नवी मुंबई परिसरात अंमली पदार्थाचे मोठ्या प्रमाणात जाळं पसरत असून महाविद्यालयीन तरुण या अंमली पदार्थांच्या अधिक आहारी जात आहेत. हे रोखण्यासाठी नवी मुंबई पोलिसांनी अँटी नार्कोटिक सेलची स्थापना केली. तेव्हापासून पोलीस अंमली पदार्थ विकणाऱ्या टोळ्यांच्या मागावर होते.
पोलिसांना मिळालेल्या माहितीनुसार, रफिक खान हा रबाळे एमआयडीसीमधील एका कंपनीजवळ मॅफेडॉन विकण्यासाठी येणार असल्याची माहिती मिळाली होती. त्यानुसार पोलिसांनी दोन दिवस सापळा रचून या आरोपीला अटक केली. हा आरोपी वसई मध्ये राहणारा असून हा अंमली पदार्थ हा कुठून आणतो किंवा कुणाला विकतो याबाबत पोलीस अधिक तपास करत आहेत.