Mumbai Locals Block Live Updates : ठाणे-दिवा दरम्यान 72 तासांचा मेगाब्लॉक

Jumbo Mega Block Breaking News LIVE Updates : जम्बो मेगा ब्लॉक संबंधिक ताज्या घडामोडी, महत्त्वाचे अपडेट्स या लाईव्ह ब्लॉगमध्ये...

पार्श्वभूमी

Jumbo Mega Block : मध्य रेल्वेवर (Central Railway) शुक्रवार, शनिवार आणि रविवारी म्हणजेच ब्लॉक 04, 05 आणि 06 फेब्रुवारी रोजी 72 तासांचा जम्बो मेगा ब्लॉक घेण्यात येणार आहे. मध्य रेल्वेच्या (Central Railway) ठाणे (Thane) ते दिवा (Diva) स्थानकादरम्यान हा जम्बो मेगा ब्लॉक (Jumbo Mega Block) घेण्यात येणार आहे. या मेगा ब्लॉक दरम्यान, 350 लोकल ट्रेन रद्द करण्यात आल्या आहेत. तर, शंभरहून अधिक लांब पल्ल्याच्या एक्सप्रेस आणि मेल गाड्याही रद्द करण्यात आल्या आहेत. ठाणे ते दिवा स्थानकादरम्यान 5 व्या मार्गिकेवर आणि दिवा ते ठाणे स्थानकादरम्यान अप फास्ट मार्गिकेवर आणि 6 व्या मार्गिकेवर हा जम्बो मेगा ब्लॉक असणार आहे. त्यामुळे कोकणात जाणाऱ्या सर्व गाड्या 3 दिवस रद्द करण्यात आल्या आहेत. कोकणात जाणाऱ्या तेजस, जन शताब्दी, एसी डबल डेकर, तसेच कोच्चूवेली, मंगलोर, हुबळी या एक्सप्रेस गाड्या या मेगा ब्लॉकमुळे रद्द करण्यात आल्या आहेत. याबरोबरच डेक्कन एक्सप्रेस, डेक्कन क्वीन एक्सप्रेस, जालना जन शताब्दी, कोयना एक्सप्रेस, पंचवटी एक्सप्रेसह शंभर एक्सप्रेस गाड्या तीन दिवस रद्द करण्यात आल्या आहेत.  दिवा-वसई मेमु ट्रेन रद्द करण्यात आल्या असून अनेक गाड्या पनवेल स्थानकात थांबवण्यात येणार आहेत. तर सर्व फास्ट लोकल (जलद गाड्या) गाड्या स्लो (धिम्या मार्गावर) ट्रॅकवर वळवण्यात येणार आहेत. मध्य रेल्वेवरील पाचव्या आणि सहाव्या मार्गिकेच्या कामांसाठी आतापर्यंत अनेक मोठे जम्बो मेगाब्लॉक घेण्यात आले आहेत. मात्र यातील सर्वात मोठा ब्लॉक 4, 5, आणि 6 फेब्रुवारी रोजी घेण्यात येणार आहे. या मेगाब्लॉकनंतर पाचवी आणि सहावी मार्गिका कार्यन्वित होईल, असं एमआरव्हीसीनं सांगितलं आहे. संबंधित बातम्या :Budget 2022: मुंबईसह राज्यातील मध्य रेल्वेच्या प्रकल्पासाठी अर्थसंकल्पात तरतूद; 'या' कामांसाठी होणार खर्चMunbai Local: आज मध्यरात्रीपासून मध्य रेल्वेवर 72 तासांचा जम्बो मेगाब्लॉक; अनेक एक्स्प्रेस, लोकल रद्दRailway Vacancy 2022 : रेल्वेत नोकरीची सुवर्णसंधी, लगेच अर्ज करा; 'ही' शेवटची तारीखमुंबई रेल्वे प्रकल्पांसाठी निधीत काटछाट!

05/02/2022 09:38:52

Railway Mega Block: मेगाब्लॉकदरम्यान या एक्सप्रेस रद्द! ABP Majha

05/02/2022 09:27:21

Railway Mega Block: कोकण रेल्वे मार्गावरील एक्सप्रेस आणि 350 लोकल फेऱ्या रद्द ABP Majha

05/02/2022 09:25:48

Central Railway Mega Block: पाचव्या आणि सहाव्या मार्गिकेच्या कामासाठी आज, उद्या, सोमवारी मेगा ब्लॉक

Central Railway Mega Block: पाचव्या आणि सहाव्या मार्गिकेच्या कामासाठी आज, उद्या, सोमवारी मेगा ब्लॉक

05/02/2022 08:24:37

ठाणे आणि मुंब्रा या स्थानकांच्या दरम्यान 205 विशेष बस सेवा चालवणार

ठाणे महानगरपालिका ठाणे आणि मुंब्रा या स्थानकांच्या दरम्यान 205 विशेष बस सेवा चालवणार आहे. त्यामुळे या शनिवारी रविवारी आणि सोमवारी मध्य रेल्वेने प्रवास करताना थोडे नियोजन करून घराबाहेर पडावे लागणार आहे

05/02/2022 07:32:59

100 पेक्षा जास्त एक्सप्रेस तर 350 हून जास्त लोकलच्या फेऱ्या देखील रद्द

जम्बो मेगाब्लॉक मुळे तीन दिवसांच्या कालावधीत तब्बल 100 पेक्षा जास्त एक्सप्रेस गाड्या रद्द करण्यात आलेले आहेत. तर 350 हून जास्त लोकल च्या फेऱ्या देखील रद्द करण्यात आलेल्या आहेत. याचा खूप मोठा फटका हा प्रवाशांना बसणार आहे.

05/02/2022 16:18:07

शनिवार, रविवार आणि सोमवार असे तीन दिवस हा जम्बोब्लॉक

 शनिवार, रविवार आणि सोमवार असे तीन दिवस हा जम्बोब्लॉक असेल.  मध्यरात्री 12 वाजल्यानंतर कामाला सुरुवात झालेली आहे. आणि थेट सोमवारी रात्री बारा वाजता नव्या मार्गिकेचं काम पूर्ण होईल. या मेगाब्लॉकच्या कालावधीत जवळपास ३५० लोकल धावणार नाहीत. त्याशिवाय शंभरपेक्षा अधिक लांब पल्ल्याच्या गाड्या रद्द करण्यात आल्या आहेत.

 

05/02/2022 07:31:54

आजपासून ठाणे ते दिवा स्थानकांदरम्यान पाचव्या आणि सहाव्या मार्गिकेच्या कामासाठी 72 तासांचा जम्बोब्लॉक

मध्य रेल्वेच्या उपनगरीय लोकलनं प्रवास करत असलेल्या मुंबईपासून कर्जत-कसारापर्यंतच्या नागरिकांसाठी अतिशय महत्त्वाची बातमी. आजपासून ठाणे ते दिवा स्थानकांदरम्यान पाचव्या आणि सहाव्या मार्गिकेच्या कामासाठी ७२ तासांचा जम्बोब्लॉक घेतला जाणार आहे.