Todays breaking news 07th March 2020, marathi news, latest updates | LIVE UPDATES | पलंगावरून पडून चिमुकलीचा मृत्यू; दुःख सहन न झाल्याने आईची आत्महत्या

08/03/2020 23:02:31

भिवंडी : विदेशातून आणलेले मास्क धुवून विक्री प्रकरणात नारपोली पोलीस ठाण्यात गुन्हा दाखल, कलम 269 संसर्गजन्य रोग पसरविणे या कलमाअंतर्गत इमरान शेख नावाच्या व्यक्तीवर गुन्हा दाखल, उघड्यावर फेकून देण्यात आलेले सर्व मास्क एकत्र करून ते सर्व मास्क जैव वैद्यकीय पद्धतीने विल्हेवाट लावण्यासाठी पॉल्युशन बोर्डच्या ताब्यात, एबीपी माझाच्या बातमीचा इम्पॅक्ट

08/03/2020 23:17:19

घरात पलंगावरून पडुन पाच महिन्याच्या चिमुकलीचा डोळ्यादेखत मृत्यू झाल्याचे दुःख सहन न झालेल्या तीस वर्षीय आईने गळफास घेऊन आत्महत्या केली. ही घटना परभणीच्या पालम तालुक्यातील डिग्रस येथे घडली. या घटनेमुळे अख्ख्या गावावर शोककळा पसरली आहे. परभणीच्या पालम तालुक्यातील फरकंडा येथील दिलेल्या संगीता प्रल्हाद पोळ या आपल्या 5 महिन्याच्या मुलीसह मागच्या काही दिवसांपासून त्यांच्या माहेरी डिग्रस येथे राहत होत्या. त्यांची चिमुकली अदविका ही खेळत असताना थेट पलंगावरून खाली पडली आणि त्यातच तिचा दुर्दैवी मृत्यू झाला. या घटनेमुळे धक्का बसलेल्या संगीता पोळ यांनी घरी रात्री सगळे झोपल्यावर गळफास लावून स्वतःला ही संपवले. सकाळी संगीता यांचे वडील उठल्यानंतर त्यांना ही घटना कळली. दरम्यान या घटनेमुळे डिग्रस गावावर शोककळा पसरली असून पालम पोलिसात या घटनेबाबत आकस्मिक मृत्यूची नोंद करण्यात आलेली आहे.

08/03/2020 22:35:23

भिवंडी : विदेशातून आणलेले मास्क धुऊन विक्री करण्यात येणार असल्याचा व्हिडिओ समोर आल्यानंतर आता या प्रकरणांमध्ये नारपोली पोलीस ठाण्यात गुन्हा दाखलकरण्यात आला आहे. कलम 269 संसर्गजन्य रोग पसरविणे या कलमा अंतर्गत इमरान शेख नावाच्या व्यक्तीवर गुन्हा दाखल करण्यात आला आहे. तसेच उघड्यावर फेकून देण्यात आलेले सर्व मास्क एकत्र करून ते सर्व मास्क जैववैद्यकीय पद्धतीने विल्हेवाट लावण्यासाठी पॉल्युशन बोर्डच्या ताब्यात देण्यात आले आहे.

08/03/2020 21:56:36

नाशिक : आंघोळीसाठी गरम पाणी दिल्याने नवरा बायकोचे भांडण. भांडणाचा राग आल्याने मुलाची वडिलांना लाकडाने मारहाण. वडिलांची नाशिक येथे शासकीय रुग्णालयात उपचार सुरू असताना मृत्यू. शिवाजी जठार, असे मृत वडिलांचे नाव. येवला तालुक्यातील नागरसुल शिवारातील वाईबोथी येथील घटना.

08/03/2020 20:28:30

कोल्हापूर ब्रेकींग : उसाला लागलेली आग विझवण्यासाठी गेलेल्या शेतकऱ्याचा होरपळून मृत्यू. राधानगरी तालुक्यातील तुरंबे-कासारवाडा येथील घटना. बाळासो बलुगडे असं मृत शेतकऱ्याचे नाव आहे. आग विझवण्याचा प्रयत्न करताना आगीतच सापडले.

08/03/2020 20:34:57

राज्यातील विविध भागांमध्ये मागच्या काही दिवसांपासून वातावरणात कायम बदल दिसून येतोय. आजही दिवसभर कडक ऊन पडल्यानंतर परभणीत सायंकाळच्या वेळी पावसाच्या हलक्या सरी बरसल्या. त्यामुळे दिवसा गरम आणि रात्री थंड वातावरण अशी परिस्थिती निर्माण झाली आहे. दुसरीकडे मराठवाड्यामध्ये 10 व 11 मार्च रोजी तुरळक पाऊस पडण्याचा इशारा परभणीच्या वसंतराव नाईक मराठवाडा कृषी विद्यापीठाने दिला आहे. त्यामुळे ऐन गहू,हरभरा काढणीच्या वेळी हा पाऊस पडणार असल्याने शेतकऱ्यांची मोठी धांदल उडण्याची शक्यता.

08/03/2020 20:31:13

उसाला लागलेली आग विझवण्यासाठी गेलेल्या शेतकऱ्याचा होरपळून मृत्यू, राधानगरी तालुक्यातील तुरंबे-कासारवाडा येथील घटना, बाळासो बलुगडे असं मृत शेतकऱ्याचे नाव,

आग विझवण्याचा प्रयत्न करताना आगीतच सापडले

08/03/2020 20:00:40

नांदेड : अधिग्रहित जमिनीचा मावेजा मिळवून देण्यासाठी 1 लाख रुपयांची लाचेची मागणी करणारा खाजगी व्यक्तीविरोधात गुन्हा नोंद, पडताळणीत लाच मागत असल्याचे निष्पन्न झाल्याने किशोर शर्मा विरुद्ध गुन्हा दाखल( पैसे स्वीकारले नाहीत फक्त मागणी केली म्हणून गुन्हा )नांदेड एसीबीची कारवाई.

08/03/2020 20:31:04

उसाला लागलेली आग विझवण्यासाठी गेलेल्या शेतकऱ्याचा होरपळून मृत्यू, राधानगरी तालुक्यातील तुरंबे-कासारवाडा येथील घटना, बाळासो बलुगडे असं मृत शेतकऱ्याचे नाव,

आग विझवण्याचा प्रयत्न करताना आगीतच सापडले

08/03/2020 19:13:38

जालना येथे स्टील कंपनीमध्ये वितळलेले लोखंड अंगावर पडल्याने मयत झालेल्या कामगारांच्या कुटुंबियांना प्रत्येकी 11 लाखांची मदत कंपनी व्यवस्थापनाने जाहीर केली आहे. तसेच मृत कामगारांच्या वारसास कायमस्वरूपी नोकरी देण्याचे देखील आश्वासन देण्यात आलय. दुर्घटना झालेल्या ओम साई राम कंपनी व्यवस्थापनाने एक प्रसिद्धी पत्रकाद्वारे ही माहिती दिलीय. दोन दिवसापूर्वी झालेल्या या दुर्घटनेत आतापर्यंत 8 जणांचा बळी गेलाय, तर 3 जखमी कामगारांवर उपचार सुरू आहेत,

08/03/2020 18:57:42

अभिनेते सयाजी शिंदे यांनी रविवारी संध्याकाळी पुण्यातील कात्रजच्या टेकडीवर पेटलेला वनवा यशस्वीपणे विझवला. सयाजी शिंदे त्यांच्या मित्रांसह संध्याकाळी पुण्याहून सातारच्या दिशेने निघाले होते. तिथे त्यांना अजित पवारांसह एका कार्यक्रमात सहभागी व्हायचे होते. परंतु कात्रजच्या नवीन बोगद्याच्या वरती असलेल्या टेकडीवर मोठा वनवा पेटल्याच त्यांनी पाहिलं. वनवा समोरच्या टेकड्यांच्या दिशेने पुढं सरकत होता. त्यामुळे तो लगेच विझवनं गरजेचं होतं. सयाजी शिंदे आणि त्यांच्या सोबत असलेल्या सहकाऱ्यांनी वनवा वाझवण्याच धाडस केलं आणि त्यात त्यांना यश आलं. त्यामुळे दोन डोंगर वाचल्याच शिंदे यांनी म्हटलय.

08/03/2020 17:49:29

हिंगोली : मागील काही वर्षांपासून महिलांच्या आत्महत्याचे सत्र सुरूच आहे. काही केल्या महिलांच्या आत्महत्या थांबता थांबत नाहीयेत. आज जागतिक महिला दिन आणि महिला दिनाच्या दिवशीच हिंगोली मधल्या सेनगाव तालुक्यातील जयपूर येथे एका महिलेने गळफास घेऊन आत्महत्या केली आहे. उमा अंकुश लांभाडे(वय 32)वर्ष असं मयत महिलेचं नाव आहे. या महिलेने राहत्या घरामध्ये पंख्याला साडीच्या सहायाने गळफास घेऊन आत्महत्या केली आहे. आत्महत्येचे कारण मात्र अद्याप अस्पष्ट आहे. हे प्रकरण आता शेनगाव पोलिसात दाखल झाल आहे.

08/03/2020 16:58:58

नांदेड जिल्ह्यातील मुखेड आणि नायगाव तालुक्यात अचानक विजेच्या कडकडाटासह 10 मिनिटं जोरदार पावसाची हजेरी

08/03/2020 14:46:57

महाराष्ट्र नवनिर्माण सेनेचा उद्या चौदावा वर्धापन दिन आहे. त्या पार्श्वभूमीवर आज कृष्णकुंज या राज ठाकरेंच्या निवासस्थानी महत्वाची बैठक बोलावण्यात आली होती. या बैठकीमध्ये राज ठाकरे यांनी उद्या होणार्‍या वर्धापन दिना बरोबरच शॅडो कॅबिनेट संदर्भात काही महत्वाच्या सूचना या वेळी दिल्या आहेत. यंदा पहिल्यांदाच महाराष्ट्र नवनिर्माण सेनेचा वर्धापन दिन मुंबईबाहेर म्हणजेच नवी मुंबई इथं पार पडत आहे. यासंदर्भात देखिल चर्चा करण्यात आली. या बैठकीला नितीन सरदेसाई, बाळा नांदगावकर , अमेय खोपकर, संदीप देशपांडे यांच्यासह महत्त्वाचे पदाधिकारी आणि काही निवडक कार्यकर्ते या बैठकीसाठी उपस्थित होते.

08/03/2020 14:23:46

नाशिकच्या जिल्हा शासकीय रुग्णालयात पुन्हा एक कोरोना संशयित रुग्ण दाखल, न्यूझीलंडहून 29 तारखेला भारतात परतला होता, मूळचा नवी मुंबईच्या वाशीतील रहिवासी, सर्दी आणि घसा दुःखीचा त्रास जाणवत असल्याने रुग्णलायत केले दाखल

08/03/2020 13:35:51

मुंबई : मिलिंद एकबोटे राज ठाकरे यांच्या भेटीला, छत्रपती संभाजी महाराज यांच्या पुण्यतिथीनिमित्त 24 मार्चला होणाऱ्या कार्यक्रमाचं दिलं निमंत्रण, धर्मवीर संभाजी महाराज स्मृती समितीतर्फे निमंत्रण

08/03/2020 12:19:53

केरळमध्ये कोरोनाचे आणखी पाच रुग्ण आढळले, भारतातील कोरोनाग्रस्तांचा आकडा 39 वर, बाधित पाच जणांमध्ये एका मुलाचाही समावेश

08/03/2020 12:01:27

भारत विरुद्ध ऑस्ट्रेलिया महिला टी-20 विश्वचषक फायनल, ऑस्ट्रेलियाचा नाणेफेक जिंकून फलंदाजीचा निर्णय

08/03/2020 10:25:26

मनसेचा उद्या वर्धापन दिन, उद्याच्या नवी मुंबईतील कार्यक्रमात मनसेकडून शॅडो कॅबिनेटची घोषणा होण्याची शक्यता, मनसे अध्यक्ष राज ठाकरे करणार कार्यकर्त्यांना संबोधित

08/03/2020 10:27:42

तारापूर औद्योगिक वसाहतीमध्ये असलेल्या सामुदायिक सांडपाणी प्रक्रिया केंद्राला बंद करण्याचे आदेश महाराष्ट्र प्रदूषण नियंत्रण मंडळाने दिले आहेत. सांडपाण्यावर अपेक्षित प्रक्रिया होत नसल्याने २५ दशलक्ष लीटर प्रतिदिन क्षमतेचा हा प्रकल्प बंद करण्याचा निर्णय घेण्यात आला.

08/03/2020 08:27:10

कोल्हापूर : शाहूवाडी तालुक्यातील उखळू-अंबाईवाडा येथे विनापरवाना गौण खनिज उत्खनन सुरू असताना महसूल विभागाची धाड, जेसीबी, पोकलॅन आणि नऊ डंपर अशी सुमारे दीड कोटी रुपयांची वाहने जप्त, शाहूवाडीचे तहसीलदार गुरू बिराजदार यांच्या नेतृत्वाखाली फरारी पथकाची कारवाई

08/03/2020 06:59:12

विरारमध्ये महिला पोलीस अधिकाऱ्यावर गोळीबार, स्थानिक गुन्हे अन्वेषन विभागाच्या नालासोपारा युनिटच्या सहाय्यक पोलीस निरीक्षक सिद्धवा जायभाये यांच्या गाडीवर गोळीबार, आरोपी फरार

08/03/2020 07:01:24

येस बँक गैरव्यवहार प्रकरणी अखेर राणा कपूर यांना अटक, ईडीकडून 31 तास चौकशी