LIVE UPDATES | होळीच्या सणावर शहर पोलिसांकडून वर्ध्यात साडेचार लाखांचा दारूसाठा जप्त
महाराष्ट्र विकास आघाडी सरकारचा पहिला अर्थसंकल्प आज (6 मार्च) सादर होणार आहे. उपमुख्यमंत्री आणि अर्थमंत्री अजित पवार विधीसभेत सकाळी अकरा वाजता अर्थसंकल्प मांडतील.
एबीपी माझा वेब टीमLast Updated: 06 Mar 2020 10:50 PM
पार्श्वभूमी
मुंबई : महाराष्ट्र विकास आघाडी सरकारचा पहिला अर्थसंकल्प आज सादर होणार आहे. विधीमंडळात सकाळी 11 वाजता राज्याचे उपमुख्यमंत्री आणि अर्थमंत्री अजित पवार अर्थसंकल्प सादर करतील. दरम्यान काल (5 मार्च) राज्याचा...More
मुंबई : महाराष्ट्र विकास आघाडी सरकारचा पहिला अर्थसंकल्प आज सादर होणार आहे. विधीमंडळात सकाळी 11 वाजता राज्याचे उपमुख्यमंत्री आणि अर्थमंत्री अजित पवार अर्थसंकल्प सादर करतील. दरम्यान काल (5 मार्च) राज्याचा आर्थिक पाहणी अहवाल सादर झाला. यानुसार राज्याचा जीडीपी 5.7 टक्के राहण्याचा अंदाज वर्तवण्यात आला आहे. तर अर्थराज्यमंत्री शंभुराजे देसाई विधानपरिषदेत अर्थसंकल्प मांडतील.दरम्यान अर्थसंकल्प सादर करण्यापूर्वी सकाळी 10.30 वाजता कॅबिनेट बैठक बोलावली असून त्यात अर्थसंकल्पाला मंजुरी दिली जाईल. त्यानंतर अजित पवार सभागृहात अर्थसंकल्प सादर करतील. शिवसेना, राष्ट्रवादी काँग्रेस आणि काँग्रेस या तीन पक्षांनी मिळून महाराष्ट्र विकास आघाडी सरकार स्थापन केलं. याआधी अर्थमंत्री म्हणून अजित पवार यांनी काँग्रेस आणि राष्ट्रवादी आघाडी सरकारमध्ये अर्थसंकल्प सादर केला होता. आता ते महाराष्ट्र विकास आघाडी सरकारचे अर्थमंत्री अर्थसंकल्प मांडतील. महाराष्ट्र विकास आघाडी सरकारचा हा पहिलाच अर्थसंकल्प असल्यामुळे त्याकडे सगळ्यांच्याच लक्षं आहे.राज्याचा आर्थिक पाहणी अहवाल सादर; दरडोई उत्पन्नात महाराष्ट्र पाचव्या क्रमांकावर तर कर्जाचा बोजाही वाढलासरकारने दिलेल्या किती आश्वासनांची, घोषणांची अंमलबजणावणी होणार हे देखील आजच्या अर्थसंकल्पातून समोर येईल. तसंच शेतकरी, गृहिणींच्या विशेषत: शहरातील महिलांना सरकारकडून अपेक्षा आहेत. सार्वजनिक वाहतूक फ्री करावी, महागाई कमी करावी, सुरक्षितता वाढवावी अशा अनेक मागण्या महिलांनी केल्या आहेत. यासोबतच करदाते आणि उद्योजकांना नवीन काय मिळणार? हे देखील पाहावं लागेल. मंदीची स्थिती, घटणारा विकासदर हे आव्हान अजित पवारांसमोर आहे.आर्थिक पाहणी अहवालात काय?आर्थिक मंदीमुळे राज्याचा विकास दर 7.5 टक्क्यांवरुन 5.7 टक्के राहिल, असा अंदाज या आर्थिक सर्वेक्षणात नोंदवण्यात आला आहे. तसेच राज्याचा कृषी विकास दर 3.1 टक्के राहिल, अशी शक्यता व्यक्त करण्यात आली आहे. तर महाराष्ट्राचं दरडोई उत्पन्न 1 लाख 91 हजार 737 रुपये असल्याचं यात नमूद करण्यात आलं आहे.आर्थिक पाहणी अहवालानुसार राज्यात मागील वर्षीच्या तुलनेत राज्यात दीड लाख रोजगार कमी झाला आहे, ही चिंतेची बाब आहे. याशिवाय राज्याचा बेरोजगारीचा दर इतर राज्यांच्या तुलनेत सर्वात जास्त आहे. याबाबतीत देशात महाराष्ट्र पाचव्या क्रमांकावर आहे. राज्याचा बेरोजगारी दर 8.3 टक्के आहे.
मुंबई : कोरोना व्हायरसचा प्रसार होऊ नये यासाठी मुंबई महापालिकेने पुढाकार घेतलाय. मुंबई महापालिकेच्या अंतर्गत असणाऱ्या रुग्णालयातील शिकावू डॉक्टरांची टीम मुंबई विमानतळावर रुग्णांची तपासणी करणार आहे. लोकमान्य टिळक रुग्णालय, केम, नायर, भारतरत्न डॉक्टर बाबासाहेब आंबेडकर रुग्णालय, कूपर रुग्णालय, शताब्दी हॉस्पिटल या रुग्णालयातील मिळून एकूण 35 शिकावू डॉक्टरांच्या टीमकडून विमानतळावर तीन शिफ्टमध्ये काम करण्यास आजपासून सुरुवात झालीय. सकाळी 8 ते दुपारी 2,दुपारी 2 ते रात्री 8 आणि रात्री 8 ते सकाळी 8 या वेळेत डॉक्टरकडुन कामास सुरुवात झालीय. शिकावू डॉक्टरांच्या सोबतीला 11 कार्यकारी वैद्यकीय अधिकारी, रहिवासी डॉक्टर देखील उपस्थित.