LIVE UPDATES | औरंगाबादचे दोन वाघ निघाले मुंबईला

देश विदेशातील महत्त्वाच्या घडामोडींचा आढावा एका क्लिकवर...

पार्श्वभूमी

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in महत्त्वाच्या हेडलाईन्सवर एक नजर...1. दिल्ली विधानसभेचा पहिला कल तासाभरात, पंतप्रधान मोदींसह, अमित शाहांची प्रतिष्ठा पणाला, केजरीवाल गड राखणार का याकडे देशाचं लक्ष2. राज्यसभेत आज समान नागरी कायदा विधेयक येण्याची शक्यता, भाजपकडून राज्यसभेच्या खासदारांना व्हीप जारी3. पुण्यात अॅसिड टाकण्याची धमकी देत शालेय विद्यार्थिनीवर लैंगिक अत्याचार, नाशकात कौटुंबिक छळाला कंटाळून महिलेचं पोलिसांसमोर आत्मदहन4. मुंबई 1993च्या बॉम्बस्फोटातील आरोपी मुनाफला अखेर बेड्या, पाकिस्तानी पासपोर्टवर मुंबईतून दुबईला जात असताना कारवाई5. जगभरात मृत्यूतांडव घालणाऱ्या कोरोनोचं अर्थव्यवस्थेवरही सावट, पोल्ट्री उद्योग अडचणीत, टूर कंपन्यांना मोठा फटका, द्राक्ष निर्यातही थांबली६. भारत विरुद्ध न्यूझीलंड आज तिसरा एकदिवसीय सामना, न्यूझीलंडला विजयाच्या हॅटट्रीकपासून रोखण्याचं भारताला आव्हानएबीपी माझा वेब टीम 

11/02/2020 23:48:53

औरंगाबाद महापालिकेच्या सिद्धार्थ उद्यानातील दोन वाघ मुंबईला निघाले आहेत. मुंबईच्या वीर माता जिजाबाई भोसले प्राणीसंग्रहालयात पाठविण्यात येणार आहेत. दोन वाघा च्या बदल्यात सिद्धार्थ उद्यानात चार चितळ स्पॉटेड डियर व चार पेंटेड स्टॉर्क पक्षी आणली आहेत. त्यामुळे लवकरच मुंबईकरांना औरंगाबादचे वाघ दिसणार आहेत. केंद्रीय प्राणिसंग्रहालय प्राधिकरणाने पालिकेच्या सिद्धार्थ उद्यान प्राणिसंग्रहालयात वाघ ठेवण्याची क्षमता ठरवून दिली आहे. प्राणिसंग्रहालयात नऊ वाघ ठेवण्यास मान्यता आहे. एप्रिल महिन्यात समृद्धी वाघिणीने चार बछड्यांना जन्म दिल्याने वाघांची संख्यात वाढ झाल्याने दोन वाघ मुंबईच्या जिजाबाई भोसले प्राणीसंग्रहालयात देण्यात आले आहेत.

11/02/2020 20:52:27

मुंबईतील कामाठीपुरा भागाचा क्लस्टर प्रकल्पामार्फत पुर्नविकास, भेंडीबाजार पुर्नविकास प्रकल्पाप्रमाणेच पिलाहाऊस, डंकन रोडचा विकास करणार, गृहनिर्माण खात्याचा म्हाडा अधिकाऱ्यांच्या उपस्थित मोठा निर्णय

11/02/2020 19:18:38

सोलापूरसाठी उजनी धरणातून भीमा नदीत विसर्गाला सुरुवात, नदीकाठच्या अनेक गावांनी सावधानतेचा इशारा

11/02/2020 20:00:00

सोलापूर-तुळजापूर रस्त्यावर तामलवाडी टोलनाक्याजवळ घरगुती गॅस टाक्या वाहून नेणाऱ्या तीन टँकरला मोठी आग, रस्त्यावरील वाहतूक पोलिसांनी बंद केली

11/02/2020 18:54:32

कल्याण-डोंबिवली महापालिकेत अखेर शिवसेना भाजपची युती अधिकृतरित्या तुटली, यापूर्वी अनधिकृत बांधकामाच्या मुद्द्यावरून शिवसेनेवर आरोप करत उपमहापौर उपेक्षा भोईर यांनी राजीनामा दिला होता, त्यानंतर आजच्या महासभेत भाजपच्या राहुल दामले यांची विरोधी पक्षनेते म्हणून निवड करण्यात आली, राज्यात शिवसेना भाजपचं बिनसल्यानंतर कल्याण डोंबिवलीतही दोन पक्षात वितुष्ट निर्माण झालं होतं

11/02/2020 18:52:50

वर्धा : जिल्हा परिषद शाळेतील शिक्षकाचा दोन विद्यार्थिनींवर लैंगिक अत्याचार, सिंदी पोलीस स्टेशनमध्ये गुन्हा दाखल, कलम 376 (अ, ब) पॉस्को कलम 6 अंतर्गत तर दुसऱ्या प्रकरणात कलम 354 (अ) आणि पॉस्को अंतर्गत गुन्हा दाखल

11/02/2020 08:55:38

नाशिक : कौटुंबिक वादातून स्वतःला पेटवून घेतलेल्या महिलेचा उपचार दरम्यान मृत्यू, नाशिकच्या जिल्हा रुग्णालयात सुरु होते उपचार, हरजितकौर संधू असं महिलेचे नाव, पंचवटी पोलीस ठाण्याच्याबाहेर सोमवारी सायंकाळी घडली होती घटना, मुलगी सासरी नांदत नाही आणि माहेरीही येत नसल्याच्या तणावातून उचलले होते टोकाचे पाऊल

11/02/2020 07:50:22

मुंबईतील 1993 च्या साखळी बॉम्बस्फोटांतील आरोपी मुनाफ हलारी याला गुजरातच्या दहशतवादविरोधी पथकाने म्हणजेच एटीएसने मुंबई विमानतळावरून रविवारी रात्री अटक केली. गुजरात एटीएसचे सहायक पोलीस आयुक्त के. के. पटेल यांच्या माहितीवरून ही कारवाई करण्यात आली आहे. गुजरात एटीएसच्या माहितीनुसार, पाकिस्तानातून गुजरात समुद्रामार्गे हेरॉईन तस्करी करणाऱ्या 5 जणांना 2 जानेवारीला गुजरात एटीएसने अटक केली. या आरोपींच्या चौकशीत मुनाफचे नाव समोर येताच गुजरात एटीएसने त्याचा शोध सुरू केला. परवा रात्री त्याला बेड्या ठोकल्या आहेत.

11/02/2020 07:39:04

मोदी सरकार आज समान नागरी विधेयक राज्यसभेत मांडण्याची शक्यता आहे. राज्यसभेतील भाजप खासदारांना काल व्हिप जारी करण्यात आला आहे. त्यात महत्वाचं विधेयक राज्यसभेत मांडलं जाणार असून त्यासाठी सर्व खासदारांनी चर्चेसाठी उपस्थित राहावं आणि ते मंजूर करण्यासाठी सहकार्य करण्याचं आवाहन करण्यात आलं आहे. त्यावरुन राज्यसभेत समान नागरी विधेयक मांडले जाण्याची शक्यता वर्तवण्यात येते आहे.

11/02/2020 07:32:25

दिल्ली कुणाची याचा फैसला आज होणार आहे. दिल्ली विधानसभा निवडणुकांचा निकाल आज जाहीर होणार आहे. तासाभरात मतमोजणीला सुरुवात होईल. दिल्ली विधानसभेच्या 70 जागांसाठी शनिवारी 61.46 टक्के मतदान झालं होतं. मतमोजणीसाठी 11 जिल्ह्यातल्या 21 ठिकाणी मतमोजणी केंद्रांची उभारणी करण्यात आली आहे. पंतप्रधान नरेंद्र मोदी, अमित शाह यांनी ही निवडणूक प्रतिष्ठेची केली होती. अनेक राज्यातल्या भाजप नेत्यांनी दिल्लीत प्रचार केला होता. केजरीवाल यांचा आम आदमी पक्ष आणि भारतीय जनता पक्षात मुख्य लढत होईल असं राजकीय जाणकारांचं मत आहे. दिल्ली विधानसभेत आम आदमी पक्षाला स्पष्ट बहुमत मिळण्याचा अंदाज अनेक एक्सिट पोलनी वर्तवला आहे. एबीपी न्यूज आणि सी व्होटरच्या सर्व्हेनुसार आम आदमी पक्षाला 51 ते 65, भाजपला 3 ते 17 तर काँग्रेसला ० ते 3 जागा मिळण्याची शक्यता आहे.