व्यंगचित्रात काय आहे?
‘तामिळनाडू’ नावाच्या तलावात दोन कमळ दाखवण्यात आले आहेत. एक कमळ आकाराने मोठं, तर दुसरं लहान आहे. मोठ्या कमळावर अभिनेते कमल हसन उभे असून, कमळाच्या पाकळ्यांवर लिहिले आहे ‘तामिळ अस्मिता’. तर त्याच तलावात दुसऱ्या लहान कमळाच्या बाजूला ‘भाजप’ लिहिले आहे.
तलावाच्या काठावर पंतप्रधान नरेंद्र मोदी आणि भाजपाध्यक्ष अमित शाह उभे असून, अमित शाह हे मोदींना उद्देशून बोलत आहेत, “साहेब, हे अचानक कुठून उगवलं आता?”
राज ठाकरे यांनी आपल्या कुंचल्यातून अनेकदा अमित शाह, भाजप, राष्ट्रीय स्वयंसेवक संघावर टीका केली आहे. आता त्यांनी आपला मोर्चा तामिळनाडूकडे वळवला आहे. तामिळनाडूतल्या अस्मितेचा आधार घेत राज यांनी मोदी-शाह यांच्यावर निशाणा साधला.