Lalbaugcha Raja 2023 Visarjan LIVE: लालबागच्या राजाचं विसर्जन संपन्न

Lalbaugcha Raja Visarjan LIVE:आज 10 दिवसांच्या पाहुणचारानंतर लालबागचा राजा विसर्जनासाठी मार्गस्थ होईल.सकाळी 10 वाजता आरती पार पडेल, राजाच्या विसर्जनाची मिरवणुकीची सुरुवात पारंपारिक कोळी नृत्यानं होईल.

पार्श्वभूमी

Lalbaugcha Raja 2023 Visarjan LIVE: नवसाला पावणारा अशी ख्याती असलेला, लालबाग-परळकरांसोबतच अखंड गिरणगाव आणि जगभरातील भक्तांचं श्रद्धास्थान असलेला लालबागचा राजा (Lalbaugcha Raja 2023) आज दहा दिवसांच्या पाहुणचारानंतर भक्तांचा निरोप घेणार आहे. दरवर्षीच लालबागच्या राजाच्या दर्शनासाठी भक्तांची अलोट गर्दी झाल्याचं पाहायला मिळतं. अगदी 24 तास रांगेत उभं राहून भक्त राजाच्या चरणी नतमस्कत होताना दिसतात. आज लालबागच्या राजाच्या विसर्जन मिरवणुकीतही भक्तांचा अलोट जनसागर पाहायला मिळणार आहे. लालबागच्या राजाच्या विसर्जनासाठी मंडळाकडून तयारी काल (बुधवार)पासूनच सुरू करण्यात आली आहे. आज सकाळी दहा वाजता लालबागच्या राज्याची आरती होईल. त्यानंतर कोळ्यांना नैवेद्याचा मान असतो, नंतर सकाळी अकरा वाजता लालबागच्या राजाच्या विसर्जन मिरवणुकीला सुरुवात होईल. पारंपारिक कोळी नृत्यानं लालबागच्या राजाच्या विसर्जन मिरवणुकीला सुरुवात होईल आणि लालबागचा राजा विसर्जनासाठी मार्गस्थ होईल. लालबागच्या राजाच्या विसर्जन मिरवणुकीसाठी कडेकोट बंदोबस्त लालबाग-परळ परिसरातील गणेशविसर्जन मिरवणूकांवर पोलिसांचं विशेष लक्ष असेल. लालबागचा राजा आणि मुंबईचा राजा विसर्जन मिरवणूकीत हजारोंच्या संख्येनं गणेशभक्त सहभागी होतील. त्याकरता विशेष व्यवस्था पोलीस प्रशासनाकडून करण्यात आली आहे. लालबागचा राजा विसर्जन मार्गश्री. गणेश नगर, लालबाग- गरमखडा जंक्शन उजवे वळण घेऊन नॉर्थ बॉन्ड डॉ. बी. ए. रोड ने भारतमाता जंक्शन भारतमाता जंक्शन येथून पुन्हा उजवे वळण घऊन डॉ. बी.ए. रोडने गरमखाडा जंक्शन ला उजवे वळण घेऊन साने गुरूजी मार्गाने चिंचपोकळी ब्रिज वरून आर्थर रोड नाका - ना. म. जोशी मार्गने बकरी अड्डा- एस. ब्रीज चौक, भाखखळा रेल्वे स्टेशन पश्चिम, घोडके चौक, अग्निशमन दला समोरून खडा पारसी जंक्शन क्लेअर रोड- - नागपाडा जंक्शन- दोन टाकी रोड- संत सेना महाराज मार्ग- सुतार गल्ली माधव बाग- व्हि.पी. रोड- ऑपेरा हाऊस- गिरगांव चौपाटी- गिरगांव मुंबई येथे समाप्त

29/09/2023 09:28:03

Lalbaugcha Raja 2023 Visarjan Live : लालबागच्या राजाचं विसर्जन

Lalbaugcha Raja 2023 Visarjan Live : नवसाला पावणारा अशी ख्याती असलेला, लालबाग-परळकरांसोबतच अखंड गिरणगाव आणि जगभरातील भक्तांचं श्रद्धास्थान असलेला लालबागचा राजा दहा दिवसांच्या पाहुणचारानंतर भक्तांचा निरोप घेतला. सकाळी नऊ वाजता लालबागचा राजा गिरगावच्या समुद्रात विसर्जित झाला.

29/09/2023 08:47:35

Lalbaugcha Raja 2023 Visarjan Live : लालबागचा राजा विसर्जनासाठी मार्गस्थ, हायड्राॅलिक्सचा वापर करत राजाचं विसर्जन होईल

Lalbaugcha Raja 2023 Visarjan Live : लालबागचा राजाची आरती संपली असून विसर्जनासाठी मार्गस्थ झाला आहे. समुद्रात मध्यभागी लालबागचा राजा असलेला तराफा आणि आजूबाजूला कोळी बांधवांच्या बोटी आहेत. चौपाटीपासून काही अंतरावर आत अरबी समुद्रात जात लालबागच्या राजाचं विसर्जन होईल. हायड्राॅलिक्सचा वापर करत लालबागच्या राजाचं विसर्जन होईल.

29/09/2023 07:29:08

Lalbaugcha Raja 2023 Visarjan Live : वीस तासांच्या मिरवणुकीनंतर लालबागचा राजा गिरगाव चौपाटीजवळ पोहोचला

Lalbaugcha Raja 2023 Visarjan Live : वीस तासांच्या मिरवणुकीनंतर लालबागचा राजा गिरगाव चौपाटीजवळ पोहोचला झाला आहे. समुद्राला भरती आल्यानंतर लालबागच्या राजासह सर्व गणेश मूर्तींचं विसर्जन होणार आहे.

29/09/2023 06:57:22

Lalbaugcha Raja 2023 Visarjan Live : लालबागचा राजा ओपेरा हाऊस परिसरापर्यंत पोहोचला

Lalbaugcha Raja 2023 Visarjan Live : लालबागचा राजा ओपेरा हाऊस परिसरापर्यंत आला आहे. समुद्राला ओहोटी आल्याने गणेश मूर्तीच्या विसर्जनासाठी उशीर होण्याची शक्यता आहे. 

29/09/2023 06:50:36

Ganpati Visarjan 2023 Live : बाप्पाच्या विसर्जनानंतर मुंबईतील समुद्रकिनारे स्वच्छ करण्याची मोहीम, अमृता फडणवीस उपस्थित राहणार

Ganpati Visarjan 2023 Live : बाप्पाच्या विसर्जनानंतर मुंबईतील समुद्रकिनारे स्वच्छ करण्याची मोहीम हाती घेण्यात आली आहे. मुंबई महानगरपालिका, दिव्याज फाऊंडेशन आणि भामला फाऊंडेशन यांच्या वतीने ही स्वछता मोहीम हाती घेण्यात आली आहे. या स्वच्छता मोहिमेत उपमुख्यमंत्री देवेंद्र फडणवीस यांच्या पत्नी आणि दिव्याज फाऊंडेशनच्या संस्थापक अमृता फडणवीस उपस्थित राहणार आहेत. या मोहिमेत अभिनेते राजकुमार राव, सैयामी खेर, जॅकी भगनानी यांच्यासह सुमारे पाच हजार स्वयंसेवक सहभागी होणार आहेत.

29/09/2023 06:37:33

Lalbaugcha Raja 2023 Visarjan Live : ओहोटी असल्याने बाप्पाच्या मूर्ती विसर्जन रांगेतच, अनेक मोठ्या मूर्तींचं विसर्जन बाकी

Lalbaugcha Raja 2023 Visarjan Live : ओहोटी असल्याने गणपती बाप्पाच्या मूर्ती विसर्जनाच्या रांगेतच आहेत. अनेक मोठ्या मूर्तींचं विसर्जन बाकी आहे. भरतीनंतरच सर्व मूर्ती विसर्जनासाठी मार्गस्थ होतील.

29/09/2023 06:33:05

Lalbaugcha Raja 2023 Visarjan Live : लालबागच्या राजाचं दर्शन घेण्यासाठी गिरगाव चौपाटीवर गणेश भक्तांची गर्दी

Lalbaugcha Raja 2023 Visarjan Live : लालबागच्या राजाचं दर्शन घेण्यासाठी गिरगाव चौपाटीवर गणेश भक्तांनी प्रचंड गर्दी केली आहे. काही वेळात राजाचं विसर्जन होईल.

29/09/2023 06:17:55

Lalbaugcha Raja 2023 Visarjan Live : लालबागचा राजा साडेसहा वाजता विसर्जनासाठी गिरगाव चौपाटीवर दाखल होण्याची शक्यता

Lalbaugcha Raja 2023 Visarjan Live : चिंचपोकळीचा चिंतामणी गिरगाव चौपाटीवर दाखल झाला आहे. तर लालबागचा राजा व्हीपी रोडवर पोहोचला असून सकाळी साडेसहाच्या सुमारास विसर्जनासाठी गिरगाव चौपाटीवर दाखल होण्याची शक्यता आहे.

28/09/2023 23:53:31

Lalbaugcha Raja 2023 Visarjan Live: भायखळा अग्निशमन दल स्टेशन समोर लालबागचा राजाचे आगमन... अग्निशमन दलाच्या जवानांकडून सलामी

Lalbaugcha Raja 2023 Visarjan Live : भायखळा अग्निशमन दल  स्टेशन समोर लालबागचा राजाचे आगमन... अग्निशमन दलाच्या जवानांकडून सलामी

28/09/2023 23:25:58

Lalbaugcha Raja 2023 Visarjan Live: लालबागचा राजा खटाव मिल परिसरात दाखल...स्थानिकांकडून उत्साहास मिरवणुकीचे स्वागत...

Lalbaugcha Raja 2023 Visarjan Live:  लालबागचा राजा खटाव मिल परिसरात दाखल...स्थानिकांकडून उत्साहास मिरवणुकीचे स्वागत... 

28/09/2023 23:02:21

Lalbaugcha Raja 2023 Visarjan Live: लालबागचा राजा भायखळा रेल्वे स्टेशन परिसरात दाखल...राजाची मिरवणूक मागील बारा तासांपासून सुरूच

Lalbaugcha Raja 2023 Visarjan Live: लालबागचा राजा भायखळा रेल्वे स्टेशन परिसरात दाखल...राजाची मिरवणूक मागील बारा तासांपासून सुरूच, बाप्पाचे उत्साहात स्वागत...

28/09/2023 19:19:03

Lalbaugcha Raja 2023 Visarjan Live: लालबागचा राजा भायखळ्यातील बकरी अड्डा परिसरात पोहचला, थोड्याच वेळात मुस्लिम बांधवांकडून होणार स्वागत...

Lalbaugcha Raja 2023 Visarjan Live:  लालबागचा राजा भायखळ्यातील बकरी अड्डा परिसरात पोहचला, थोड्याच वेळात मुस्लिम बांधवांकडून होणार स्वागत...

28/09/2023 18:33:28

Lalbaugcha Raja 2023 Visarjan Live : पाहा व्हिडीओ : लालबाग परिसरातील गणपती बाप्पांवर नयनरम्य पुष्पवृष्टी

Lalbaugcha Raja 2023 Visarjan Live : पाहा व्हिडीओ : लालबाग परिसरातील गणपती बाप्पांवर नयनरम्य पुष्पवृष्टी

28/09/2023 18:23:16

Lalbaugcha Raja 2023 Visarjan Live: लालबागचा राजा चिंचपोकळी स्टेशन परिसरात दाखल...राजाची मिरवणूक मागील सात तासांपासून मिरवणूक सुरू

Lalbaugcha Raja 2023 Visarjan Live:   लालबागचा राजा चिंचपोकळी स्टेशन परिसरात दाखल...राजाची मिरवणूक मागील सात तासांपासून मिरवणूक सुरू

28/09/2023 17:45:06

Lalbaugcha Raja 2023 Visarjan Live: 'लालबागचा राजा' श्रॉफ बिल्डिंग परिसरात दाखल, बिल्डिंगमधून पुष्पवृष्टी

Lalbaugcha Raja 2023 Visarjan Live:  लालबागचा राजा श्रॉफ बिल्डिंग परिसरात दाखल, बिल्डिंगमधून पुष्पवृष्टी...गणेशभक्तांची अलोट गर्दी....

28/09/2023 17:26:28

Lalbaugcha Raja 2023 Visarjan Live: 'लालबागचा राजा' मंडळाच्या प्रवेशद्वारावरून पुढे सरकला.. श्रॉफ बिल्डिंजवळ थोड्याच वेळेत पोहचणार...

Lalbaugcha Raja 2023 Visarjan Live:  लालबागचा राजा मंडळाच्या प्रवेशद्वारावरून पुढे सरकला.. श्रॉफ बिल्डिंजवळ थोड्याच वेळेत पोहचणार... 

28/09/2023 16:24:57

Lalbaugcha Raja 2023 Visarjan Live: 'लालबागचा राजा' फिरुन गणेश गल्लीचा मुख्य प्रवेशद्वारजवळ आला...गणेशभक्तांची मोठी गर्दी

Lalbaugcha Raja 2023 Visarjan Live:  : 'लालबागचा राजा' फिरुन गणेश गल्लीचा मुख्य प्रवेशद्वारजवळ आला...गणेशभक्तांची मोठी गर्दी

28/09/2023 14:08:53

Lalbaugcha Raja 2023 Visarjan Live: लालबागचा राजाची विसर्जन मिरवणुकीचा थाट, लालबागमध्ये गणेशभक्तांची गर्दी

Lalbaugcha Raja 2023 Visarjan Live: लालबागचा राजा विसर्जनासाठी मार्गस्थ झाला आहे. लालबागच्या राजाची विसर्जन मिरवणूक लालबाग मार्केटच्या प्रवेशद्वारातून बाहेर आली आहे. उद्या लालबागच्या राजाचं विसर्जन होणार आहे. 

28/09/2023 12:39:43

Lalbaugcha Raja 2023 Visarjan Live: लालबागच्या राजाचा विजय असो... लालबागचा राजा मुख्य प्रवेशद्वाराजवळ दाखल

Lalbaugcha Raja 2023 Visarjan Live: लालबागच्या राजाचा विजय असो... लालबागचा राजा मुख्य प्रवेशद्वाराजवळ दाखल 

28/09/2023 12:17:52

Lalbaugcha Raja Visarjan: लालबागच्या राजाची स्वारी मुख्य प्रवेशद्वाराच्या दिशेनं मार्गस्थ, मार्केटमध्ये राजाच्या स्वागतासाठी हार-तुरे सज्ज

Lalbaugcha Raja 2023 Visarjan Live Updates: लालबाग मार्केटमधून लालबागच्या राजाची स्वारी हळूहळू पुढे सरकत आहे. लालबागच्या राजाची स्वारी मुख्य मंडपातून बाहेर आली असून मुख्य प्रवेशद्वाराच्या दिशेनं मार्गस्थ होत आहे. लालबाग मार्केटच्या गल्लीमध्ये राजाच्या स्वागतासाठी गणेशभक्तांनी नोटांचे, पाना-फुलांचे हार लावल्याचं पाहायला मिळत आहे. 

28/09/2023 12:10:22

Lalbaugcha Raja 2023: लालबाग मार्केटमधील मुख्य मंडपातून लालबागच्या राजाची स्वारी बाहेर, मुख्य प्रवेशद्वाराच्या दिशेनं मार्गस्थ

Lalbaugcha Raja 2023: लालबागच्या राजाच्या विसर्जन मिरवणुकीला सुरुवात झाली असून लालबाग मार्केटमधील मुख्य मंडपातून लालबागच्या राजाची स्वारी बाहेर आली आहे. लालबागचा राजा आता लालबाग मार्केटच्या मुख्य प्रवेशद्वाराच्या दिशेनं मार्गस्थ होत आहे.

28/09/2023 11:44:28

Lalbaugcha Raja 2023 Visarjan: भक्तांचा लाडका लालबागचा राजा विसर्जनासाठी मार्गस्थ

Lalbaugcha Raja 2023 Visarjan: भक्तांचा लाडका लालबागचा राजा विसर्जनासाठी मार्गस्थ झाला असून विसर्जन मिरवणुकीला सुरुवात झाली आहे. लालबागच्या राजाची स्वारी लालबाग मार्केटमधून विसर्जनासाठी निघाली आहे. राजा मार्केटमधून बाहेर पडल्यानंतर लालबागला एकप्रदक्षिणा घालेल आणि त्यानंतर श्रॉफ बिल्डिंगच्या दिशेनं मार्गस्थ होईल. श्रॉफ बिल्डिंगची मानाची पुष्पवृष्टी झाल्यानंतर राजा लालबागमधून भायखळ्याच्या दिशेनं मार्गस्थ होईल.  

28/09/2023 11:28:56

Lalbaugcha Raja Visarjan Live: पारंपारिक कोळी नृत्य आणि कोंबडी बाजाच्या तालावर लालबाग मार्केटमधून लालबागच्या राजाची विसर्जन मिरवणूक मार्गस्थ

Lalbaugcha Raja 2023 Visarjan Live: लालबागच्या राजाचा विजय असो... ही शान कुणाची... लालबागच्या राजाची.... अशा जयघोषात लालबागच्या राजाची स्वारी विसर्जनासाठी मार्गस्थ झाली आहे. लाडक्या राजाला निरोप देण्यासाठी लालबाग-परळमध्ये गणेश भक्तांनी गर्दी केली आहे. पारंपारिक कोळी नृत्य आणि कोंबडी बाजाच्या तालावर लालबाग मार्केटमधून लालबागच्या राजाची विसर्जन मिरवणूक मार्गस्थ झाली आहे. तब्बल 20 तासांहून अधिक काळ राजाची विसर्जन मिरवणूक चालते. अखेर उद्या (शुक्रवारी) सकाळी राजाला भावपूर्ण निरोप दिला जातो. 

28/09/2023 11:15:36

Lalbaugcha Raja Visarjan: लालबागच्या राजाचा विजय असो... पारंपारिक कोळी नृत्यानं लालबागच्या राजाच्या विसर्जन मिरवणुकीला थोड्याच वेळात सुरुवात

Lalbaugcha Raja 2023 Visarjan Live Updates: लालबागच्या राजाच्या विसर्जन मिरवणुकीला थोड्याच वेळात सुरुवात होणार आहे. 10 दिवसांच्या पाहुणचारानंतर लालबागचा राजा आज भक्तांचा निरोप घेणार आहे. लालबागच्या राजाचा विसर्जनाचा थाट पाहण्यासाठी लालबाग-परळमध्ये भाविकांचा जनसागर एकवटला आहे. पारंपारिक कोळी नृत्यानं लालबागच्या राजाच्या विसर्जन मिरवणुकीला सुरुवात होणार आहे. 

28/09/2023 10:42:59

Lalbaugcha Raja 2023 Visarjan Live: ही शान कोणाची... लालबागच्या राजाची... लालबागच्या राजाची आरती संपन्न; थोड्याच वेळात विसर्जन मिरवणुकीला सुरुवात होणार

Lalbaugcha Raja 2023 Visarjan Live: लालबागच्या राजाची आरती संपन्न झाली असून थोड्याच वेळात कोळी नृत्यानं लालबागच्या राजाच्या विसर्जन मिरवणुकीला सुरुवात होणार आहे. 

28/09/2023 10:30:37

Lalbaugcha Raja 2023 Visarjan Live: लालबागच्या राजाच्या आरतीला सुरुवात, राजाच्या निरोप देण्यासाठी लालबागमध्ये अलोट गर्दी

Lalbaugcha Raja 2023 Visarjan Live: नवसाला पावणारा अशी ख्याती असलेल्या लालबागच्या राजाच्या आरतीला सुरुवात झाली आहे. लाडक्या राजाला निरोप देण्यासाठी लालबागच्या राजाच्या दरबारात गणेशभक्तांची अलोट गर्दी जमली आहे. 

28/09/2023 10:29:26

Lalbaugcha Raja Visarjan Live Updates : लालबागच्या राजाच्या आरतीला सुरुवात

Lalbaugcha Raja Visarjan Live Updates : लालबागच्या राजाच्या आरतीला सुरुवात झाली आहे. आरतीनंतर राजा मार्गस्थ होईल.

28/09/2023 10:00:35

Lalbaugcha Raja 2023 LIVE : लालबागच्या राजाच्या आरतीला थोड्याच वेळात होणार सुरुवात

Lalbaugcha Raja 2023 LIVE : लालबागच्या राजाच्या आरतीला थोड्याच वेळात सुरुवात होणार आहे. आरतीनंतर राजा मार्गस्थ होणार आहे. राजाची राजेशाही मिरवणूक लालबाग मार्केटमधून निघणार आहे.

28/09/2023 09:15:49

Lalbaugcha Raja Visarjan Miravnuk: लालबागच्या राजाच्या मंडपात बॅंड, ढोल ताशांच्या गजराला सुरुवात

Lalbaugcha Raja Visarjan Miravnuk: लालबागच्या राजाच्या मंडपात बॅंड, ढोल ताशांच्या गजराला सुरुवात 

28/09/2023 07:47:04

Lalbaugcha Raja Visarjan Miravnuk: सकाळी 11 वाजता राजा विसर्जनासाठी मार्गस्थ होणार

Lalbaugcha Raja Visarjan Miravnuk 2023 LIVE: गुरुवारी, 28 सप्टेंबर रोजी सकाळी 10 वाजता लालबागच्या राजाची आरती होणार आहे. त्यानंतर सकाळी 11 वाजता लालबागच्या राजाची राजेशाही मिरवणूक लालबाग मार्केटमधून निघणार आहे. यामध्ये कोळी बांधवांकडून मानवंदना दिली जाते. मंडळाच्या सुरुवातीच्या वर्षांपासूनचीही परंपरा आहे. शुक्रवारी, 29 सप्टेंबर रोजी सकाळी 6 वाजण्याच्या सुमारास गिरगाव चौपाटीवर लालबागच्या राजाचं प्रस्थान होणार आहे. त्यानंतर शेवटची आरती करून लालबागच्या राजाचे विसर्जन सोहळा अरबी समुद्रात सुरू होईल. सकाळी 7.45 वाजण्याच्या सुमारास समुद्राला भरती आहे. त्यावेळी लालबागच्या राजाचं विसर्जन अरबी समुद्रात होणार असल्याची माहिती मंडळाच्यावतीने देण्यात आली. 

28/09/2023 07:07:39

Lalbaugcha Raja Visarjan Miravnuk 2023: लालबाग-परळ परिसरातील गणेश विसर्जन मिरवणुकांकरता कशी असेल मुंबई पोलिसांची व्यवस्था?

Lalbaugcha Raja Visarjan Miravnuk 2023: लालबाग-परळ परिसरातील गणेश विसर्जन मिरवणूकांकरता मुंबई पोलिसांची व्यवस्था

• केवळ लालबाग-परळ भागात- 300 सिसीटीव्ही


• महिला सुरक्षेकरता 6 छेडछाडविरोधी पथक


• मोबाईल चोरी करता 6 विशेष पथके


• एटीएस - आतंकवादी कारवाया रोखण्याकरता


• 3 बॉम्ब शोधक नाशक पथके


• रॅपीड अॅक्शन फोर्सची नियुक्ती


• 5 एसआरपीएफ ची पथके


• 3 दंगलनियंत्रक पथके


• 3 सिसीटीव्ही व्हॅन


• 2500 पोल्स मित्र कार्यकर्ते


• 6 वॉच टॉवर्स

28/09/2023 07:06:10

Lalbaugcha Raja 2023 LIVE: लालबागच्या राजाच्या विसर्जन मिरवणुकीसाठी कडेकोट पोलीस बंदोबस्त

Lalbaugcha Raja 2023 LIVE: लालबाग-परळ परिसरातील गणेशविसर्जन मिरवणूकांवर पोलिसांचं विशेष लक्ष असेल. लालबागचा राजा आणि मुंबईचा राजा विसर्जन मिरवणूकीत हजारोंच्या संख्येनं गणेशभक्त सहभागी होतील. त्याकरता विशेष व्यवस्था पोलिस प्रशासनाकडून केली गेली आहे. 

28/09/2023 07:05:32

Lalbaugcha Raja 2023 LIVE: लालबागच्या राजाच्या विसर्जन मिरवणुकीसा

लालबाग-परळ परिसरातील गणेशविसर्जन मिरवणूकांवर पोलिसांचं विशेष लक्ष असेल
लालबागचा राजा आणि मुंबईचा राजा विसर्जन मिरवणूकीत हजारोंच्या संख्येनं गणेशभक्त सहभागी होतील....त्याकरता विशेष व्यवस्था पोलिस प्रशासनाकडून केली गेलीय...

28/09/2023 07:04:51

Lalbaugcha Raja Visarjan Live Updates: लालबागचा राजा विसर्जन मार्ग कसा असेल?

Lalbaugcha Raja Visarjan Live Updates: गणेश नगर, लालबाग- गरमखडा जंक्शन उजवे वळण घेऊन नॉर्थ बॉन्ड डॉ. बी. ए. रोड ने भारतमाता जंक्शन भारतमाता जंक्शन येथून पुन्हा उजवे वळण घऊन डॉ. बी.ए. रोडने गरमखाडा जंक्शन ला उजवे वळण घेऊन साने गुरूजी मार्गाने चिंचपोकळी ब्रिज वरून आर्थर रोड नाका - ना. म. जोशी मार्गने बकरी अड्डा- एस. ब्रीज चौक, भाखखळा रेल्वे स्टेशन पश्चिम, घोडके चौक, अग्निशमन दला समोरून खडा पारसी जंक्शन क्लेअर रोड- नागपाडा जंक्शन- दोन टाकी रोड- संत सेना महाराज मार्ग- सुतार गल्ली माधव बाग- व्हि.पी. रोड- ऑपेरा हाऊस- गिरगांव चौपाटी- गिरगांव मुंबई येथे समाप्त होईल... 

28/09/2023 07:03:12

Lalbaugcha Raja 2023 Visarjan Live: बाप्पा निघाले गावाला... 10 दिवसांच्या पाहुणचारानंतर लालबागचा राजा आज विसर्जनासाठी मार्गस्थ होणार

Lalbaugcha Raja 2023 Visarjan Live: आज अनंत चतुर्दशी... 10 दिवस गणपती बाप्पाची मनोभावे सेवा केल्यावर आज बाप्पाला निरोप देण्यात येईल. मुंबई आणि पुण्यात विसर्जानाचा उत्साह काही वेगळाच असतो. मुंबईत गणेशगल्लीतील मुंबईच्या राजाती मिरवणूक थोड्याच वेळात निघणार आहे, तर लालबागच्या राजाची आरती सकाळी 10 वाजता सुरू होणार आहे. विसर्जनासाठी मुंबईतील अनेक प्रमुख रस्ते आज वाहतुकीसाठी बंद असतील.