LIVE UPDATES | मध्यप्रदेशातील बैतुलमधील सामूहिक बलात्काराची पीडितेचा दुर्दैवी मृत्यू

देश विदेशातील महत्त्वाच्या घडामोडींचा आढावा एका क्लिकवर...

पार्श्वभूमी

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in महत्त्वाच्या हेडलाईन्सवर एक नजर...1. दिल्लीत हिंसाचार करणाऱ्यांना दिसताच क्षणी गोळ्या घालण्याचे पोलिसांना आदेश, दिल्लीत शाळा, महाविद्यालयांना सुट्टी, हिंसाचारात आतापर्यंत 13 जण दगावले2. बँक घोटाळ्याप्रकरणी आमदार अनिल भोसलेंसह 4 जणांना अटक, शिवाजीराव भोसले सहकारी बँकेत 71 कोटींच्या घोटाळ्याचा ठपका3. सातबारा कोरा करण्याचं आश्वासन देणाऱ्या ठाकरे सरकारकडून वचनभंग, फडणवीसांचा सरकारवर घणाघात, तर 50 हजार शेतकऱ्यांची पत्रं राज्यपालांना सुपूर्द4. समृद्धी महामार्गाची चौकशी करा, विधानसभेत पृथ्वीराज चव्हाणांची मागणी, अधिकारी आणि त्यांच्या नातेवाईकांनी जमीन लाटल्याचा आरोप6. महिला अत्याचार थांबवण्यासाठी दिशा कायद्याच्या अनुषंगाने नवा कायदा तयार करणार, कायद्यासाठी स्वतंत्र समितीची स्थापना, 10 दिवसांत मसुदा सादर करणार6. ट्रम्प दाम्पत्याला राष्ट्रपती भवनात शाही मेजवानी, राष्ट्रपती कोविंद यांच्याकडून स्वागत, तर भारत-अमेरिकेत विविध करारारवर स्वाक्षऱ्या, ट्रम्प मायदेशी रवानाएबीपी माझा वेब टीम

26/02/2020 18:37:35

फोन टॅपिंग प्रकरणाच्या चौकशीसाठी जाहीर केलेल्या समितीचा विस्तार करणार, सध्या या समितीवर अतिरिक्त मुख्य सचिव श्रीकांत सिंह, सह पोलीस आयुक्त अमितेशकुमार असून या समितीमध्ये काही माजी अधिकारी आणि मंत्री अथवा आमदारांचा समावेश होण्याची शक्यता

26/02/2020 21:38:56

भंडारा जिल्ह्याच्या लाखनी तालुक्यातील झरप गावात लग्नाच्या जेवणातून 150 लोकांना विषबाधा, 103 लोकांवर मुरमाडी तुपकर (लाखनी) प्राथमिक आरोग्य केंद्रात उपचार

26/02/2020 21:26:40

मध्यप्रदेशातील बैतुल मधील सामूहिक बलात्काराची पीडित अल्पवयीन मुलीचं आज नागपूरच्या शासकीय वैद्यकीय रुग्णालयात दुर्दैवी मृत्यू झालाय. एक महिन्यापूर्वी तिच्यावर तीन तरुणांनी तिच्यावर सामूहिक बलात्कार केले होते. त्यानंतर आरोपी तिला सातत्याने ब्लॅकमेल करत असल्याने तणाव आणि नैराश्याच्या स्थितीत पीडितेने काल संध्याकाळी बैतुल येथे राहत्या घरी स्वतःवर रॉकेल टाकून पेटवून घेतले होते. 95 टक्के भाजलेल्या पीडितेला गंभीर अवस्थेत आज सकाळी नागपूरच्या शासकीय रुग्णालयात आणण्यात आले होते. मात्र, तिचा रुग्णालयात उपचारादरम्यान मृत्यू झाला आहे. उत्तरीय तपासणी केल्यानंतर तिचे मृतदेह करून आज दुपारी मध्यप्रदेशातील बैतुलला रवाना करण्यात आले आहे. पीडिता आठव्या वर्गात शिकत होती. एक महिन्यापूर्वी तिच्यासोबत सामूहिक बलात्काराची घटना घडली होती.

26/02/2020 21:35:37

माथाडी कामगारांच्या विविध मागण्यांसाठी पुकारण्यात आलेल्या एक दिवशीय लाक्षणीक बंदला संमिश्र प्रतिसाद मिळाला. वाशीतील भाजी मार्केट आणि पळ मार्केट सुरू असताना माथाडी कामगारांनी दादागिरी करून व्यापार बंद पाडण्याचा प्रयत्न केला. माथाडी नेते नरेंद्र पाटील आणि शशिकांत शिंदे यांच्यातील परपस्परविरोधी भूमिकेमुळे संपाला फटका बसल्याची चर्चा आहे.

26/02/2020 21:12:02

ठाकरे सरकारची भाजपवर पुन्हा कुरघोडी, भाजपचे मुख्य प्रवक्ता माधव भंडारी यांची पुनर्वसन प्राधिकरणावरची नियुक्ती शासनाने केली रद्द, फडणवीस सरकारमधल्या प्राधिकरण आणि महामंडळांवरच्या अनेक नियुक्त्या रद्द करण्याचं ठाकरे सरकारचं सत्र सुरूच, आज महाराष्ट्र राज्य पुनर्वसन प्राधिकरण तथा राज्य पुनर्वसन व पुनर्स्थापना संनियंत्रण समितीच्या उपाध्यक्ष पदावरून माधव भंडारी यांना हटवले

26/02/2020 17:30:56

चंद्रभागेच्या पात्रात सुरु असलेल्या बेकायदा वाळू उपशाचा अजून एक बळी गेला असून नांदेड जिल्ह्यातील विनोद गायकवाड या तरुण भाविकाचा स्नानाला गेला असता बुडुन दुर्दैवी मृत्यू झाला

26/02/2020 17:15:59

पुणे : शिवाजीराव भोसले सहकारी बँक अपहारप्रकरणी आमदार अनिल भोसले, सूर्याजी जाधव, तानाजी पडवळ, शैलेश भोसले यांना 6 मार्चपर्यंत पोलीस कोठडी

26/02/2020 16:58:27

विधानपरिषदमध्ये सर्व शाळांमध्ये मराठी भाषा अनिवार्य करण्याचे विधेयक मंजूर

26/02/2020 13:35:20

दिल्ली जळत असताना गृहमंत्री कुठे होते? असा प्रश्न सोनिया गांधींनी अमित शहांवर उपस्थित केला तसेचं त्यांच्या राजिनाम्याची मागणीह केली आहे. इंटेलिजन्स रिपोर्ट असतानाही काळजी का घेतली गेली नाही? असाही प्रश्न त्यांनी केला आहे.

26/02/2020 13:33:34

दिल्लीत सुरू असलेल्या हिंसाचाराच्या पार्श्वभूमीवर काँग्रेस अध्यक्षा सोनिया गांधींनी पत्रकार परिषद घेतली. त्यावेळी बोलताना, दिल्लीतली हिंसा हा केंद्राचा पूर्वनियोजित कट होता असा घणाघाती आरोप काँग्रेस अध्यक्ष सोनिया गांधी यांनी केला आहे. 72 तास केंद्रानं काहीच कारवाई न केल्यानं एवढे बळी गेले असही सोनिय गांधी म्हणाल्या आहेत.

26/02/2020 12:21:04

दिल्लीतला हिंसाचार रोखण्यासाठी लष्कराला पाचारण करण्यात यावं, अशी मागणी दिल्लीचे मुख्यमंत्री अरविंद केजरीवाल यांनी केली आहे. शिवाय ज्या भागत हिंसाचार झाला, तिथे कर्फ्यू लावण्याची मागणीही अरविंद केजरीवाल यांनी केली आहे.

26/02/2020 12:16:51

नाशकात सराफा व्यावसायिकांचं आंदोलन सुरू आहे. नाशिक आणि तेलंगणा पोलिसांच्या निषेधार्थ सराफा व्यावसायिक आंदोलन करताहेत. तेलंगणा पोलिसांनी सोने चोरीच्या घटनेच्या चौकशीदरम्यान काल व्यावसायिक विजय बिरारी यांचा मृत्यू झाला. शासकीय विश्रामगृहाच्या चौथ्या मजल्यावरुन पडून त्यांचा मृत्यू झाला. तरी, घातपात केल्याचा आरोप करत पोलिसांवर गुन्हा दाखल करण्याची मागणी सराफा व्यावसायिकांनी केली आहे.

26/02/2020 11:46:58

दिल्लीतील हिंसाचारातील मृतांचा आकडा वाढला, दिल्लीतील हिंसाचारात आतापर्यंत 20 जणांचा मृत्यू झाला. तरी, हिंसाचारग्रस्त भागात हिंसा घडवणाऱ्यांना शूट अॅट साईटचे आदेश दिल्ली पोलिसांना देण्यात आलेत.

26/02/2020 11:42:27

बालाकोट एअरस्ट्राईकला एक वर्ष पूर्ण झालं आहे. गेल्या वर्षी 14 फेब्रुवारीला पुलवामा इथं झालेल्या दहशतवादी हल्ल्यात भारताचे तब्बल 40 जवान शहीद झाले. त्यानंतर 26 फेब्रुवारीला भारतीय हवाई दलाने या 40 सैनिकांच्या मृत्यूचा बदला घेतला. भारताने हवाई हल्ल्याद्वारे पीओके, बालाकोट (Balakot), खैबर पख्तूनख्वा इथं जैशच्या दहशतवादी छावणीला लक्ष्य केले. इतकेच नाही तर भारतीय हवाई दलाने पाकिस्तानमध्ये प्रवेश करून त्यांना त्यांच्याच प्रांतात धूळ चारली. एअरफोर्सने बालाकोटमधील जैश-ए-मोहम्मद या दहशतवादी तळावर हल्ला करण्यासाठी 12 मिराज 2000 लढाऊ विमानांचा वापर केला. आज या घटनेला आज एक वर्ष पूर्ण झालं आहे. यानिमित्त हवाई दलप्रमुख आर.के.एस भदोरिया हे फायटर जेटमधून उड्डाण करणार आहेत.

26/02/2020 11:40:33

28 वर्षीय एम.डी. महिला डॉक्टराची आत्महत्या, कटकट गेट भागात राहत्या घरी केली आत्महत्या, डॉ.शादाब शिरीन मोहम्मद आरिफ असं आत्महत्या करणाऱ्या डॉक्टरचे नाव, शासकीय कर्करोग रुग्णालयात होत्या कार्यरत, खिडकीला गळफास घेऊन केली आत्महत्या, येत्या 13 मार्च रोजी होणार होते शादाब यांचे लग्न

26/02/2020 11:39:23

भाजपचे माजी आमदार नरेंद्र मेहतांवर झालेल्या शोषणाच्या आरोपांचे पडसाद आज विधिमंडळ अधिवेशनात उमटले. या प्रकरणी महिला नगरसेवकांनी केलेल्या आरोपांवर सरकार काय कारवाई करणार? असा सवाल आज महिला आमदारांनी उपस्थित केला आहे. त्यावर गृहमंत्री अनिल देशमुख यांनी रितसर तक्रारीनंतर प्रकरणाच्या सखोल चैकशीचं आश्वासन दिलं. मिरा-भाईंदरचे भाजपचे माजी आमदार नरेंद्र मेहता यांनी अनेक महिला नेत्यांचं शोषण केल्याचा आरोप नगरसेविका नीला सोन्स यांनी केला होता. दरम्यान नरेंद्र मेहता यांनी हे आरोप फेटाळून लावले आहेत.

26/02/2020 11:38:11

विधिमंडळाच्या सभागृहात भाजपचा 'सावरकर गौरव' प्रस्ताव जर नाकारला तर माझी जन्मठेप पुस्तकाचे वाचन करण्याची भाजपची रणनीती

26/02/2020 07:39:37

दिल्लीत होतं असलेल्या घडामोडीच्या पार्श्वभूमीवर मुंबईतील एशियाटिक लायब्ररी परिसरात सीएएला विरोध करणारे आंदोलक रात्री 11 वाजता एकत्र येणार होते. परंतु मुंबई पोलिसांनी मोठ्या प्रमाणात या परिसरात बंदोबस्त लावल्यामुळे आंदोलक एकत्र येऊ शकले नाहीत. सोमवारी दिवसभर व्हाट्सअॅपवर एशियाटिक लायब्ररी परिसरात दिल्लीत घडणाऱ्या घडामोडींचा निषेध करण्यासाठी एकत्र येण्याबाबतचा मेसेज व्हायरल करण्यात आला होता. रविवारी देखील आशाच प्रकारचा मेसेज गेट वे ऑफ इंडिया परिसरात एकत्र येण्याबाबतचा मेसेज व्हाट्सअॅपवर व्हायरल करण्यात आला होता. परंतु याठिकाणी पोलिसांनी कडक बंदोबस्त देत आंदोलकांचा हेतू हाणून पाडला होता. यानंतर हे सर्व आंदोलक मरीन लाईन्स परिसरात एकत्र आले होते.याठिकाणी जवळपास त्यांनी एक तास शांततेत ठिय्या आंदोलन केले होते. परंतु त्यानंतर पोलिसांनी जमाव बंदी आदेशाचं उल्लंघन होतं असल्याचं कारण देत या आंदोलकांना या ठिकाणावरून जाण्यास भाग पाडलं होतं.

26/02/2020 07:30:47

नागरिकत्व कायद्यावरुन राजधानी दिल्लीत हिंसाचाराचा उडालेला भडका कालही कायम राहिला. सोमवारपासून सुरू असलेल्या हिंसाचारात आतापर्यंत 13 जणांचा मृत्यू झाला आहे. काल मौजपूर भागात दगडफेक आणि जाळपोळीच्या घटना घडल्या. आंदोलकांनी 2 वाहनं पेटवून दिली. शिवाय कबीरनगर, जाफराबाद, ब्रम्हुपुरीतही दगडफेक सुरू केली. ईशान्य दिल्लीत पुढच्या महिनाभरासाठी संचारबंदी लागू करण्यात आली आहे. हिंसाचाग्रस्त भागातील शाळा, महाविद्यालये आज बंद राहणार आहेत. परीक्षाही पुढे ढकलण्यात आल्या आहेत.

26/02/2020 07:29:30

कोट्यवधींच्या बँक घोटाळ्याप्रकरणी राष्ट्रवादीचे विधानपरिषदेचे आमदार अनिल भोसले यांना अटक करण्यात आली आहे. शिवाजीराव भोसले सहकारी बँकेत 71 कोटींच्या घोटाळ्याप्रकरणी पुण्याच्या आर्थिक गुन्हे शाखेने ही कारवाई केली आहे. अनिल भोसलेंसह एकूण 4 जणांना काल रात्री उशिरा अटक करण्यात आली. नियमबाह्य आणि नातेवाईकांना कर्ज दिल्याने रिझर्व्ह बँकेनं बँकेचं संचालक मंडळ बरखास्त केलं होतं. जानेवारी महिन्यात बँक घोटाळ्याप्रकरणी 9 जणांवर गुन्हा दाखल झाला होता. अनिल भोसले राष्ट्रवादी कॉंग्रेसचे विधानपरिषदेचे आमदार आहेत. दरम्यान पुणे महापालिकेच्या निवडणुकीवेळी भोसले यांनी भाजपसोबत जवळीक साधली होती. अनिल भोसले यांच्या पत्नी रेश्मा भोसले या भाजपच्या नगरसेविका आहेत. त्यांच्यावरही या घोटाळ्याप्रकरणी गुन्हा दाखल झाला आहे.

26/02/2020 07:28:07

दिल्लीत हिंसाचार घडवणाऱ्यांना दिसता क्षणीच गोळ्या घालण्याचे आदेश दिल्ली पोलिसांना देण्यात आले आहेत. गेले 2 दिवस सीएए समर्थक आणि विरोधकांमध्ये हिंसाचार सुरू आहे. हिंसाचार रोखण्यासाठी दिल्ली पोलिसांनी ही कडक पावलं उचलली आहेत.