नेहमी मंत्र्यांबरोबर सेल्फी काढण्याची क्रेझ असते पण आज मॅरेथॉन स्पर्धेच्या वेळी ज्येष्ठ मंत्री जयंत पाटील यांना तरुण हिरो टायगर श्रॉफ याच्याबरोबर सेल्फी काढला. आणि त्यांनी ट्विटरवर सेल्फी टाकत टाकत बाप शेर तो बेटा सव्वा शेर अशी टिप्पणी केली आहे. जयंत पाटील आणि अभिनेता जॅकी श्राफ यांचे जुने संबंध आहेत, त्याच्या मुलाबरोबर फोटो काढण्याचा मोह जयंत पाटील यांना आज आवरला नाही.
सालाबादप्रमाणे याही वर्षी मुंबईत #MumbaiMarathon स्पर्धेचे आयोजन केले आहे. मुख्यमंत्री उद्धव ठाकरे यांच्यासह यावर्षीच्या 'टाटा मुंबई मॅरेथॉन 2020' शर्यतीला फ्लॅग ऑफ केले. दरवर्षीप्रमाणे याही वर्षीही स्पर्धकांमध्ये उत्साह पाहायला मिळाला, असे जयंत पाटील यांनी ट्वीट करत म्हटलं आहे.
देशविदेशातल्या पंचावन्न हजारांहूनही अधिक धावपटूंचा सहभाग असलेल्या मुंबई मॅरेथॉनमधल्या विविध शर्यतींना जबरदस्त प्रतिसाद लाभला. हौशी आणि एलिट धावपटूंच्या फुल मॅरेथॉनला छत्रपती शिवाजी महाराज टर्मिनस येथून सुरुवात झाली. या तीन शर्यतींसह दिव्यांग आणि ज्येष्ठ नागरिकांसाठी विशेष शर्यतींचं आयोजन करण्यात आलं होतं. त्याशिवाय सर्वसामान्यांसाठी सहा किलोमीटर्स अंतराच्या ड्रीम रनचाही मुंबई मॅरेथॉनच्या कार्यक्रमात समावेश होता.
इथिओपियाच्या डेरारा हुरिसा आणि अमाने बेरिसोला विजेतेपद
इथिओपियाच्या डेरारा हुरिसा आणि अमाने बेरिसो या धावपटूंनी मुंबई मॅरेथॉनमधल्या एलिट शर्यतीचं विजेतेपद पटकावण्याचा पराक्रम गाजवला. 42.195 किलोमीटर्स अंतराच्या या शर्यतीत देशविदेशातल्या सर्वोत्तम धावपटूंचा समावेश होता. पुरुष विजेत्या हुरिसानं दोन तास आठ मिनिटं आणि नऊ सेकंद अशी विक्रमी वेळ दिली. महिला विजेत्या बेरिसोनं दोन तास 24 मिनिटं आणि 51 सेकंद वेळत अंतिम रेषा पार केली. पुरुषांच्या शर्यतीवर इथिओपियानं निर्विवाद वर्चस्व गाजवलं. इथिओपियाचा अयेले अबशेरो दुसरा आणि इथिओपियाचाच बिरहानू टेशोम तिसरा आला. महिलांच्या शर्यतीत केनियाची रोढा जेपकोरिर दुसरी, तर इथिओपियाची हॅवेन हायलू तिसरी आली.
संबंधित बातम्या
राष्ट्रवादीच्या प्रत्येक मंत्र्याच्या कामाचं मुल्यमापन होणार : जयंत पाटील
Jayant Patil Exclusive | तिनही पक्षाला समान खाती, सर्वांचं समाधान झालंय : जयंत पाटील |