मुलीच्या लग्नाची पत्रिका देण्यासाठी आलो होतो, राजकीय चर्चा झाली नाही, असं नितीन गडकरींनी भेटीनंतर स्पष्ट केलं.
नोटाबंदीच्या निर्णयावर शिवसेनेचं तळ्यात-मळ्यात सुरु असतानाच, शिवसेना आणि भाजपचं गळ्यात गळे घालणं सुरुच आहे. एकीकडे शिवसेना खासदार जिल्हा बँकांवरील निर्बंधाविरोधात मोदींच्या दरबारी पोहोचले आहे. तसंच मोदींनी मवाळ भूमिका न घेतल्यास भाजपविरोधात दंड थोपवण्याची तयारीही शिवसेनेने केली आहे.
तर दुसरीकडे नितीन गडकरींनी 'मातोश्री'वर उद्धव ठाकरेंची भेट घेतली. गडकरींच्या मुलीच्या लग्नाच्या आमंत्रणाच्या निमित्ताने ही भेट झाली.