Kangana vs Shiv Sena LIVE Updates : ऑफिसवर कारवाई केल्यानंतर कंगना रनौतकडून नवीन ट्विट

Kangana Ranaut vs Shiv Sena LIVE Updates : अभिनेत्री कंगना रनौत आणि शिवसेना यांच्यातील वाकयुद्ध काही थांबायचं नाव घेत नाही. आज कंगनाच्या ऑफिसवर कारवाई केल्यानंतर कंगनाकडून नवीन व्हिडीओ जारी करण्यात आली आहे.

09/09/2020 19:17:13

कंगना रनौतच्या फ्लॅट समोरील पोलीस बंदोबस्त हटवला, सर्व पोलीस या परिसरातून निघून गेले

09/09/2020 20:04:57

मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांची बैठक सुरु. कंगनाच्या ऑफिसवरील कारवाईच्या टायमिंगवर नाराज असल्याची चर्चा.

09/09/2020 19:08:53

मुख्यमंत्री उद्धव ठाकरे आणि करण जोहर गँग तुम्ही माझे काम करण्याचे ठिकाण तोडले आता माझे घर फोडा, मग माझा चेहरा आणि शरीर. पण, मी स्पष्टपणे सांगते की मी जगो किंवा मरो याची मी पर्वा करत नाही. मी व्यक्त होणारचं, असं ट्वीट कंगनाने केलंय.

पार्श्वभूमी

मुंबई : बॉलिवूड अभिनेत्री कंगना रनौतने मुंबईची तुलना पाकव्याप्त काश्मिरसोबत केल्यानंतर तिच्याविरोधात सर्व स्तरांतून टिका केली जात असून तिचा वक्तव्याचा निषेधही व्यक्त करण्यात आला. परंतु, आता कंगनाने मुंबईचा थेट पाकिस्तान असा उल्लेख केला आहे. आज मुंबई महापालिकेने कंगनाच्या वांद्रे येथील कार्यालयावर कारवाई करण्यास सुरुवात केली. कार्यालयातील 12 अनधिकृत बांधकामावर कारवाई करण्यात आली. या कारवाईचे फोटो ट्वीट करत कंगनाने 'पाकिस्तान' असं कॅप्शन दिलं आहे. दरम्यान, कंगनाच्या कार्यालयावर केली जाणारी कारवाई मुंबई महानगरपालिकेकडून तूर्तास थांबवली आहे.