परंपरागत भीक मागण्याचा मार्ग नाकारून शिक्षणाच्या पायवाटेने कसरत करत नाथपंथी डवरी समाजातून पहिला पीएच. डी. धारक होण्याचा मान मिळवणारे, ख्यातनाम विचारवंत बुद्धीवादी प्रा. डॉ. नारायण भोसले यांचे काम निश्चितच मोठे आहे. तसेच भूमिहीन शेतकरी, आदिवासी कामगार वर्गाला संघटीत करून त्यांचा आवाज सरकारपर्यंत पोहोचवण्यासाठी 21 व्या शतकातील सर्वात लक्षणीय असा लाँग मार्च काढून या सर्व वंचित घटकांना न्याय मिळवून देणारे डॉ. अजित नवले यांचे कार्य स्पृहणीय आहे. त्याचबरोबर लेखन आणि उद्योग क्षेत्रात भरीव कामगिरी करणारे, रावण या लोकप्रिय संशोधन कादंबरीचे लेखक शरद तांदळे हे प्रसिद्ध उद्योजकही आहेत.
ढसाळांच्या 'नामा'चा गजर, सारं काही समष्टीसाठी सोहळा रंगणार
प्रथम दोन पुरस्काराचे स्वरूप रोख रक्कम पंचवीस हजार व मानपत्र असे असून गोलपीठा युवा पुरस्काराची रक्कम पाच हजार रुपये व मानपत्र असे असेल. या पुरस्काराचे वितरण ' सारं काही समष्टीसाठी' या कार्यक्रमात होईल. सदर कार्यक्रम दि.14 आणि 15 मार्च रोजी विद्यानगरी, मराठी भाषा भवन, मुंबई विद्यापीठात आयोजित करण्यात आलेला आहे. या कार्यक्रमादरम्यान एकुण चार नाटके, 14 लघूपट, 3 चर्चासत्रे, कविता वाचन असा परिपूर्ण कार्यक्रम होणार आहे.