Mumbai Rain Live Updates : मुंबईत मुसळधार पाऊस, मध्य रेल्वेची वाहतूक 15 ते 20 मिनिटांनी उशीराने...

Mumbai Rain Live Updates : मुंबईत मुसळधार पाऊस (Heavy rain in Mumbai) सुरु आहे. जोरदार पावसामुळं वाहतुकीवर परिणाम झाला आहे.

पार्श्वभूमी

Mumbai Rain Live Updates : आज सकाळपासून मुंबईत मुसळधार पाऊस (Heavy rain in Mumbai) सुरु आहे. जोरदार पावसामुळं सखल भागात पाणी साचलं आहे. यामुळं वाहतुकीवर परीणाम झाला आहे. ठाणे, मुंबई, दिवा, कळवा, मुंब्रा या परिसरामध्ये जोरदार पाऊस सुरु आहे. अर्धवट राहिलेल्या रस्त्यांची कामामुळं ठाण्यातील वागळे स्टेट परिसरात ठाण्याहून मुंबईच्या दिशेनं आणि मुंबईहून ठाण्याच्या दिशेनं जाणाऱ्या रस्त्यावर वाहनांच्या लांबच लांब रांगा लागल्या आहेत. मोठी वाहतूक कोंडी झाल्याचं पाहायला मिळत आहे. वाहतूक कोंडी झाल्यामुळं रिक्षावाले आणि सामान्य नागरिक हे वाहतूक सुरळीत करण्यासाठी स्वतः रस्त्यावर उतरत आहेत. मोठी वाहतूक कोंडी झाल्यामुळं चाकरमान्यांना त्रास सहन करावा लागत आहे. वाहतूक कोंडी दूर करण्यासाठी वाहतूक विभागाकडून कोणत्याच प्रकारचं नियोजन करण्यात आलं नाही. मुंबईच्या पूर्व उपनगरामध्ये पावसाचा जोर वाढलामुंबईच्या पूर्व उपनगरामध्ये सकाळपासून पावसाने अक्षरशः झोडपून काढले आहे. या पावसामुळं सखल भागांमध्ये पाणी साचण्यास सुरुवात झाली आहे. सध्या पावसाचा जोर ओसरल्यानं महामार्गावर वाहतूक कोंडी दिसून येत नाही. मात्र एलबीएस रोडवर काही ठिकाणी वाहतूक कोंडी झाली आहे. पूर्व उपनगराप्रमाणेच ठाण्यात देखील सकाळपासून मुसळधार पाऊस बरसत आहे. मुंबईतील पश्चिम द्रुतगती मार्गावर बांद्रापासून ते अगदी अंधेरीपर्यंत अनेक ठिकाणी वाहतूक कोंडी झालेली पाहायला मिळतेय. अंधेरी बोरिवली दिशेने वाहनांच्या लांबच लांब रांगा पश्चिम द्रुतगती मार्गावर पाहायला मिळत आहेत. अनेक ठिकाणी रस्त्यांची काम सुरू असल्याने आणि दुसरीकडे अधून मधून जोरदार पाऊस पडत असल्याने या वाहतूक कोंडीतून मुंबईकर मार्गस्थ होत आहेत.

30/06/2023 13:26:43

पालघर जिल्ह्यात सलग सहाव्या दिवशी पाऊस सुरु, शेतात पाणी साचल्यामुळं पेरण्या खोळंबल्या

Palghar Rain : पालघर जिल्ह्यात शुक्रवारी पहाटेपासून मुसळधार पावसानं हजेरी लावली. त्यामुळं जिल्ह्यातील नदीनाले भरून वाहायला सुरुवात झाली आहे. पालघर जिल्ह्यातल्या धरणांच्या पाणी पातळीतही कमालीची वाढ झाली आहे. जिल्ह्यातील सूर्या, वैतरणा आणि पिंजाळ या प्रमुख नद्यांना पूर आला आहे. पाऊस सुरू झाल्यामुळं शेतकऱ्यांनी आपल्या भात पेरण्या सुरू केल्या होत्या. पण सतत पडणाऱ्या मुसळधार पावसामुळं आणि शेतात पाणी साचल्यामुळं त्या पेरण्याही आता खोळंबल्या आहेत. झालेल्या पेरण्याही अतिपावसामुळं आणि पुरामुळं वाया जाण्याची शक्यता आहे. 

 

30/06/2023 09:57:09

Mumbai Local : मुंबईत मुसळधार पाऊस, हार्बर मार्गावरील लोकल 15 तर पश्चिम रेल्वे10 मिनीट उशिराने

Mumbai Local : मुंबईत सध्या मुसळधार पाऊस सुरु आहे. या पावसामुळं हार्बर मार्गावरील लोकल 15 मिनीट उशिराने सुरु आहे, तर  पश्चिम रेल्वे 5 ते 10 मिनीट उशिराने सुरु आहे. 

30/06/2023 09:53:50

Mumbai Rain : अर्ध्या तासानंतर अंधेरी सबवेवरील वाहतूक सुरु

Mumbai Rain : अर्धा तास अंधेरी सबवे बंद झाल्यानंतर पुन्हा वाहनांसाठी व इतर नागरिकांसाठी लाहतूक सुरु करण्यात आली आहे. 

30/06/2023 09:10:29

मुंबईत मुसळधार पाऊस, मध्य रेल्वेची वाहतूक 15 ते 20 मिनिटांनी उशीराने

Mumbai Rain :  मुंबईत मुसळधार पाऊस सुरु आहे. या पावसामुळं मध्य रेल्वेची वाहतूक 15 ते 20 मिनिटांनी उशीराने सुरु आहे. 

30/06/2023 08:21:46

Rain : कल्याण-डोंबिवलीमध्ये रात्रभर पाऊस

Rain : कल्याण डोंबिवली मध्ये रात्रभर पाऊस कोसळत होता सकाळी एक तासाच्या विश्रांतीनंतर पुन्हा पावसाला सुरुवात झाली आहे

30/06/2023 08:19:00

अंबरनाथ बदलापूर परिसरात मुसळधार पाऊसाला सुरुवात

Mumbai Rain : अंबरनाथ बदलापूर परिसरात मुसळधार पाऊसाला सुरुवात झाली आहे. रात्री विश्रांती घेतल्यानंतर आज सकाळपासून पाऊसाची जोरदार बॅटिंग

30/06/2023 08:16:18

मुंबईत मुसळधार पावसाला सुरुवात, अंधेरी सबवे खाली तीन ते चार फूट पाणी; अंधेरी सबवे वाहनांसाठी बंद

Mumbai Rain :  मुंबईत मुसळधार पावसाला सुरुवात झाली आहे. ठिकठिकाणी पाणी साचायला सुरुवात झाली आहे. त्यामुळं वाहतुकीवर परिणाम होत आहे. अंधेरी सबवे खाली तीन ते चार फूट पाणी भरल्यामुळं अंधेरी सबवे वाहनांसाठी व इतर नागरिकांसाठी बंद करण्यात आला आहे.