दिल्ली सामूहिक बलात्कार प्रकरणातील दोषींना उद्या फाशी नाही, दिल्लीच्या पटियाला कोर्टाकडून पुढील आदेशापर्यंत फाशीला स्थगिती

31/01/2020 18:16:55

चीनमध्ये अडकलेल्या 27 भारतीय विद्यार्थ्यी लवकरच भारतात परतणार, दिल्लीतून एक विशेष विमान चीनला रवाना होणार, चीन सरकार त्यांच्या विमानतळावर विमान उतरवण्याची परवानगी देणार, याबाबतची माहिती पिंपरी चिंचवड मधील देवकाटे कुटुंबीयांनी दिली आहे.

31/01/2020 17:41:54

31/01/2020 16:43:36

सांगलीमध्ये व्यापारी आणि हमाल तोलाईदारांचा वाद उफाळला आहे. तोलाई देण्यास व्यापाऱ्यांनी नकार दिल्याने संतप्त हमालांनी मार्केट कमिटीच्या कार्यालयासमोर ठिय्या मारला आहे. काल झालेल्या बैठकीत तोडगा निघाला नसल्याने व्यापाऱ्यांनीही बेमुदत बंद पुकारला आहे. यामुळे मार्केट यार्डात सर्व व्यवहार झाले ठप्प झाले आहेत. यामुळे सांगली मार्केट यार्डातील कोट्यवधी रुपयांची उलाढाल थांबली आहे.
हमालांचे तोलाईसाठी गेल्या काही दिवसांपासून हे आंदोलन सुरू आहे. हमालांनी व्यापाऱ्यांचा द्वेष केला आहे. व्यापाऱ्यांची बदनामी केली आहे. तसेच वाट्टेल ते आरोप करण्यात आले असून संकोचित वृत्तीने आरोप करणे चुकीचे आहे असा आरोप व्यापाऱ्यांनी केला आहे. त्यामुळे जोपर्यंत हमाल, तोलाईदार आणि हमाल प्रतिनिधी व्यापाऱ्यांची माफी मागत नाहीत तोपर्यंत व्यापाऱ्यांनी आजपासून बेमुदत बंद पाळण्याचा निर्णय घेतला आहे. व्यापाऱ्यांचे सर्व असोसिएशन बंद मध्ये सहभागी असून व्यापाऱ्यांनी घेतलेल्या या भूमिकेमुळे वातावरण तापले आहे.

31/01/2020 16:17:12

पुन्हा सुपरओव्हर, भारत-न्यूझीलंड सामना पुन्हा टाय

31/01/2020 14:02:26

मुंबईकरांसाठी लावल्या जाणाऱ्या बेस्टच्या वीज दरवाढीवर मनसेचा आक्षेप, राज ठाकरे यांचे महाराष्ट्र विद्युत नियामक आयोगास पत्र

31/01/2020 11:12:48

जम्मू-काश्मिरच्या नागरिकांनादेखील देशातील इतर
नागरिकांप्रमाणे अधिकार मिळाले - राष्ट्रपती रामनाथ कोविंद

31/01/2020 11:10:00

राम जन्मभूमीच्या निर्णयानंतर देशाने परिपक्वता दाखवली – राष्ट्रपती रामनाथ कोविंद

31/01/2020 11:06:14

#BUDGET2020 राष्ट्रपतींच्या अभिभाषणाला सुरुवात; त्यानंतर अर्थमंत्री निर्मला सितारमन वर्ष 2019-2020चं आर्थिक सर्वेक्षण सादर करणार

31/01/2020 11:05:57

#BUDGET2020 राष्ट्रपतींच्या अभिभाषणाला सुरुवात; त्यानंतर अर्थमंत्री निर्मला सितारमन वर्ष 2019-2020चं आर्थिक सर्वेक्षण सादर करणार

31/01/2020 11:04:20

राष्ट्रपतींच्या अभिभाषणाला सुरुवात; त्यानंतर अर्थमंत्री निर्मला सितारमन वर्ष 2019-2020चं आर्थिक सर्वेक्षण सादर करणार

31/01/2020 11:02:06

राष्ट्रपती रामनाथ कोविंद संसद भवनात दाखल; थोड्याच वेळात राष्ट्रपतींच्या अभिभाषणाला सुरुवात, त्यानंतर अर्थमंत्री निर्मला सितारमन वर्ष 2019-2020चं आर्थिक सर्वेक्षण सादर करणार

31/01/2020 10:51:57

आजपासून संसदेचं अर्थसंकल्पीय अधिवेशन, थोड्याच वेळात राष्ट्रपतींच्या अभिभाषणाला सुरुवात होणार

31/01/2020 10:27:57

मुख्यमंत्री उद्धव ठाकरे तीन दिवसांच्या सुट्टीवर जाणार आहे. निवडणूक, निकाल आणि सत्तास्थापनेनंतर उद्धव ठाकरे कुटुंबासह महाबळेश्वरला जाणार आहे. मुख्यमंत्रीपदी विराजमान झाल्यानंतर उद्धव ठाकरे पहिल्यादांच कुटुंबांसमवेत बाहेर जाणार आहेत.

31/01/2020 10:11:44

लवकरच महाविकास आघाडी सरकार 60 ते 70 हजार रिक्त पदांसाठी मेगा भरती करणार आहे. अशी माहिती उपमुख्यमंत्री अजित पवार यांनी दिली आहे. अजित पवारांच्या उपस्थितीत दिंडोरी तालुक्यातील कादवा इंग्लिश मिडीयम शाळा आणि कनिष्ठ महाविद्यालय उद्घाटन सोहळा पार पडला. त्यावेळी ते बोलत होते. पोलीस दलातील 8 हजार पद भरणार असल्याचंही यावेळी अजित पवार यांनी सांगितलं आहे.

31/01/2020 10:10:12

देशातील सर्व सरकारी बँका आज आणि उद्या संपावर गेल्या आहेत. वेतन सुधारणेच्या प्रलंबित मागणीवर कोणतीही सहमती झाली नाही. त्यामुळे संपाचा निर्णय घेण्यात आला आहे. त्यामुळे आज आणि उद्या सरकारी बँका बंद राहणार आहेत. याशिवाय संपाला जोडून रविवारची सुटी असल्यानं सलग तीन दिवस बँकांचे व्यवहार कोलमडण्याची चिन्हे आहेत. विशेष म्हणजे उद्या केंद्रीय अर्थसंकल्प असताना सर्व सरकारी बँका संपावर असतील. बँक संघटनांनी 20 टक्के वेतनवाढीची मागणी केली आहे.

31/01/2020 07:38:35

उत्तर प्रदेशच्या फारुखाबादमध्ये पार्टीला बोलावून एका व्यक्तीने 23 लहान मुलांना ओलिस ठेवले होते. या माथेफिरूला पोलिसांनी ठार केलं आहे. या माथेफिरुनं या मुलांना एका घरात ठेवलं. घरातून त्याने पोलिसांवर गोळीबार आणि हॅन्ड ग्रेनेडचा मारा केला होता. या हल्ल्यात दोन पोलीस गंभीर जखमी झाले होते. यावेळी झालेल्या चकमकीत माथेफिरुसह त्याची पत्नीही ठार झाली असून मुलांची सुखरूप सुटका करण्यात आली आहे.

31/01/2020 07:20:19

जामिया-राजघाट दरम्यान निघालेल्या सीएएविरोधातल्या मोर्चात गोळीबाराच्या घटनेनं राजधानी दिल्ली हादरली. मात्र गोळीबार करणारा अल्पवयीन असल्याचं पोलीस तपासात उघड झालं आहे. विशेष म्हणजे, दिल्लीत गोळीबार करण्यापूर्वी हल्लेखोरानं फेसबुक लाईव्ह केलं होतं. हल्लेखोराच्या फेसबुक अकाऊंटवरच्या चिथावणीखोर पोस्ट वाचल्यानंतर दिल्ली पोलिसांनी त्याचं अकाऊंट निष्क्रिय करण्यात आलं आहे. गुरूवारी जामिया पासून राजघाटच्या दिशेनं सीएएविरोधात मोर्चा निघाला होता. मात्र त्यावेळी हल्लेखोर हातात बंदूक नाचवत पुढे आला आणि त्यानं गोळीबार सुरू केला. या गोळीबारात एक जण जखमी झाला असून पोलिसांनी हल्लेखोराला ताब्यात घेतलं आहे.

31/01/2020 07:18:03

कोरोना विषाणूचा विळखा वाढला आहे. त्यामुळे जागतिक आरोग्य संघटनेने आंतरराष्ट्रीय आणीबाणी घोषित केली आहे. कोरोना विषाणूमुळे चीनमध्ये आतापर्यंत 213 लोकांचा मृत्यू झाल्याची माहिती मिळतल आहे. जगभरात जवळपास 21 देशांमध्ये कोरोना विषाणूचा फैलाव झाल्याची माहिती जागतिक आरोग्य संघटनेकडून मिळत आहे.

देश विदेशातील महत्त्वाच्या घडामोडींचा आढावा एका क्लिकवर...

पार्श्वभूमी