PM Modi Mumbai Visit Live Updates : पंतप्रधान नरेंद्र मोदी यांनी वंदे भारत एक्स्प्रेसला दाखवला हिरवा झेंडा; सीएसएमटी ते सोलापूर आणि मुंबई ते शिर्डी दरम्यान धावणार वंदे भारत एक्स्प्रेस

पंतप्रधान नरेंद्र मोदी हे आज मुंबई दौऱ्यावर येत आहेत. त्यांच्या हस्ते आंतरराज्य प्रवास करणा-या मुंबई ते शिर्डी आणि मुंबई ते सोलापूर या वंदे भारत एक्सप्रेसला हिरवा कंदील दाखवला जाणार आहे.

पार्श्वभूमी

PM Modi Mumbai Visit Live Updates :  पंतप्रधान नरेंद्र मोदी (PM Narendra Modi) यांच्या हस्ते आंतरराज्य प्रवास करणा-या मुंबई ते शिर्डी आणि मुंबई ते सोलापूर या दोन वंदे भारत एक्सप्रेसला हिरवा कंदील दाखवला जाणार आहे. आज (10 फेब्रुवारी)पंतप्रधान नरेंद्र मोदी मुंबई दौऱ्यावर येणार आहेत. पंतप्रधान नरेंद्र मोदी मुंबईच्या छत्रपती शिवाजी महाराज टर्मिनसवरून दोन वंदे भारत एक्स्प्रेसला हिरवा कंदील दाखवतील. त्यानंतर त्या दोन्ही गाड्या रवाना होतील. सध्या उपलब्ध असलेल्या रेल्वे लाईनवरच वेगवान आणि आरामदायक प्रवास यासाठी या ट्रेन बनवण्यात आल्यात. संपूर्णपणे भारतीय बनावटीची ही पहिली सेमीस्पीड ट्रेन आहे. पूर्णपणे एसी, वायफाय, अद्ययावत सस्पेंशन, पूश बैक सीट्स अशी या रेल्वेची खासियत असणार आहे. पंतप्रधान नरेंद्र मोदी आज वंदे भारत ट्रेनच्या उद्घाटनासाठी आणि मरोळ येथील कार्यक्रमाला उपस्थित राहण्यासाठी मुंबईत येणार आहे. संपूर्ण मुंबईत पोलिसांच्या बंदोबस्ताची तयारी करण्यात आली आहे. मुंबई पोलीस आधीच सतर्क झाले असून त्यांनी मंगळवारी ऑलआऊट ऑपरेशन केले, तसेच याबाबत वरिष्ठांची व्हिडिओ कॉन्फरन्सिंग बैठक झाली.  त्यांच्या स्वागतासाठी मुंबई पोलीस सुरक्षेच्या दृष्टीने सज्ज झाले आहे. पंतप्रधान नरेंद्र मोदी यांचा मुंबई दौरा कसा असाल?पंतप्रधान नरेंद्र मोदी दुपारी 2.10  मिनिटांनी मुंबई विमानतळावर दाखल होतील.मुंबई विमानतळावरून हेलिकॉप्टरने आयएनएस शिक्रावरती येणारदुपारी 2.45 वाजता  सीएसएमटी स्थानकावर पोहोचतील.पंतप्रधान नरेंद्र मोदी प्लॅटफॉर्म अठरा वर दोन मिनिटांसाठी चालत वंदे भारतच्या ट्रेनकडे जाणार आहेत.  वंदे भारतमध्ये लहान मुलांसोबत 7 मिनिट मोदी गप्पा मारतीलवंदे भारत एक्सप्रेसला हिरवा झेंडा दाखवतील, साधारणता 3 मिनिटांचा हा कार्यक्रम असेल1 मिनिटांचं यासंदर्भात प्रेसेंटेशन मोदींना दिलं जाईलप्लॅटफॉर्म 18 वरून वाहनाच्या दिशेने 2 मिनिटात पोहोचतील आणि तिथून आयएनएस शिक्रावरतीदाखल होतीलसीएसएसटी रेल्वे स्थानकात प्लॅटफॉर्म नंबर 18 वरती हा साधारणता 15 मिनिटांचा हा कार्यक्रम असेलपुन्हा 3.55 ला सीएसटी वरून आयएनएस शिक्रावरती दाखल होतील. पुन्हा हेलिकॉप्टरने मुंबईविमानतळाच्या दिशेने रवाना होतील.दुपारी 4.20 मिनिटांनी मुंबई विमानतळ दाखल होतील.मुंबई विमानतळ ते मरोळ कारने जाणार आहेत. मरोळ येथील कार्यक्रमाला 4.30 वाजता पोहचतील, ऑलझकेरिया ट्रस्ट सैफी नवीन कॅम्पसच उद्घाटन होईल.5.50 वाजता मरोळहून कारने मुंबई विमानतळावर जाणार आहेत. सहा वाजता मुंबई विमानतळावरून दिल्लीच्या दिशेने रवाना होणार आहेत. मरोळमध्ये जय्यत तयारी -पंतप्रधान नरेंद्र मोदी उद्या मुंबई दौऱ्यावर येणार आहेत. मरोळमध्ये मुंबई महानगरपालिका आणि पोलिसांकडून जय्यत तयारी करण्यात आली आहे. मुंबईच्या अंधेरी पूर्वेत मरोळ परिसरामध्ये बोरी मुस्लिम समाजाकडून उभारण्यात आलेली अल जामिया युनिव्हर्सिटीचं उद्घाटन पंतप्रधान नरेंद्र मोदी यांच्या हस्ते होणार आहे. मरोळमध्ये मोठ्या संख्यामध्ये बोरी मुस्लिम समाज राहतो. बोरी मुस्लिम समाजाकडून मुंबईमध्ये पहिल्यांदा अल जामिया युनिव्हर्सिटी उभारण्यात आली आहे. याच युनिव्हर्सिटीचे उद्घाटनासाठी पंतप्रधान नरेंद्र मोदी आज संध्याकाळी साडेचार वाजता मरोळमध्ये येणार आहेत.

10/02/2023 16:16:45

PM Narendra Modi : मुंबई आणि पुण्याला धार्मिक स्थळांशी वंदे भारत एक्स्प्रेस जोडेल : पंतप्रधान मोदी

PM Narendra Modi : मुंबई आणि पुण्याला धार्मिक स्थळांशी वंदे भारत एक्स्प्रेस जोडेल. वंदे भारत एक्स्प्रेसमुळे महाराष्ट्रात पर्यटन आणि तीर्थक्षेत्राला चालना मिळेल असं पंतप्रधान नरेंद्र मोदी मुंबई दौऱ्यादरम्यान म्हणाले. 

10/02/2023 16:10:58

मुंबईकरांचा प्रवास सुखकर करणाऱ्या प्रकल्पांचे उद्घाटन झाले. मुंबईकरांना याची खूप काळापासून प्रतिक्षा होती: पंतप्रधान मोदी

मुंबईकरांचा प्रवास सुखकर करणाऱ्या प्रकल्पांचे उद्घाटन झाले. मुंबईकरांना याची खूप काळापासून प्रतिक्षा होती: पंतप्रधान मोदी 

10/02/2023 16:07:03

पहिल्यांदाच एकाच वेळी दोन वंदे भारत एक्स्प्रेस सुरू; शेतकरी, व्यावसायिक आणि भाविकांना याचा फायदा होणार: पंतप्रधान मोदी

 पहिल्यांदाच एकाच वेळी दोन वंदे भारत एक्स्प्रेस सुरू; शेतकरी, व्यावसायिक आणि भाविकांना याचा फायदा होणार: पंतप्रधान मोदी 

10/02/2023 16:04:51

PM Modi In Mumbai : सीएसएमटी ते शिर्डी दरम्यानच्या वंदे भारतला पंतप्रधान मोदींनी दाखवला हिरवा झेंडा

सीएसएमटी ते शिर्डी दरम्यानच्या वंदे भारतला पंतप्रधान मोदींनी दाखवला हिरवा झेंडा

10/02/2023 16:01:40

PM Modi in Mumbai : कुरार अंडरपास, सांताक्रूझ-चेंबूर लिंक उड्डाणपूलाचे पंतप्रधान नरेंद्र मोदी यांनी केले उद्घाटन

PM Modi in Mumbai : कुरार अंडरपास, सांताक्रूझ-चेंबूर लिंक उड्डाणपूलाचे पंतप्रधान नरेंद्र मोदी यांनी उद्घाटन केले. मुंबईकरांसाठी महत्त्वाचा प्रकल्प ठरणार आहे. एमएमआरडीएने हे काम केले आहे. 

10/02/2023 15:51:00

पंतप्रधान नरेंद्र मोदी यांनी वंदे भारत एक्स्प्रेसला दाखवला हिरवा झेंडा; सीएसएमटी ते सोलापूर दरम्यान धावणार वंदे भारत एक्स्प्रेस

 पंतप्रधान नरेंद्र मोदी यांनी वंदे भारत एक्स्प्रेसला दाखवला हिरवा झेंडा; सीएसएमटी ते सोलापूर दरम्यान धावणार वंदे भारत एक्स्प्रेस

10/02/2023 15:49:41

तुमच्या आशीर्वादाने सहा महिन्यांपूर्वी सरकार स्थापन झाले, हे सामान्यांचे सरकार आहे: मुख्यमंत्री एकनाश शिंदे

तुमच्या आशीर्वादाने सहा महिन्यांपूर्वी सरकार स्थापन झाले, हे सामान्यांचे सरकार आहे: मुख्यमंत्री एकनाश शिंदे 

10/02/2023 15:48:54

महाराष्ट्रातील पायाभूत सुविधांसाठी केंद्र सरकारचे संपूर्ण सहकार्य; मुख्यमंत्री एकनाथ शिंदे यांचे प्रतिपादन

महाराष्ट्रातील पायाभूत सुविधांसाठी केंद्र सरकारचे संपूर्ण सहकार्य असल्याचे मुख्यमंत्री एकनाथ शिंदे यांनी प्रतिपादन केले.   

10/02/2023 15:43:54

मुंबईकरांच्या रेल्वे प्रकल्पासाठी दोन हजार कोटींची तरतूद; रेल्वे मंत्री अश्विन वैष्णव यांची माहिती

मुंबईकरांच्या रेल्वे प्रकल्पासाठी दोन हजार कोटींची तरतूद; रेल्वे मंत्री अश्विन वैष्णव यांची माहिती 

10/02/2023 14:52:30

PM Narendra Modi : पंतप्रधान नरेंद्र मोदी मुंबईत दाखल

PM Narendra Modi : पंतप्रधान नरेंद्र मोदी मुंबईत दाखल झाले आहेत. मोदींच्या स्वागतासाठी विमानतळावर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस दाखल झाले आहेत. 

10/02/2023 14:48:54

Sanjay Raut : महापालिका निवडणुका होत नाहीत तोपर्यंत पंतप्रधान नरेंद्र मोदींचा मुक्काम मुंबईतच राहु शकतो : संजय राऊत

Sanjay Raut on Pm Modi : महापालिका निवडणुका होत नाहीत तोपर्यंत पंतप्रधान नरेंद्र मोदींचा मुक्काम मुंबईतच राहु शकतो असे वक्तव्य शिवसेना खासदार संजय राऊत यांनी केलं.  त्यांना माहित आहे की की, भाजप मुंबई पालिका जिंकू शकत नाही असेही राऊत म्हणाले. पालिका शिवसेनेचीच राहील. मुंबई पालिका पंतप्रधानांना जिंकायची आहे असेही राऊत म्हणाले. 

10/02/2023 14:46:29

महाराष्ट्रात अधिकाधिक गुंतवणूक झाली पाहिजे, पंतप्रधानांच्या दौऱ्यावर भुजबळांची प्रतिक्रिया

Chhagan Bhujbal On PM Narendra Modi : पंतप्रधान नरेंद्र मोदी मुंबईमध्ये मोदी येत आहेत. कसब्यामध्ये अमित शाहा येत आहेत. ही चांगली गोष्ट आहे. त्या निमित्ताने अधिकाधिक गुंतवणूक झाली पाहिजे मूलभूत सुविधा मिळाल्या पाहिजे असे वक्तव्य राष्ट्रवादीचे आमदार छगन भुजबळ यांनी केलं. मुबंई, महाराष्ट्र हे देशाच्या तिजोरीत भर घालते, यामुळं त्याकडेही लक्ष द्यावे असे भुजबळ म्हणाले. 

10/02/2023 14:42:08

PM Narendra Modi : मुंबईत ठिकठिकाणी पंतप्रधान नरेंद्र मोदींच्या स्वागताचे बॅनर

PM Narendra Modi : मुंबई महानगरपालिका निवडणूक पाहता पंतप्रधान नरेंद्र मोदी यांचा पुन्हा आज मुंबई दौरा होत आहे. याआधी पंतप्रधान नरेंद्र मोदी यांनी दौऱ्यादरम्यान मुंबईतील मुख्य प्रखल्पांचे उदघाटन केले होते. आज पंतप्रधानांच्या हस्ते वंदे भारत ट्रेनच्या उद्घाटन होणार आहे. ही ट्रेन मुंबई ते सोलापूर व मुंबई ते मुंबई ते शिर्डी असा या वंदे भारत ट्रेनचा प्रवास असणार आहे. अंधेरी मरोळ येथील बोहरा समाजाच्या अरबी अकादमीचे उदघाटन देखील पंतप्रधान नरेंद्र मोदी यांच्या हस्ते होणार आहे. त्यामुळे आता मुंबईत अनेक ठिकाणी पंतप्रधान नरेंद्र मोदी यांच्या स्वागताचे बॅनर लागले आहेत. छत्रपती शिवाजी महाराज टर्मिनस परिसरात पंतप्रधान नरेंद्र मोदी यांच्या स्वागताचे बॅनर लागले आहेत. पंतप्रधान नरेंद्र मोदी यांच्या स्वागताची तयारी मुंबईत करण्यात आली आहे.

10/02/2023 14:39:44

PM Narendra Modi : वंदे भारत ट्रेनमुळं साई दर्शनासाठी येणाऱ्या भाविकांना मोठा फायदा

PM Narendra Modi : महाराष्ट्रातील महत्त्वाच्या तीर्थक्षेत्रांना जोडणाऱ्या वंदे भारत ट्रेनला प्रधानमंत्री नरेंद्र मोदी मुंबई येथुन हिरवा झेंडा दाखवतील. मुंबईहून निघणारी ही ट्रेन अवघ्या पाच तासात शिर्डीत पोहचणार असल्याने साई दर्शनासाठी येणाऱ्या भाविकांना मोठा फायदा होणार आहे.