Mumbai Local Train Viral Video: मुंबई लोकल ट्रेनचा (Train) महिला डबा हा एक युद्धाचा आखाडाच बनला आहे. मुंबईकरांचा श्वास असणाऱ्या लोकल ट्रेनमध्ये दररोज कोणत्या ना कोणत्या कारणावरून महिलांमध्ये वाद होतात, नंतर या वादाचं रुपांतर हाणामारीत देखील होतं. सध्या सोशल मीडियावर असेच मारामारीचे दोन व्हिडीओ व्हायरल (Viral Video) झाले आहेत.
व्हायरल झालेल्या व्हिडीओमध्ये कोणत्यातरी कारणावरुन महिलांमध्ये शाब्दिक बाचाबाची होते आणि नंतर त्यांच्यात थेट थप्पड युद्ध सुरू होतं. दोन महिला एकमेकींच्या कानाखाली लगावतात. धावत्या ट्रेनमध्ये या बायांनी महिला डब्ब्याला कुस्तीचा आखाडाच बनवलं आहे.
लोकलमधील काकूंचा राग अनावर
पहिल्या व्हायरल व्हिडीओमध्ये दिसतं की, लोकल ट्रेनमध्ये एका काकूंची एका तरुणीसोबत जोरदार शाब्दिक बाचाबाची झाली. आता या दोघींमध्ये नेमका वाद कशावरून झाला? हे कळलं नाही. पण काकू इतक्या संतापलेल्या दिसत आहेत की, तेथील एकूणच गरम परस्थितीचा अंदाज येतो.
आता या चवताळलेल्या काकू रागाच्या भरात समोरच्या मुलीला जोरदार कानशिलात लगावतात. पण यानंतरही वयाचा विचार करुन ही मुलगी शांतपणे तिच्या सीटवर बसते. पण काकूंचा राग काही कमी होत नव्हता, त्या मुलीला सुनवतच राहिल्या. मात्र, मुलीच्या संयमाचा बांध फुटल्याने तिनेही काकूंना उत्तर देण्यास सुरुवात केली. त्या दोघींची बाचाबाची डब्यातील इतर महिला पाहत होत्या.
धावत्या ट्रेनमध्ये महिलांची 'दे दणादण'
बरं, हा झाला पहिल्या व्हिडिओचा मुद्दा. आता दुसऱ्या व्हिडीओमधील दोन महिलांनी तर थप्पड युद्धच सुरु केलं. दोन महिलांमध्ये कोणत्या तरी मुद्द्यावरून बाचाबाची झाल्याचं पाहायला मिळालं. हा वाद इतका पेटला की त्यांनी एकमेकींचं चीरहरण केलं.
पिवळ्या सूटमध्ये दिसणाऱ्या बाईने समोर असलेल्या मुलीला कानाखाली मारली, यानंतर तिनेही महिलेवर पलटवार केला. पुढे या दोघी एकमेकींचे केस खेचून हाणामारीवर आल्या. हा महिलांचा डबा गर्दीने खचाखच भरला होता. हे पाहून ट्रेनमध्ये प्रवास करणाऱ्या सर्व महिला अलर्ट झाल्या. अनेक महिलांनी दोघींनाही थांबवण्याचा प्रयत्न केला, त्यानंतरच दोघी शांत झाल्या.
हेही वाचा:
VIDEO: दुबईचा मॉल म्हणावा की मुंबई लोकल? iPhone 15 च्या खरेदीसाठी मॉलमध्ये चेंगराचेंगरी