Aaditya Thackeray SIT news Live: दिशा सालिअन प्रकरणात सगळं सुडाचं राजकारण, चौकशीत काहीच मिळणार नाही : सुनिल प्रभू

Aaditya Thackeray Disha Salian case Live : आदित्य ठाकरेंच्या अडचणी वाढण्याची शक्यता आहे. दिशा सॅलियनप्रकरणी एसआयटी चौकशी करणार असून अतिरिक्त पोलीस आयुक्तांच्या नेतृत्वात एसआयटी पथक काम करणार आहे.

एबीपी माझा वेब टीम Last Updated: 07 Dec 2023 11:30 AM

07/12/2023 11:30:29

Bharat Gogawale on Disha Salian case: दूध का दूध पाणी का पाणी होईल : भरत गोगावले

जर चूक असेल तर दूध का दूध पाणी का पाणी होईल. चुकी नसेल तर घाबरण्याचं काम नाही, असं म्हणते शिंदे गटाचे आमदार भरत गोगावले यांनी आदित्य ठाकरेंच्या एसआयटी चौकशीवर भाष्य केलं. सुनील प्रभू आता अवसान आणल्या सारखे बोलतोय. विरोधकांकडे राहिले काय आहे त्यांनी आता जय महाराष्ट्र करावा..तीन राज्यात काय झालं आपण पाहिले आहे, असं भरत गोगावले म्हणाले.

07/12/2023 11:06:47

Sunil Prabhu On Aaditya Thackeray: आदित्य ठाकरेंची SIT चौकशी ही राजकीय सुडापोटी : सुनील प्रभू

Sunil Prabhu On Aaditya Thackeray: Disha Salian प्रकरणी आदित्य ठाकरेंची SIT चौकशी ही राजकीय सुडापोटी केली आहे. माझे सरकारला आवाहन आहे की, ललित पाटील प्रकरणातील अडकलेलया मंत्र्याची चौकशी करा. चौकशीतून काही मिळणार नाही, असे ठाकरे गटाचे प्रतोद सुनील प्रभू म्हणाले.

07/12/2023 11:00:19

Disha Salian suicide case: एसआयटीसंदर्भात सुजाता सौनिक आज ऑर्डर काढण्याची शक्यता

Disha Salian suicide case: आदित्य ठाकरेंच्या अडचणीत वाढ होण्याची शक्यता आहे. SIT चौकशीत अनेक पुरावे समोर येणार असल्याची सूत्रांची माहिती आहे. एसआयटीसंदर्भात सुजाता सौनिक आज ऑर्डर काढू शकतात.

07/12/2023 10:57:45

Prithviraj Chavan : सरकार सूडबुद्धीने काम करत आहे : पृथ्वीराज चव्हाण

Prithviraj Chavan On Aaditya Thackeray: आदित्य ठाकरे यांच्या संदर्भातली एसआयटी चौकशी म्हणजे सरकार सूडबुद्धीने काम करत आहे का? असा सवाल माजी मुख्यमंत्री आणि काँग्रेस नेते पृथ्वीराज चव्हाण यांनी केला आहे.

07/12/2023 10:52:29

VinayaK Raut: शेतकऱ्यांना वाऱ्यावर सोडून मातोश्रीच्या मागे लागले : विनायक राऊत

VinayaK Raut On Aaditya Thackeray SIT: कोणती चौकशी पुन्हा करावी हा त्यांचा हेतू आहे. दुष्ट हेतुतून हे सरकार काम करत आहे. शेतकरी रडत आहे तिकडे बघायला यांना वेळ नाही मात्र मातोश्रीच्या मागे हे लागले आहेत. या सरकारला ठेवल्याशिवाय राज्यातील जनता स्वस्थ बसणार नाही

पार्श्वभूमी

Aaditya Thackeray Disha Salian case Live : शिवसेना ठाकरे गटाचे आमदार आणि माजी मंत्री आदित्य ठाकरे यांच्या (Aaditya Thackeray) अडचणीत वाढ होणार आहे. कारण दिशा सालियान (Disha Salian) आत्महत्या प्रकरणात राज्यातील एकनाथ शिंदे (Eknath Shinde) सरकार आदित्य ठाकरेंची SIT चौकशी करणार आहे. अतिरिक्त पोलिस आयुक्तांच्या नेतृत्वात हे SIT पथक काम करणार आहे. दिशा सालियान प्रकरणात ठाकरेंच्या चौकशीची मागणी सातत्याने काही आमदार करत होते. त्यावर गृहमंत्री देवेंद्र फडणवीस (Devendra Fadnavis) यांनी मागच्या नागपूरच्या हिवाळी अधिवेशनात या प्रकरणी SIT चौकशीचे आदेश दिले होते.

दिशा सालियानच्या मृत्यू प्रकरणी नेमके आदित्य ठाकरे त्यावेळी होते कुठे ? असा प्रश्न उपस्थित करण्यात आला होता. त्यामुळे आदित्य ठाकरेंच्या अडचणीत वाढ होण्याची शक्यता आहे. या SIT चौकशीत अनेक पुरावे समोर येणार असल्याची माहिती सूत्रांनी दिली आहे.