नोटाबंदीनंतर बँकेत मोठ्या प्रमाणात रक्कम जमा होत असल्यानं ICICI आणि HDFC यांच्यासह काही बँकांनी फिक्स डिपॉझिट (एफडी)च्या व्याज दरात. 0.25% ने कपात करण्याची घोषणा केली आहे. दरम्यान, एफडीच्या व्याजदरात कपात केली आहे. कर्जाच्या व्याजदरातही कपात होण्याची शक्यता आहे.
ICICI बँकेकडून एफडीवरील व्याजदरात कपात:
आयसीआयसीआय बँकेच्या वेबसाईटनुसार, 390 दिवसापासून ते 2 वर्षापर्यंतच्या एफडीसाठी व्याजदर 0.15% ने कपात करण्यात आली आहे. त्यामुळे आता एफडीवर 7.10 टक्के व्याज मिळणार आहे. पूर्वी हे व्याज 7.25 टक्के होतं.
HDFC बँकेकडून एफडीवरील व्याजदरात कपात:
एचडीएफसी बँकेनं 1 ते 5 कोटीच्या एफडीवरील व्याजदरात 0.25 % ने कपात केली आहे. बँकेच्या वेबसाइटनुसार, नवे दर आजपासून लागू होणार आहेत. एचडीएफसीच्या बँकेच्या 1 वर्षाच्या एफडीसाठी आता 6.75 टक्के व्याज मिळणार आहे. तर पूर्वी 7 टक्के व्याज दिलं जात होतं.
दरम्यान, एसबीआय आणि अॅक्सिस बँकेनंही व्याजदरात कपात केली आहे. काल एसबीआयनं काही एफडीच्या मॅच्युरिटीवर 0.15 टक्के कपात केली आहे.