- मुख्यपृष्ठ
- INDIA AT 2047
- IPL 2024
- क्रिकेट
- निवडणूक
- अयोध्या राम मंदिर
- भारत
- विश्व
- महापालिका निवडणूक 2022
- टेलिव्हिजन
- सिनेमा
- औरंगाबाद
- उस्मानाबाद
- मुंबई
- पुणे
- नाशिक
- नागपूर
- कोल्हापूर
- सोलापूर
- क्रीडा
- फोटो
- राशीभविष्य
- वेब स्टोरी
- वर वधू
- धार्मिक
- शिक्षण
- ट्रेंडिंग न्यूज
- आरोग्य
- लाईफस्टाईल
- क्राईम
- राजकारण
- शेत-शिवार
- व्यापार-उद्योग
- पर्सनल फायनान्स
- म्युच्युअल फंड्स
- आयपीओ
- जॅाब माझा
- ऑटो
- टेक-गॅजेट
- ब्लॉग
- उपयुक्तता
- संपर्क करा
- IDEAS OF INDIA
Mumbai Rain LIVE: मुंबईकरांनो सावधान, पुढील तीन तास जपून, अतिवृष्टीची शक्यता, हवामान खात्याचा अलर्ट
Mumbai Rains Live updates: मुंबईतील पावसाचे लाईव्ह अपडेटस् पाहण्यासाठी क्लिक करा. मुंबई आणि ठाणे परिसरात रात्रीपासून जोरदार पाऊस आहे. आगामी काही तासांत पाणी तुंबण्याची शक्यता
पार्श्वभूमी
Mumbai Rains Live updates: मुंबई आणि उपनगर परिसरात रविवारी रात्रीपासून मुसळधार पाऊस सुरु आहे. सोमवारी पहाटेपासून या पावसाचा जोर आणखी वाढला आहे. सध्या मुंबईतील आकाशात काळ्या ढगांची गर्दी असून आगामी...More
मध्य रेल्वेची वाहतूक विस्कळीत. बदलापूर आणि अंबरनाथ स्थानकांदरम्यान मालगाडीच्या इंजिनात तांत्रिक बिघाड, वाहतूक विस्कळीत, कल्याणवरुन दुसरं इंजिन मागवलं.
Mumbai Rains: मुंबईत काल रात्रीपासून पडत असलेल्या मुसळधार पावसामुळे शहरातील अनेक सखल भागांमध्ये पाणी साचले आहे. दक्षिण मुंबईतील पाणी तुंबण्याचे हॉटस्पॉट असलेल्या हिंदमाता, किंग्ज सर्कल, माटुंगा, फाईव्ह गार्डन आणि हिंदू कॉलनी परिसरात पाण्याचा निचरा न झाल्याने (Water Logging) मोठ्याप्रमाणावर पाणी साचले आहे. सविस्तर बातमी वाचण्यासाठी क्लिक करा.
मुंबईतील पावसाचा जोर दुपारनंतर कमी होण्यास सुरुवात होईल, हवामान खात्याची माहिती. मुंबईत देखील काही भागात विजांच्या कडकडाटासह मुसळधार पावसाचा इशारा
कोकणासाठी आज ऑरेंज अलर्ट जारी
मुंबईत देखील काही भागात विजांच्या कडकडाटासह मुसळधार पावसाचा इशारा
मुंबई, ठाण्यासाठी आज देखील ऑरेंज अलर्ट जारी
रायगडमध्ये आज काही भागात अतिवृष्टीचा इशारा
माथेरानमध्ये मागील 24 तासांत झालेल्या अतिवृष्टीनंतर खबरदारी म्हणून रेड अलर्ट जारी
सोबतच, पुण्यातील घाट परिसरात देखील अतिवृष्टीचा इशारा
लोणावळा, खंडाळा परिसरात अतिवृष्टीचा इशारा
आज आणि उद्या राज्यात सर्वत्र चांगल्या पावसाचा अंदाज
मराठवाड्यात आज सर्वत्र मुसळधार पावसाचा अंदाज
संभाजीनगर आणि बीडसाठी ऑरेंज अलर्ट जारी, काही भागात अतिमुसळधार पावसाची शक्यता
विदर्भात देखील सर्वत्र पावसाचा यलो अलर्ट जारी, काही भागात विजांच्या कडकडाटासह मुसळधारेचा इशारा
रायगड जिल्ह्याला आज ऑरेंज अलर्ट देण्यात आला आहे. त्यामुळे जिल्ह्यात मुसळधार पाऊस कोसळण्याची शक्यता हवामाना विभागाकडून वर्तवण्यात आली आहे. सकाळपासून रायगड जिल्ह्यात पावसाची रिमझिम सुरूच आहे. काल रात्री पावसानं रायगड जिल्ह्यातल्या दक्षिण भागाला चांगलं झोडपून काढले. त्यामुळे सावित्री नदीच्या पाणी पातळीत देखील थोड्या प्रमाणात वाढ झाली होती. मात्र, सकाळपासून पावसाचा जोर कमी झाल्यामुळे सावित्री नदीच्या पाणीपातली ची वाढ देखील कमी झाली आहे. मात्र, पावसाची संत धार रायगड जिल्ह्यात सुरूच असल्याचे पाहायला मिळत आहे.
मुंबईत सकाळपासून सुरु असलेल्या मुसळधार पावसामुळे वरळी परिसरात पाणी साचले आहे. वरळी उड्डाणपुलाच्या खाली गुडघाभर पाणी साचले आहे. येथील रस्त्याला नदीचे स्वरुप आले आहे
अरबी समुद्रात कमी दाबाचा पट्टा निर्माण झाल्याने तळकोकणात सकाळपासून पावसाची रिपरिप सुरू आहे. आजपासून हवामान विभागाने पुढील तीन दिवसासाठी येलो अलर्ट जारी केला आहे. सध्या सिंधुदुर्ग जिल्ह्यात सर्वदूर पाऊस कोसळत असून या पावसाचा फायदा बळीराजाला होणार आहे. सध्या भात शेती फुलोऱ्यावर आल्याने हा पाऊस शेतीला फायदेशीर ठरणार आहे.
वसई विरार परिसरात पावसाची संततधार सुरू. सकाळपासून ढगाळ वातावरण होतं. वसई विरार परिसरात रिमझिम पावसासह अधूनमधून जोरदार पाऊस पडत आहे. सध्या तरी कुठेही पाणी साचले नसून शहरातील वाहतूक सुरळीत आहे. विरारच्या मनवेल पाड्यातील दृश्य आहेत.
मुंबई आणि उपनगर परिसरात पावसाची संततधार कायम आहे. पश्चिम उपनगरात पावसाने विश्रांती घेतली असली तरी आकाशात काळ्या ढगांची गर्दी आहे. त्यामुळे पावसाचा जोर पुन्हा वाढण्याची शक्यता आहे.
पुढील ३ तासांत जिल्ह्यांत मध्यम ते जोरदार स्वरूपाचा पाऊस पडण्याची शक्यता आहे. काही भागात विजांसह वादळी वारे आणि ४०-५० किमी प्रतितास वेगाने वारे वाहण्याची शक्यता आहे. नागरिकांनी सतर्क राहावे.
मुंबईसह पूर्व आणि पश्चिम उपनगरात मध्य रात्रीपासून मुसळधार पाऊस सुरू आहे. पश्चिम उपनगरात अंधेरी, जोगेश्वरी, गोरेगाव, मालाड, कांदिवली, बोरिवली, दहिसर, विलेपार्ले, सांताक्रुझ, वांद्रे या सर्व परिसरात जोरदार पाऊस सुरू आहे.
मुंबईच्या पश्चिम उपनगरातील अंधेरी परिसरात मुसळधार पाऊस. अंधेरी सबवे सुरू झाला आहे. काही प्रमाणात पाणी अजूनही साचलेले आहे. पण पाण्याचा निचरा होतोय पाऊस थांबला आहे.
कुलाबा - १३४.४ मिमी
सांताक्रुज - ७३.२ मिमी
माथेरान - २७१.४ मिमी
नवी मुंबई - ८२ मिमी
पुणे - ६० मिमी
बारामती - ५२ मिमी
महाबळेश्वर- ७३.५ मिमी
रत्नागिरी - ६०.६ मिमी
बीड - ७२.६ मिमी
अहिल्यानगर - २२ मिमी
परभणी - ४३ मिमी
उदगीर - ३८ मिमी
मुंबईत आज पहाटेपासून मुसळधार पाऊस सुरु आहे. त्यामुळे मध्य रेल्वेच्या माटुंगा रेल्वे स्थानकात ट्रॅकवर पाणी साचायला सुरुवात झाली आहे. पावसाचा जोर कायम राहिल्यास मध्य रेल्वेची वाहतूक ठप्प होण्याची शक्यता.
वडाळा स्टेशन जवळ मोनोरेलमध्ये तांत्रिक बिघाड झाल्याने मनोरेल थांबवण्यात आली. मोनोरेल पुढील स्टेशनवर आणण्यात आली आणि प्रवाशांना बाहेर काढण्यात आले. वडाळा परिसरात तांत्रिक कारणामुळे बंद पडलेल्या मोनोमध्ये 17 प्रवासी होते. मोनोरेल बंद पडताच त्यांना दुसऱ्या मोनोमध्ये शिफ्ट करण्यात आले आहे. कपलिंग करून मोनोरेलला कारशेड नेण्यात येत आहे. त्याठिकाणी तांत्रिक बिघाड दुरुस्त केला जाईल. प्रवाशांना दुसऱ्या मोनो मध्ये शिफ्ट करण्यात आले आहे. सकाळी पावणेआठ वाजता हा तांत्रिक बिघाड झाल्याचं सांगण्यात आले आहे.
मुंबईत आज पहाटेपासून मुसळधार पाऊस सुरु आहे. या मुसळधार पावसामुळे पश्चिम रेल्वेमार्गावरील वाहतूक विस्कळीत झाली आहे. पश्चिम रेल्वेमार्गावरील लोकल ट्रेन पाच ते दहा मिनिटं उशिराने धावत आहेत.
मुंबईतील मोनोरेल बंद, वडाळा स्थानकात तांत्रिक बिघाड. बंद पडलेल्या मोनो रेलमधून प्रवाशांना खाली उतरवण्यात आले आहे.
मुंबईत सकाळपासून जोरदार पाऊस सुरु आहे. कुर्ला रेल्वे स्थानकात रुळांवर पाणी साचायला सुरुवात झाली आहे. पावसाचा जोर कायम राहिल्यास मध्य रेल्वे वाहतूक ठप्प होण्याची शक्यता आहे.
मुंबईमध्ये मध्यरात्रीपासूनच जोरदार पावसाला सुरुवात झाली आहे. हवामान खात्याने आज मुंबई आणि उपनगरांसाठी येलो अलर्ट जारी केला आहे. आठवड्याचा पहिला दिवस असल्याने मोठ्या प्रमाणावर चाकरमानी कार्यालयासाठी घराबाहेर पडले आहेत. मात्र, मुसळधार पावसाचा फटका प्रवाशांना बसण्याची शक्यता व्यक्त केली जात आहे. दरम्यान, मुंबईतील नेहमीचा जलमय होणारा हिंदमाता चौक येथे पाणी साचायला सुरुवात झाली आहे. मात्र, महानगरपालिकेच्या सक्षम मशिनरीच्या मदतीने ते पाणी उपसण्याचे काम युद्धपातळीवर सुरू आहे.
मुंबई आणि ठाणे परिसरात सुरु असलेल्या मुसळधार पावसामुळे मुंबईची लाईफलाईन असणारी लोकल ट्रेनची वाहतूक विस्कळीत झाली आहे. मध्य रेल्वेची वाहतूक 15 ते 20 मिनिटे उशिराने सुरु आहे. हार्बर रेल्वेमार्गावर पाच ते दहा मिनिटं उशीराने गाड्या धावत आहेत.
नवी मुंबईत सध्या संततधार पाऊस पडत आहे.
संपुर्ण ढगाळ वातावरण आहे
संततधार पावूस पडत असल्याने सखल भागात पाणी साचलेले नाही
वातावरण पाहता मुसळधार पावसाची शक्यता
रायगड जिल्ह्याला आज सुद्धा ऑरेंज अलर्ट देण्यात आला असून सकाळपासून आकाशात ढगाळ वातावरण आहे. काही भागात पावसाची रिमझिम सुरू असून. पाऊस कोसळण्याची शक्यता हवामान विभागाकडून वर्तविण्यात आली आहे.
मुंबई आणि उपनगर परिसरात आज पहाटेपासून पावसाच्या जोरदार सरी बरसत आहेत. आकाशात काळ्या ढगांनी गर्दी केली असून सर्वत्र अंधाराचे साम्राज्य आहे.
नवी मुंबई परिसरात काल रात्रभर मुसळधार पाऊस पडला. मात्र, आता पावसाने विश्रांती घेतली आहे. मात्र, अजूनही याठिकाणी ढगाळ वातावरण आहे.
ठाण्यात रात्रभर मुसळधार पाऊस झाला आहे. मात्र, गेल्या तासाभरापासून पाऊस थांबला आहे. परंतु अजूनही ढगाळ वातावरण आहे
कुलाबा 88.2
वांद्रे 82.0
भायखळा 73.0
टाटा पॉवर 70.5
जुहू 45.0
सांताक्रुझ 36.6
महालक्ष्मी 36.5
बोरिवली, अंधेरी, जोगेश्वरी परिसरात तुफान पाऊस. आकाशात काळ्या ढगांच्या दाटीमुळे अंधाराचे साम्राज्य. कल्याण, ठाणे, डोंबिवली परिसरातील रात्रभर मुसळधार पाऊस.
मुंबई उपनगरात सोमवारी पहाटेपासून जोरदार पावसाच्या सरी बरसत आहेत. अंधेरी मेट्रो स्टेशन परिसरात पाणी साचायला सुरुवात. पश्चिम उपनगरात पावसाचा प्रचंड जोर
मुंबईच्या पश्चिम उपनगरातील अंधेरी परिसरात मुसळधार पाऊस कोसळत आहे. पावसामुळे रस्त्यावरील दृश्यमानता कमी झाली आहे. याठिकाणी पाणी साचण्यास सुरुवात झाली आहे.
नवी मुंबईत काल रात्री मुसळधार पाऊस पडला. पण आज पहाटेपासून नवी मुंबईत पावसाचा जोर ओसरला आहे. सध्या पावसाने काहीशी विश्रांती घेतली आहे.
आज पहाटेपासून मुंबईत जोरदार पाऊस कोसळत आहे. सध्या आकाशात काळ्या ढगांची गर्दी आहे. ही परिस्थिती पाहता पावसाचा जोर वाढू शकतो. तसे घडल्यास आठवड्याच्या पहिल्याचा दिवशी रस्ते आणि लोकल ट्रेनच्या वाहतुकीचे तीनतेरा वाजण्याची शक्यता आहे. त्यामुळे सोमवार मुंबईकरांसाठी तापदायक ठरण्याची शक्यता आहे.
काल रात्रीपासून मुंबईत धो-धो पाऊस कोसळत आहे. आज पहाटेपासून पावसाचा जोर आणखी वाढला आहे. पावसाचा जोर कायम राहिल्यास पुढील काही वेळात मुंबईत पाणी तुंबण्याची शक्यता आहे.
- मुख्यपृष्ठ
- बातम्या
- मुंबई
- Mumbai Rain LIVE: मुंबईकरांनो सावधान, पुढील तीन तास जपून, अतिवृष्टीची शक्यता, हवामान खात्याचा अलर्ट