Bhiwandi Building Collapse Live Updates | विजय वडेट्टीवार यांच्याकडून घटनास्थळाची पाहणी

भिवंडीमध्ये तीन मजली इमारत पत्त्यांच्या बंगल्याप्रमाणे कोसळली. या दुर्घटनेतील मृतांचा आकडा वाढला आहे. आतापर्यंत दहा जणांचा मृ्त्यू झाला आहे . तर ढिगाऱ्याखाली अनेक जण अडकल्याची भीती व्यक्त केली जात आहे.

पार्श्वभूमी

भिवंडी : भिवंडीमध्ये तीन मजली इमारत कोसळली. या दुर्घटनेत आतापर्यंत 20 जणांचा मृत्यू झाला असून 25 जणांची सुखरुप सुटका करण्यात आलं. त्यांना उपचारांसाठी आयजीएम रुग्णालयात दाखल करण्यात आलं आहे. अग्निशमन दल आणि ठाण्यातील TDRF तसंच NDRF चे जवान मदतकार्यात गुंतले आहेत. रविवारी (20 सप्टेंबर) रात्रीच्या सुमारास ही घटना घडली.शहरातील धामणकर नाका पटेल कंपाऊंड इथली ही तीन मजली जीलानी इमारत पत्याच्या बंगल्याप्रमाणे कोसळून दुर्घटना घडली. रात्रीची वेळ असल्याने सर्व कुटुंबीय घरात झोपलेले असताना ही दुर्घटना घडल्याने, या इमारतीच्या ढिगाऱ्याखाली सुमारे 25 कुटुंबातील 70 ते 80 नागरिक अडकल्याची भीती व्यक्त केली जात आहे.महत्त्वाची बाब म्हणजे मृतांमध्ये सर्वाधिक लहान मुलं आहेत.

22/09/2020 13:06:17

भिवंडीत इमारत दुर्घटनेला 32 तास उलटून गेले असून बचावकार्य अजूनही सुरु आहे. या इमारत दुर्घटनेचा आढावा घेण्यासाठी आपत्ती मदत पुनर्वसन विभागाचे मंत्री विजय वडेट्टीवार आले होते. त्यांनी संपूर्ण घटनेचा आढावा घेतला तसेच येथील मनपा आयुक्त पंकज आशिया आणि प्रांत अधिकारी तसेच एनडीआरएफ टीमच्या अधिकाऱ्यांशी चर्चाही केली. इमारत कोसळण्यामागचं नेमकं कारण काय आहे ते जाणून घेतलं. वडेट्टीवार यांनी सांगितले की जर ही इमारत लीगल असेल तर मृतांच्या कुटुंबाला चार लाख रुपयांची मदत देखील करण्यात येईल तसेच जखमींना पन्नास हजार रुपये देखील जाहीर करण्यात आलं. शिवाय इमारत कोसळण्यामागे जे कोणी दोषी असतील त्यांच्यावर नक्कीच कारवाई करण्यात येईल. मात्र 35 वर्षात खरंतर इमारत कोसळायला नको होती, परंतु इमारत कोसळली आहे. त्यामुळे नोटीस देऊन देखील त्यांना इमारत रिकामी का केली नाही याचीही चौकशी करुन त्यांच्यावर कारवाई करण्यात येणार येईल, असं त्यांनी सांगितलं. इमारतीच्या तळमजल्यावर यंत्रमाग असल्याने त्याच्या व्हायब्रेशनमुळे हा प्रकार घडला नाही ना किंवा या इमारतीमध्ये ड्रेनेजची व्यवस्था व्यवस्थित नसल्याने इमारत कोसळली आहे का या सर्व गोष्टींची चौकशीही केली जाईल. भिवंडी इमारत दुर्घटना संदर्भात कॅबिनेटमध्ये बैठक घेऊन योग्य तो मार्ग काढला जाईल. सध्या बिल्डरवर गुन्हा दाखल करण्यात आला असून लवकरच अटक होणार असल्याचे त्यांनी सांगितला आहे.

22/09/2020 08:26:09

भिवंडीत इमारत दुर्घटनेला 32 तास उलटून गेले असून बचावकार्य अजूनही सुरु आहे. या इमारत दुर्घटनेचा आढावा घेण्यासाठी आपत्ती मदत पुनर्वसन विभागाचे मंत्री विजय वडेट्टीवार आले होते. त्यांनी संपूर्ण घटनेचा आढावा घेतला तसेच येथील मनपा आयुक्त पंकज आशिया आणि प्रांत अधिकारी तसेच एनडीआरएफ टीमच्या अधिकाऱ्यांशी चर्चाही केली. इमारत कोसळण्यामागचं नेमकं कारण काय आहे ते जाणून घेतलं. वडेट्टीवार यांनी सांगितले की जर ही इमारत लीगल असेल तर मृतांच्या कुटुंबाला चार लाख रुपयांची मदत देखील करण्यात येईल तसेच जखमींना पन्नास हजार रुपये देखील जाहीर करण्यात आलं. शिवाय इमारत कोसळण्यामागे जे कोणी दोषी असतील त्यांच्यावर नक्कीच कारवाई करण्यात येईल. मात्र 35 वर्षात खरंतर इमारत कोसळायला नको होती, परंतु इमारत कोसळली आहे. त्यामुळे नोटीस देऊन देखील त्यांना इमारत रिकामी का केली नाही याचीही चौकशी करुन त्यांच्यावर कारवाई करण्यात येणार येईल, असं त्यांनी सांगितलं. इमारतीच्या तळमजल्यावर यंत्रमाग असल्याने त्याच्या व्हायब्रेशनमुळे हा प्रकार घडला नाही ना किंवा या इमारतीमध्ये ड्रेनेजची व्यवस्था व्यवस्थित नसल्याने इमारत कोसळली आहे का या सर्व गोष्टींची चौकशीही केली जाईल. भिवंडी इमारत दुर्घटना संदर्भात कॅबिनेटमध्ये बैठक घेऊन योग्य तो मार्ग काढला जाईल. सध्या बिल्डरवर गुन्हा दाखल करण्यात आला असून लवकरच अटक होणार असल्याचे त्यांनी सांगितला आहे.

22/09/2020 08:16:19

भिवंडी इमारत दुर्घटनेतील मृतांचा आकडा वाढला आहे. आतापर्यंत 20 जणांचा मृत्यू झाला असून 25 जणांना ढिगाऱ्याखालून बाहेर काढण्यात यश आलं आहे. बचावकार्यादरम्यान रात्री सात मृतदेह बाहेर काढले. परिणामी मृतांचा आकडा 20 वर पोहोचला आहे.

21/09/2020 18:44:24

भिवंडीतील इमारत दुर्घटनेतील मृतांचा आकडा 12 वर; बचावकार्य सुरुचं

21/09/2020 12:31:29

भिवंडी येथे इमारत कोसळून झालेल्या दुर्घटनेतील जीवित हानी दुःखदायी आहे. संकटाच्या या वेळी मृतांच्या कुटुंबियांप्रती माझ्या शोक संवेदना व्यक्त करतो. जखमींच्या प्रकृतीत लवकर सुधारणा व्हावी. स्थानिक प्रशासनाकडून मदत आणि बचाव कार्य सुरू आहे : भारताचे राष्ट्रपती रामनाथ कोविंद

21/09/2020 12:28:10

भिवंडीत घडलेल्या इमारत दुर्घटनेची पाहणी करण्यासाठी आलेल्या पालकमंत्री एकनाथ शिंदे यांनी मुख्यमंत्री उध्वव ठाकरे यांच्या निर्देशानुसार मयतांना 5 लाख रुपये तर जखमींचा मोफत उपचार करण्यात येणार असल्याचे सांगितले आहे.

21/09/2020 12:27:02

सुमारे तीस वर्षे जुनी जीलानी बिल्डिंग धोकादायक म्हणून महानगरपालिकेने घोषित करुन या इमारतीस दोन वेळा नोटीस बजावण्यात आली होती. दुर्घटनेत इमारतीचा एक भाग पूर्ण कोसळला असून दोन मजले हे गाडले गेले आहेत. अग्निशमन दल आणि ठाण्यातील TDRF तसंच NDRF चे जवान युद्धपातळीवर बचावकार्य करत आहेत.

21/09/2020 12:27:22

भिवंडीमध्ये तीन मजली इमारत कोसळली. या दुर्घटनेत आतापर्यंत दहा जणांचा मृत्यू झाला असून अकरा जणांची सुखरुप सुटका करण्यात आलं. त्यांना उपचारांसाठी आयजीएम रुग्णालयात दाखल करण्यात आलं आहे. अग्निशमन दल आणि ठाण्यातील TDRF तसंच NDRF चे जवान मदतकार्यात गुंतले आहेत. रविवारी (20 सप्टेंबर)रात्रीच्या सुमारास ही घटना घडली