ज्येष्ठ व्यंगचित्रकार विकास सबनीस यांचं निधन

दिवसभरातील घडामोडींचा वेगवान आढावा...

27/12/2019 20:47:15

बेळगावच्या विमानतळावरून सध्या मुंबई,बंगलोर,हैद्राबाद,अहमदाबाद,मंगलोर आणि अन्य ठिकाणी विमान कंपन्यांनी सेवा सुरू केली आहे.आता त्यात आणखी काही गावांची भर पडणार आहे.त्रुजेटने बेळगावचा आपल्या मार्गात समावेश केला आहे.दहा जानेवारीपासून त्रुजेट कंपनी आपली बेळगावहून सेवा सुरू करणार आहे. बेळगाव ते हैदराबाद, बेळगाव ते म्हैसूर ,बेळगाव ते तिरुपती, बेळगाव ते कोल्हापूर आणि बेळगाव ते कडप्पा अशी विमानसेवा त्रुजेट कंपनी सुरू करणार आहे. सध्या स्टार एअर,एअर इंडिया,स्पाईसजेट,इंडिगो आदी विमान कंपन्यांची सेवा बेळगाव विमानतळावरून सुरू आहे.उडाण ३योजने अंतर्गत अनेक मार्गावर सेवा सुरू करण्यासाठी विमान कंपन्या पुढे येत आहेत. 20 जानेवारी पासून स्टार एअर बेळगाव ते इंदोर सेवा सुरू करणार आहे. सध्या बेळगाव विमानतळावरून दररोज एक हजार प्रवासी ये जा करत आहेत. विमान कंपन्यांच्या सेवेला बेळगावकर जनतेने चांगला प्रतिसाद दिल्यामुळे नव्या मार्गावर सेवा सुरू करण्यासाठी विमान कंपन्या उत्सुक आहेत.

27/12/2019 20:52:38

गोवा : वागतोर येथे आयोजित सनबर्न क्लासिक इडीएम फेस्टिवलसाठी आलेल्या दोघांचा संशयास्पद मृत्यूमुळे एकच खळबळ उडाली आहे. पोलिस सूत्रांनी दोघांचा मृत्यू हार्टअॅटॅकने झाला असल्याची शक्यता वर्तवली असली तरी या दोन्ही युवकांचा मृत्यू ड्रग्सच्या अतिसेवनाने झाला असण्याची जोरदार चर्चा सुरु आहे.

27/12/2019 23:14:07

ज्येष्ठ व्यंगचित्रकार विकास सबनीस यांचं निधन झालंय.

सबनीस यांनी त्यांच्या व्यंगचित्र कारकिर्दीला १९६८ साली सुरु केली होती.

आर. के. लक्ष्मण यांचे टाईम्स ऑफ इंडियातील तर बाळासाहेब ठाकरे यांचे मार्मिकमधील व्यंगचित्रांमधून प्रेरणा घेत, सबनीस व्यंगचित्रकारितेकडे वळाले होते.

त्यांच्या व्यंगचित्र कारकिर्दीला यंदा ५० वर्षे पूर्ण झाल्याबद्दल फेब्रुवारी २०१९ मध्ये 'रेषा विकासची भाषा ५० वर्षांची' या संकल्पनेखाली त्यांचा गौरव करण्यात आला. मनसे अध्यक्ष आणि व्यंगचित्रकार राज ठाकरे यांच्या हस्ते त्यांचा सत्कार करण्यात आला होता.

27/12/2019 16:55:18

औरंगाबाद : 93 व्या अखिल भारतीय मराठी साहित्य संमेलनाची निमंत्रण पत्रिका जाहीर; संमेलनाच्या व्यासपीठावर एकही राजकीय व्यक्तीला स्थान नाही; कवी पद्मश्री ना.धों. महानोर यांच्या हस्ते उदघाटन; समारोप प्राचार्य रा.रं. बोराडे उपस्थित राहतील; 10 ते 12 जानेवारी दरम्यान संमेलनाचे आयोजन

27/12/2019 18:07:08

महाराष्ट्रातील सरकारचं डोक ठिकाणावर आहे का? : फडणवीस

27/12/2019 15:57:46

नव्या वर्षात महापालिका नगरसेवकांचा उत्तराखंड दौरा; मुंबई महापालिका उत्तराखंडच्या शिक्षण पद्धतीचा अभ्यास करणार

27/12/2019 14:59:37

भाजपची पक्ष कार्यालयातील बैठक संपली असून उद्या नगरमधे अजून एक बैठक होणार असल्याची माहिती भाजप नेते राधाकृष्ण विखे पाटिल यांनी दिली आहे. विखे म्हणाले की, आज सकारात्मक चर्चा झाली आहे. उद्याच्या बैठकीनंतर पक्षश्रेष्टी निर्णय घेतील.

27/12/2019 14:00:08

कनसेचा सिंधुदुर्ग जिल्हा महाराष्ट्र एकीकरण समितीकडून निषेध : -
महाराष्ट्र एकीकरण समितीच्या पदाधिकाऱ्यांना भर चौकात उभे करून गोळ्या घालाव्यात, अशा प्रकारचे भाष्य कर्नाटकातील कनसे या पक्षाचा नेता भीमाशंकर पाटील याने केले आहे. त्यानंतर आज त्याचा सिंधुदुर्ग जिल्हा महाराष्ट्र एकीकरण समितीच्या वतीने कनसेचा जाहीर निषेध करण्यात आला. महाराष्ट्र एकीकरण समिती सिंधुदुर्ग जिल्हाध्यक्ष अण्णा केसरकर म्हणाले की, सीमा प्रश्न गेली कित्येक वर्षे लोकशाहीच्या मार्गाने शांततापूर्वक आंदोलने प्रसंगी सत्याग्रह करून सुरु आहे. कर्नाटक राज्यात साडे तीन लाख मराठी बांधव दाबले गेले आहेत. त्यांना महाराष्ट्रात आणण्यासाठी हा लढा सुरू आहे. हा लढा निवाड्यासाठी कोर्टात गेला असून महाराष्ट्राचे मुख्यमंत्री उद्धव ठाकरे यांनी नुकतीच वर्षा बंगल्यावर सीमा भागातील सर्व नेत्यांची बैठक घेऊन महाराष्ट्राची बाजू मांडणाऱ्या वकिलांना जलदरित्या कोर्टात केस चालावी, यासाठी प्रयत्न करण्याच्या सूचना केल्या आहेत. कर्नाटकातील भाजप सरकारने अशा वाचाळवीरांना वेळीच आवर घालावा अन्यथा याचे गंभीर परिणाम भोगावे लागतील असा इशारा महाराष्ट्र एकीकरण समिती सिंधुदुर्ग जिल्हाध्यक्ष अण्णा केसरकर यांनी दिला आहे.

27/12/2019 13:13:48

145 दिवसांनी कारगिलमध्ये इंटरनेट सुरू

27/12/2019 07:22:01

हिंदुस्थानच्या हवाई दलात जवळपास चार दशकांहून अधिक काळ पराक्रम गाजवणारे, कारगीलच्या युद्धात ब्रह्मास्त्र ठरलेल्या 'मिग-27' लढाऊ विमानांचे युग संपणार आहे. शुक्रवारी 'मिग-27' श्रेणीतील सात लढाऊ विमाने अखेरचे उड्डाण घेतील.

पार्श्वभूमी

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

दिवसभरातील घडामोडींचा वेगवान आढावा...

1. एकनाथ खडसेंच्या तक्रारीची भाजप नेतृत्वाकडून दखल, फडणवीसांसह राज्यातील भाजप नेत्यांना दिल्लीत बोलावणं, जेपी नड्डांकडून खडसेंना कारवाईचं आश्वासन

2. मिसेस फडणवीस आणि शिवसेनेतला वाद टोकाला, अॅक्सिस बँकेतील खाती सरकारी बँकेत वळवण्याचा ठाणे महापालिकेचा निर्णय

3. नागरिकत्त्व दुरुस्ती कायदा 40 टक्के हिंदूंविरोधात, मुंबईत भव्य मोर्चा काढणाऱ्या प्रकाश आंबेडकरांचा गंभीर आरोप, काँग्रेस, राष्ट्रवादीवरही हल्लाबोल

4. नागरिकत्व दुरुस्ती कायद्याविरोधात मुंबईसह राज्यात ठिकठिकाणी मोर्चे, तर दिल्लीत जामियाचे विद्यार्थी यूपी पोलिसांना घेराव घालण्याच्या तयारीत

5. अहमदनगर-पुणे मार्गावर एसटी आणि ट्रकची समोरासमोर धडक, एसटीतील ४ प्रवाशांचा मृत्यू तर १५ जण जखमी, एसटीचाही चक्काचूर

6. भारतीय हवाईदलातील मिग २७ चं युग आज संपणार, ४ दशकांहून अधिक काळ पराक्रम गाजवणारं मिग २७ लढाऊ विमान आज निवृत्त होणार, जोधपूर एअरबेसवर खास सोहळा