मुंबई : नाताळच्या सलग सुट्ट्यांमुळे आजही अनेक महामार्गांवर हळूहळू वाहतूक कोंडी होऊ लागली आहे. मुंबई-गोवा महामार्गावर पेण जवळ वाहनांची कोंडी झाली आहे. त्यामुळे कोकणात जाणाऱ्या प्रवाशांना नाहक मनस्ताप सहन करावा लागत आहे. मुंबई गोवा महामार्गावर 3 ते 4 किलोमीटरपर्यंत वाहनांच्या रांगा लागल्या आहेत.

दुसरीकडे मुंबई-पुणे महामार्गावरच्या खंडाळा घाटात वाहतूक मंदावली आहे, यावर उपाय म्हणून लोणावळ्याजवळ दर 1 तासाने वाहनं अडवली जाणार आहे. त्यानंतर ती पुढे टप्प्याटप्प्यानं सोडली जाणार आहेत. वाहतूक कोंडीवर नियंत्रण मिळवण्यासाठी वाहतूक पोलिसांनी हा निर्णय घेतला आहे.

सोबतच विरारमध्ये मुंबई-अहमदाबाद महामार्गावर वाहतूक कोंडी सुरुच आहे. विरार हद्दीत खणीवडे टोल नाक्यावर गुजरातला जाणाऱ्या दिशेला  वाहनांच्या रागाचं रांगा लागल्या आहेत. वाहनांच्या 1 किलोमीटरपर्यंत लांब रांगा लागल्या आहेत. वाहतूक धीम्या गतीने सुरु आहे.

वर्सोवा पुलाजवळही मोठी वाहतूक कोंडी झाली आहे. आज सुट्टीचा आनंद घेण्यासाठी बाहेर पडलेल्या वाहनधारकांचे मात्र या कोंडीमुळे हाल सुरु आहेत.