मुंबई:  भाजप प्रणित एनडीएचे राष्ट्रपतीपदाचे उमेदवार रामनाथ कोविंद मुंबईत दाखल झाले आहेत. मुंबई विमानतळावर कोविंद यांचं जंगी स्वागत करण्यात आलं आहे. कोविंद यांच्या स्वागतासाठी मुख्यमंत्री देवेंद्र फडणवीस आणि भाजप प्रदेशाध्यक्ष रावसाहेब दानवे, आशिष शेलार, विनोद तावडे उपस्थित होते. यानंतर रामनाथ कोविंद मुंबईतल्या गरवारे क्लबमध्ये दाखल झाले. आजच्या दौऱ्यात कोविंद एनडीएच्या सर्व घटक पक्षांच्या नेत्यांची भेट घेणार आहेत. यावेळी शिवसेनेचे आमदारही उपस्थित आहेत. या कार्यक्रमासाठी केंद्रीय मंत्री नितीन गडकरी, अनंत गिते, रामदास आठवले, राज्याचे दुग्धविकास मंत्री महादेव जानकर यांच्यासह भाजप आणि घटकपक्षांचे नेते उपस्थित आहेत. दरम्यान, कोविंद यांच्या दौऱ्याच्या वेळापत्रकात 'मातोश्री भेटी'चा उल्लेख नसल्यानं कोविंद 'मातोश्री'वर जाणार नसल्याची माहिती मिळतेय. रामनाथ गोविंद यांच्याविषयी 10 खास गोष्टी :
  • सध्या बिहारचे राज्यपाल
  • भाजपमध्ये दलित समाजचं प्रतिनिधित्व करणारं मोठं नाव
  • दोन वेळेस राज्यसभेचे खासदार
  • उत्तरप्रदेशच्या कानपूरचे रहिवाशी
  • भाजपच्या दलित मोर्च्याचे अध्यक्षही होते.
  • ऑल इंडिया कोली समाजाचे अध्यक्ष होते.
  • भाजपचे राष्ट्रीय प्रवक्ताही होते.
  • पेशानं वकिल
  • 2002 मध्ये संयुक्त राष्ट्रात भारताचं प्रतिनिधित्व केलं होतं.
  • गृह मंत्रालयासह अनेक मंत्रालयाचे सदस्य होते.
संबंधित बातम्या रामनाथ कोविंद 'एनडीए'चे राष्ट्रपतीपदाचे उमेदवार!