मंजूर झाल्यावर चित्रा वाघ यांची प्रतिक्रिया

'संजय राऊत यांच्या जामीनबद्दल मी सध्या काय बोलणं घाईच होईल. त्यामुळे लगेच प्रतिक्रिया देणं योग्य नाही मला वाटत ईडी पुन्हा कोर्टात गेली आहे. 3 वाजेपर्यंत निकाल लागणार आहे त्यामुळे वेट अँड वॉच भूमिका आहे.' अशी प्रतिक्रिया चित्रा वाघ यांनी दिली आहे.

09/11/2022 14:55:29

Sanjay Raut Bail: मुंबई सत्र न्यायालयानं स्थगिती नाकारल्यास ईडी तातडीनं हायकोर्टात दाद मागण्याच्या तयारीत

Sanjay Raut Bail: मुंबई सत्र न्यायालयानं स्थगिती नाकारल्यास ईडी तातडीनं हायकोर्टात दाद मागण्याच्या तयारीत. कायदेशीर बाबींची पूर्तता सुरू. 

09/11/2022 14:54:19

Bhaskar Jadhav: संजय राऊतांना जामीन मंजूर झाल्याचा आनंद: भास्कर जाधव

Sanjay Raut Bail: 'संजय राऊतांना जामीन मंजूर झाल्याचा आनंद झाला आहे. ते लढवय्ये आहेत. राऊत भूमिकेशी ठाम राहणारे नेते आहेत. सावधान रहो, शेअर आ रहा है' अशी प्रतिक्रिया भास्कर जाधव यांनी दिली आहे. 

09/11/2022 14:42:29

Sanjay Raut Bail: ठाकरे गाटाचे आमदार कैलास पाटील यांनी शेअर केलं ट्वीट

Sanjay Raut Bail: ठाकरे गाटाचे आमदार कैलास पाटील (Kailas Patil) यांनी नुकतेच एक ट्वीट शेअर केलं आहे. या ट्वीटमध्ये त्यांनी 'सत्य परेशान हो सकता है.. पराजित नहीं.. जय महाराष्ट्र..' असं लिहिलं आहे. 

09/11/2022 14:31:19

Sanjay Raut Bail: 'टायगर इज बॅक' शिवसैनिकांमध्ये हजार हत्तीचं बळ, राऊतांच्या जामीनानंतर सुषमा अंधारेंची पहिली प्रतिक्रिया

Sanjay Raut Bail: पत्राचाळ गैरव्यवहाराप्रकरणी (Patra Chawl Land Scam) शिवसेनेचे खासदार संजय राऊत (Sanjay Raut Bail) यांना अखेर 100 दिवसानंतर जामीन मंजूर झाला आहे. त्यानंतर राजकीय वर्तुळातून प्रतिक्रिया येण्यास सुरूवात झाली आहे. ठाकरे गटाच्या उपनेत्या सुषमा अंधारे (Sushna Andhare) यांनी ट्विट करत न्यायलयाच्या निर्णयाचे स्वागत केले आहे. 'टायगर इज बॅक' अशी प्रतिक्रिया दिली आहे.

09/11/2022 14:28:39

Sanjay Raut Bail : संजय राऊत यांना आज संध्याकाळीच तुरुंगाबाहेर येणार?

संजय राऊत यांना आज संध्याकाळीच तुरुंगाबाहेर येणार?
संजय राऊत तब्बल 100 दिवसांनी जामीन मिळाला आहे. पीएमएलए विशेष कोर्टाने जामीन मंजूर केल्यानंतर राऊत तुरुंगाबाहेर कधी येणार, याकडे अनेकांचं लक्ष लागलं आहे. संजय राऊत यांच्या जामिनाला ईडीने विरोध केला असून स्थगिती देण्याची मागणी केली आहे. ईडी संजय राऊतांच्या जामिनाविरोधात हायकोर्टात अपील करणार आहे. मात्र, सूत्रांनी दिलेल्या माहितीनुसार, संजय राऊत आज संध्याकाळीच तुरुंगातून बाहेर येण्याची शक्यता आहे. 

09/11/2022 14:16:31

Sanjay Raut Bail : जामीन मिळताच संजय राऊतांच्या मोतोश्रींची पहिली प्रतिक्रिया; म्हणाल्या...

Sanjay Raut Bail : संजय राऊत यांच्या भांडुपमधील घराबाहेर शिवसैनिकांचा जल्लोष पाहायला मिळत आहे. दुपारी तीन वाजता शिवसैनिकांकडून संजय राऊतांच्या घराबाहेर जल्लोष साजरा केला जाणार आहे. अशातच संजय राऊत यांच्या मातोश्रींनी एबीपी माझाला पहिली प्रतिक्रिया दिली आहे. "माझा मुलगा येतोय... आनंद आहे...", असं त्या म्हणाल्या आहेत. 

09/11/2022 14:15:21

Sanjay Raut Bail: रोहित पवार यांच्या ट्वीटनं वेधलं लक्ष; शेअर केला खास व्हिडीओ

Rohit Pawar: रोहित पवार यांनी नुकतेच एक ट्वीट शेअर केलं आहे. या ट्वीटमध्ये रोहित पवार यांनी एक व्हिडीओ शेअर केला आहे. 

09/11/2022 14:09:10

Sanjay Raut Bail : संजय राऊत यांना जामीन मंजूर झाल्यानंतर राष्ट्रवादी प्रवक्ता क्लाईड क्रास्टो यांचं ट्वीट

Sanjay Raut Bail :  संजय राऊत यांना जामीन मंजूर झाल्यानंतर राष्ट्रवादी प्रवक्ता क्लाईड क्रास्टो यांनी ट्वीट शेअर केलं आहे. या ट्वीटनं अनेकांचे लक्ष वेधलं आहे. 

09/11/2022 14:01:17

Sanjay Raut Bail : संजय राऊतांच्या घरी जल्लोषाची तयारी, दुपारी तीन वाजता निवासस्थानी डीजे लावून जल्लोष

Sanjay Raut Bail :  संजय राऊतांच्या घरी जल्लोषाची तयारी करण्यात आली आहे. दुपारी तीन वाजता संजय राऊत यांच्या निवासस्थानी डीजे लावून जल्लोष करण्यात येणार आहे.