ठाणे स्टेशनवर चालत्या लोकलमध्ये साप आढळल्याने प्रवासी डब्यात एकच खळबळ उडाली. ठाण्यावरुन सीएसटीकडे जाणाऱ्या लोकलच्या डब्यात फॅनमध्ये साप दिसल्याने, काहीवेळ गोंधळाचं वातावरण होतं.
या गोंधळामुळे काहीवेळ लोकल थांबवण्यात आली. एक लोकल थांबल्यामुळे मागच्या अनेक लोकल गाड्यांनाही थांबावं लागलं.
ही लोकल टिटवाळ्यावरुन 8.33 वा सीएसएमटीकडे निघाली होती. ही लोकल टिटवाळ्यावरुन ठाण्यापर्यंत आली तोपर्यंत कोणाचंही लक्ष नव्हतं. मग लोकल ठाणे स्टेशनवर प्लॅटफॉर्म चारवर आली तेव्हा एका प्रवाशाचं फॅनकडे लक्ष गेलं. त्याने अन्य प्रवाशांचं लक्ष वेधलं असता, एकच आरडाओरडा झाला.
मग एका प्रवाशाने लाकडी पट्टी आणून सापाला फॅनवरुन खाली पाडलं. मग लोकलमधून खाली ट्रॅकवर ढकललं. साप खाली पडल्यानंतर लोकल पुढे रवाना झाली.