राज ठाकरे आणि आशिष शेलार यांच्यात नेमकी काय चर्चा झाली, याबाबतचा तपशील समोर आलेला नाही. किंबहुना, मनसे किंवा भाजपच्या कोणत्याही नेत्याने यासंदर्भात माहिती दिली नाही.
राज ठाकरे आणि आशिष शेलार यांच्यात इतक्या गुप्तपणे झालेल्या या भेटीमागे नक्की काय कारण होते, याची चर्चा आता राजकीय वर्तुळात सुरु झाली आहे. राज ठाकरे हे मनसेचे पक्षप्रमुख, तर आशिष शेलार हे मुंबई भाजपचे अध्यक्ष आहेत, त्यामुळे राजकारणातील दोन महत्त्वाच्या पदांवरील या नेत्यांच्या भेटीला नक्कीच मोठे महत्त्व प्राप्त झाले आहे.