Gunaratna Sadavarte On ST Strike: मुंबई: शरद पवार (Sharad Pawar) आणि उद्धव ठाकरे (Uddhav Thackeray) यांच्या पिलावळांनी हा संप पुकारलाय अशी, टीका गुणरत्न सदावर्ते यांनी केली आहे. मविआ सरकारच्या काळातच एसटी कर्मचाऱ्यांना सातवा आयोग मिळणार होता. मात्र टक्केवारीवर नजर ठेवत एसटी कर्मचारी संघटनेनं हा वेतन आयोग लागू होऊ दिला नाही असा गंभीर आरोपही गुणरत्न सदावर्ते (Gunaratna Sadavarte) यांनी केला आहे.
शरद पवार (Sharad Pawar) आणि उद्धव ठाकरे (Uddhav Thackeray) यांच्या पिलावळांनी बंद (ST bus strike) करण्याचा प्रयत्न केला. ही सर्व लोकं रिटायर्ड हार्ट लोकं आहेत. 'तुम लढो हम कपडे संभालेंगे', अशी ही लोक आहेत. महाविकास आघाडीच्या लोकांनी थोतांड सुरु आहे. कोणत्याच परिस्थितीत कोणालाही टक्केवारी मिळणार नाही, हे लक्षात ठेवा, असं गुणरत्न सदावर्ते (Gunaratna Sadavarte) यांनी सांगितले. मुख्यमंत्री एकनाथ शिंदे यांनी दसरा मेळाव्यात सातवा वेतनाच्या आयोगाची घोषणा होणार होती. तशी चर्चा आमच्यासोबत झाली होती. मात्र, ह्या संघटनांनी करार करा असं सांगितलं, आणि यांनीच हे सर्व थांबवलं. आम्ही 65 हजार कर्मचाऱ्यांचे नेतृत्व करतो, आमदार पडळकर, पावसकर यांच्या संघटना या संपात उतरल्या नाहीत, अशी माहिती गुणरत्न सदावर्ते यांनी 'एबीपी माझा'शी बोलताना दिली.
महाराष्ट्रात कुठेही बंद झालेला नाही, कारण नोटीस नाही. गिरीश देशमुख नावाचे अधिकारी उद्धव ठाकरेंचे आहेत, असा आम्हाला संशय आहे, त्यांची चौकशी झाली पाहिजे. सातवा वेतन आम्ही मिळवून राहणारच, तो आमचा हक्काचा आहे. सुप्रिया ताई तुम्हाला महाराष्ट्रातलं काहीच माहिती नाही. ह्या संघटनेतील लोकांनी कधीच महामंडळात व्यवस्थित नोकरी केली नाही. यांना करार पाहिजे, टक्केवारी पाहिजे, त्यामुळे कोणीही यांच्यावर विश्वास ठेवणार नाही. 'आम्ही डंके की चोट पर सांगतो', सातवा वेतन आयोग घेणारच, असं गुणरत्न सदावर्ते म्हणाले. उद्धव ठाकरे आणि शरद पवार यांच्यासोबत एसटी कर्मचारी नाही. तसेच एसटी बँकेकडे पैसे आहेत, अडीच हजार कोटी रुपये आहेत आमच्याकडे, आम्ही यात मध्यस्थी करु शकतो आणि शासनाला पैसै देऊ शकतो, असा दावाही गुणरत्न सदावर्ते यांनी केला.
काय आहेत एसटी कर्मचाऱ्यांच्या मागण्या?
राज्य सरकारी कर्मचाऱ्यांप्रमाणेच एसटी कर्मचाऱ्यांना वेतन मिळावे, प्रलंबित महागाई भत्ता आणि फरक, वाढीव घरभाडे भत्ता आणि फरक, वेतनवाढीच्या दराचा फरक तसेच 4849 कोटी रुपयांमधील शिल्लक रकमेचे वाटप आणि नुकत्याच मुळ वेतनात जाहीर केलेल्या पाच हजार, चार हजार आणि अडीच हजार रुपयांऐवजी सरसकट 5000 रुपये हजार मिळावेत अशा मागण्या एसटी कर्मचाऱ्यांकडून करण्यात आल्या आहेत.