नव्या वाशी खाडी पुलावरुन मोठ्या प्रमाणात अवजड वाहनांची वाहतूक असल्याने लोखंडी जॉईंडरची झीज झाली आहे. त्यामुळे सार्वजनिक बांधकाम विभागाकडून पुलावरील जाईंडर दुरूस्तीचं 23 जानेवारीपासून हाती घेण्यात येणार होतं. पण काही कारणास्तव हे काम पुढे ढकलण्यात आलं.
आजपासून या कामास सुरुवात होत असून, या कामासाठी मुंबईकडे येणारी मार्गिका पूर्णपणे बंद करण्यात आली आहे. मात्र, पुलाची उत्तर मार्गिका सुरु राहणार असून यावरुन मुंबईच्या दिशेनं वाहतूक होईल.
दरम्यान, मुंबईतून बाहेर पडणाऱ्या हलक्या वाहनांसाठी जुना खाडी पुल खुला करण्यात आला आहे. अवजड वाहनांना या पुलावरुन बंदी असल्यानं अवजड वाहतूक ऐरोलीमार्गे नवी मुंबईत वळवण्यात आली आहे.
संबंधित बातम्या
नव्या वाशी खाडी पुलाच्या दुरुस्तीचं काम पुढे ढकललं
नव्या वाशी खाडी पुलावर 20 दिवस दुरुस्तीचं काम, एक मार्ग बंद