मुंबईला वायफायमय करण्याच्या मोहिमेची सुरुवात झाली आहे. या मोहिमेच्या पहिल्या फेजमध्ये 500 हून अधिक ठिकाणी वायफाय सेवा सुरु करण्यात आली आहे. त्याची सविस्तर यादी सरकारनं जारी केली आहे. हॉटस्पॉटच्या माध्यमातून देण्यात येणारी वायफाय सेवा संपूर्णपणे नि:शुल्क असेल. सध्या जवळपास 500 ठिकाणी सुरु करण्यात आलेली वायफाय सेवा 1 मे 2017 पर्यंत 1200 हून अधिक ठिकाणी वायफायचे हॉटस्पॉट कार्यान्वित करण्यात येणार आहेत.
https://twitter.com/Dev_Fadnavis/status/818373255165865984
https://twitter.com/Dev_Fadnavis/status/818373821875056640
राज्य सरकारनं ही सेवा सुरु केली असून मुंबई महापालिका निवडणुकीच्या आधी हे पाऊल उचलण्यात आलं आहे. मुंबईत सगळ्यात आधी शिवाजी पार्क परिसरात शिवसेना आणि मनसेनं पहिलं वायफाय सुरु केलं होतं.
तुमच्या जवळचं वायफाय कसं शोधाल?
तुमच्या जवळचं वाय़फाय शोधण्यासाठी सरकारच्या वेबसाईटवर यादीही देण्यात आली आहे. मुख्यमंत्र्यांनी आपल्या ट्विटमधूून याची माहिती दिली आहे.
https://twitter.com/Dev_Fadnavis/status/818373673098874880
आपले सरकार या संकेतस्थळाच्या माध्यमातून मुंबईकर त्यांच्या आसपास उपलब्ध असलेल्या वाय-फाय हॉटस्पॉटचा शोध घेऊ शकतात. या संकेतस्थळावर अशा सुमारे पाचशे हॉटस्पॉटची यादी उपलब्ध आहे. सद्यस्थितीत 31 जानेवारी 2017 पर्यंत वापरकर्त्यांना या सुविधेचा मुक्त लाभ घेण्यासाठी कोणत्याही वेळेची अथवा डेटा क्षमतेची मर्यादा नाही.
आपले सरकार मुंबई वाय-फाय सुविधेमुळे डिजिटल पेमेंट या शासनाच्या महत्वाकांक्षी धोरणाला बळकटी मिळणार असून जनतेला शासकीय संकेतस्थळांच्या माध्यमातून सरकारशी संवाद साधणे सोपे होणार आहे.
या वाय-फाय सुविधेला चाचणीच्या पहिल्या आठवड्यातच उदंड प्रतिसाद मिळाला असून सुमारे 23 हजारपेक्षा जास्त नागरिकांनी त्याचा उपयोग केला असून त्यांच्याकडून 2 टेराबाईट इतका डाटा वापरण्यात आला. या संपूर्ण प्रकल्पाचे शासनाच्या वतीने बारकाईने निरीक्षण करण्यात येणार आहे. वापरकर्त्यांना या सुविधेचा उत्तम अनुभव मिळण्याच्या दृष्टीने प्रणाली राबविण्याचे निर्देश मुख्यमंत्र्यांनी दिले आहेत.
या प्रणालीसंदर्भातील प्रतिसाद कळविण्यासाठी ट्विटरवर@AS_Mum_WiFi हे हॅन्डल उपलब्ध आहे. या हॅन्डलवर येणारे प्रतिसाद आणि तक्रारी यांची प्राधान्‍याने दखल घेऊन त्यांचे निराकरण करण्यात येणार आहे