Udayanraje On Pushpa : दाक्षिणात्य सुपरस्टार अल्लू अर्जुनचा (Allu Arjun) 'पुष्पा: द राइज' (Pushpa : The Rise) सिनेमा बॉक्सऑफिसवर चांगलाच धुमाकूळ घालत आहे. भाजपचे खासदार उदयनराजेंवरदेखील (Udayanraje) 'पुष्पा' सिनेमाचा प्रभाव दिसून आला आहे. उदयनराजे दुसऱ्यांदा शर्टाची कॉलर उडवत सिनेमातील डायलॉग मारताना दिसून आले आहेत.
उदयनराजे त्यांच्या हटके स्टाईलमुळे प्रसिद्ध आहेत. मंगळवारी साताऱ्यातील एका कार्यक्रमात त्यांनी पुष्पा सिनेमातील डायलॉग मारत नेहमीप्रमाने कॉलर उडवली. या कार्यक्रमाला सिने अभिनेत्री सोनाली कुलकर्णीनेदेखील हजेरी लावली होती. उदयनराजेंच्या हटके स्टाईलमुळे कार्यक्रमात चांगलीच रंगत आली होती. सोनाली कुलकर्णीनेदेखील या कार्यक्रमात डान्स केला आहे.
उदयनराजे याआधीदेखील पुष्पा सिनेमातील गाण्यावर धुंद होत कार्यकर्त्यांसह साताऱ्यातील सेल्फी पाँईंटवर दिसून आले होते. . दरम्यान त्यांनी गाडीत बसल्यावर त्यांची शर्टाची कॉलर उडवण्याची हटके स्टाईलदेखील उपस्थितांना करून दाखवली.
अल्लू अर्जुनच्या ‘पुष्पा’चा बॉक्स ऑफिसवर धुमाकूळ
दाक्षिणात्य अभिनेता अल्लू अर्जुनच्या 'पुष्पा द राईज' या सिनेमाने रिलीज होऊन अनेक विक्रम केले आहेत. हा सिनेमा गेल्या वर्षी डिसेंबरमध्ये प्रदर्शित झाला होता. या सिनेमाने 9 व्या आठवड्यातही तब्बल 1.39 कोटींची कमाई केली आहे. या सिनेमाने कमी कालावधीत अनेक विक्रम केले आहेत. बॉक्स ऑफिसवरील सर्व रेकॉर्ड मोडीत काढत या सिनेमाच्या हिंदी व्हर्जनने 100 कोटींच्या क्लबमध्ये आपले स्थान निर्माण केले आहे. या सिनेमाने आधीच जगभरात 300 कोटींचा टप्पा ओलांडला आहे.
संबंधित बातम्या
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Gangubai Kathiawadi : आलियाच्या 'गंगूबाई काठियावाडी' सिनेमाविरोधात आमदार आणि स्थानिक हायकोर्टात
Kacha Badam : शेंगदाणे विक्रेता ते सेलिब्रिटी, शेंगदाणे विकता विकता रातोरात सेलिब्रिटी झाला कच्चा बदामचा गायक
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha