मुंबई : दिवाळीच्या तोंडावर मुंबई महापालिकेतील कर्मचारी संघटना सानुग्रह अनुदानासाठी आक्रमक झाल्या आहेत. कर्मचाऱ्यांना यंदा 40 हजारांचा दिवाळी बोनस देण्यात यावा अशी मागणी पालिका कर्मचाऱ्यांनी केली आहे.

एकीकडे बेस्ट कर्मचाऱ्यांनी बोनस नसेल तर चालेल पण पगार वेळेवर द्या असं म्हटलं आहे. तर दुसरीकडे मुंबई महापालिका कर्मचाऱ्यांच्या तब्बल 40 संघटना बोनसच्या मागणीसाठी एकवटल्या आहेत.

दरम्यान, पालिका कर्मचाऱ्यांच्या बोनससाठी पालिकेच्या तिजोरीवर 300 कोटींचा भार पडणार आहे. 5 तारखेला महापालिका कर्मचाऱ्यांच्या 40 संघटना आझाद मैदानावर एकदिवसीय आंदोलन पुकारणार आहेत.