नाणार प्रकल्प, सातवा वेतन आयोग, शेतकऱ्यांची कर्जमाफी या विषयांवर सरकारला धारेवर धरण्याच्या सूचनाही उद्धव ठाकरे यांनी आमदारांना दिल्या आहेत. तसेच, लाभार्थी शेतकऱ्यांच्या नावाची यादी जाहीर करण्याची मागणी करण्यासही सांगितले.
'मेक इन इंडिया' आणि 'मॅग्नेटिक महाराष्ट्र'मध्ये करण्यात आलेल्या घोषणांचा पाठपुरावा करण्याच्या सूचनाही उद्धव ठाकरेंनी दिल्या आहेत.
एकंदरीत अर्थसंकल्प मंजूर होण्यासाठी सरकारचा कस लागणार असल्याचे दिसते आहे. शिवसेनेच्या विरोधामुळे अर्थसंकल्प मंजूर करण्यासाठी मतदान होण्याची शक्यता आहे.
दुसरीकडे, संसदीय गटनेते खासदार आनंदराव अडसूळ यांनी खासदारांची उद्धव ठाकरेंकडे तक्रार केली. बैठक किंवा अधिवेशनाला खासदार उपस्थित राहत नसल्याने अडसूळ यांनी नाराजी व्यक्त केली.