LIVE UPDATES | सारथी संस्थेच्या कामकाजाच्या चौकशीसाठी स्थापन करण्यात आलेल्या समितीच्या अहवालात ताशेरे

देश विदेशातील महत्त्वाच्या घडामोडींचा आढावा एका क्लिकवर

पार्श्वभूमी

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.inमहत्त्वाच्या हेडलाईन्सवर एक नजर... 1. पंतप्रधान नरेंद्र मोदींकडून सोशल मीडिया सोडण्याचे संकेत, ट्विटर नको, द्वेष सोडा, राहुल गांधींचा सल्ला, रविवारी काय घोषणा करणार याकडे देशाचं लक्ष 2. मराठा आरक्षण मंत्रिमंडळ उपसमितीतून अशोक चव्हाणांना हटवा, मराठा आंदोलकांची संभाजीराजेंकडे मागणी, मुस्लिम आरक्षणाला खुल्या वर्गाचा विरोध 3. 15 मार्चपासून कांदा निर्यातीला परवानगी, केंद्रीय वाणिज्यमंत्री पियुष गोयल यांचं ट्विट, कांदा उत्पादक शेतकऱ्यांना दिलासा 4. महाराष्ट्राचा शेजारी तेलंगणासह दिल्ली आणि राजस्थानमध्येही कोरोनाचे रुग्ण, जीवघेण्या आजाराचा प्रादुर्भाव रोखण्याचं सरकारसमोर आव्हान 5. दिल्लीची निर्भया पुन्हा न्यायाच्या प्रतीक्षेत, पटियाला हाऊस कोर्टाच्या निर्णयानं नराधमांची फाशी पुन्हा लांबणीवर 6. आजपासून 10वीच्या बोर्डाची परीक्षा, अर्धा तास आधी परीक्षा केंद्रावर पोहोचणं आवश्यक, गैर प्रकार टाळण्यासाठी 273 भरारी पथकांची नेमणूक एबीपी माझा वेब टीम

03/03/2020 23:30:08

वर्धा : कर्जमुक्त शेतकऱ्यांचे आधार प्रमाणीकरण करण्यासाठी पैशांची मागणी, शेतकऱ्याकडून 100 रुपयाची मागणी करण्याचा व्हिडीओ व्हायरल, प्रशासनाकडेही पोहोचला व्हायरल व्हिडीओ, प्रकरणाची चौकशी सुरू, अल्लीपूर येथील आपले सरकार केंद्र येथील प्रकार

03/03/2020 23:06:23

बलात्काराच्या आरोपामुळे वादाच्या भावेर्‍यात अडकलेले माजी आमदार नरेंद्र मेहता यांनी आता मुंबई उच्च न्यायालयात धाव घेतली आहे. आपल्या विरोधातीव बलात्काराचा गुन्हा रद्द करा अशी विनंती करत त्यांनी ही याचिका दाखल केली असून येत्या 9 मार्चला त्यावर सुनावणी होण्याची शक्यता आहे. मीराभाईंदरमधून भाजपचे माजी आमदार नरेंद्र मेहता यांनी पक्ष सदस्यत्वाचा राजीनामा दिल्यानंतर त्यांच्यावर गेली अनेक वर्ष लैंगिक अत्याचार केल्याचा आरोप भाजपच्याच एका नगरसेविकेने केला आहे.

03/03/2020 22:31:12

धामणगाव रेल्वे अल्पवयीन मुलीची हत्या प्रकरण, दत्तापूरचे ठाणेदार राजेंद्र सोनोने यांना अखेर अटक
-
अमरावती जिल्ह्यातील धामणगाव रेल्वे सहा जानेवारीला अल्पवयीन विद्यार्थिनीच्या हत्येप्रकरणी मुलीच्या आईवडिलांनी थेट ठाणेदाराविरुद्ध पोलिस अधीक्षकांकडे तक्रार केली होती. या प्रकरणी आई वडिलांनी दिलेल्या तक्रारीची गंभीर दखल घेत चौकशी केली असता यामध्ये ठाणेदार दोषी आढळल्याने त्याच्या विरोधात गुन्हा दाखल.

03/03/2020 19:00:15

नाशिक जिल्हा रुग्णालयात उपचार घेणाऱ्या कोरोना संशयित रुग्णाचा अहवाल निगेटीव्ह, पुणे येथील प्रयोगशाळेचा अहवाल, घसा खवखवणे खोकला येणे ही लक्षण दिसू लागल्याने सोमवारी सायंकाळी केले होते जिल्ह्यातील रुग्णालयात दाखल, इराणहून परतल्याने खबरदारी म्हणून सुरू होते उपचार, यंत्रणांनी सोडला सुटकेचा निःश्वास

03/03/2020 21:03:06

दहावीचा पेपर फुटला नाही, शालेय शिक्षण मंत्री प्रा. वर्षा गायकवाड यांचे स्पष्टीकरण

03/03/2020 20:57:48

नागपूरच्या मानकापूर पोलीस स्टेशन अंतर्गत राज पॅलेस इमारतीच्या चौथ्या माळ्यावरून उडी घेत एका 24 वर्षीय तरुणीची आत्महत्या, अंकिता माकोडे असं या तरुणीचं नाव

03/03/2020 18:02:33

विधानसभेत विरोधकांचा सभात्याग, 'शेतकऱ्यांबाबत ठोस उत्तर नाही, शेतकऱ्यांच्या तोंडाला पाने पुसली' असा आरोप करत सभात्याग

03/03/2020 18:57:34

विधानसभा उपाध्यक्षपदासाठी राष्ट्रवादीचे आमदार नरहरी झिरवाळ यांचं नाव निश्चित झाल्याची माहिती, झिरवाळ नाशिक जिल्ह्यातील दिंडोरी मतदारसंघातून आमदार, उपाध्यक्षपदी येणार आदिवासी आमदार, मंत्रीपदासाठीही झिरवाळ यांच्या नावाची होती चर्चा, महाविकास आघाडीत विधानसभा अध्यक्षपद काँग्रेसकडे तर उपाध्यक्षपद राष्ट्रवादीच्या वाट्याला, मागील भाजप सरकारने उपाध्यक्षपद शिवसेनेला न देता रिक्त ठेवलं होतं

03/03/2020 23:05:50

पंजाब नॅशनल बँकेच्या हजारो कोटी रुपयांच्या गैरव्यवहारामधील प्रमुख फरार आरोपी नीरव मोदीच्या दुर्मिळ महागड्या पेटिंग्जच्या लिलावाविरोधात त्याच्या मुलाने मुंबई उच्च न्यायालयात याचिका दाखल केली आहे. बुधवारी याचिकेवर सुनावणी होण्याची शक्‍यता आहे.

03/03/2020 18:34:44

हिंगोली : हिंगोलीत वाळू माफियांविरुद्ध स्थानिक गुन्हे शाखेची कार्यवाही, पाच ट्रॅक्टर सह, एकूण 31 लाखांचा मुद्देमाल जप्त

03/03/2020 12:32:16

देवेंद्र फडणवीस यांना सुप्रीम कोर्टाता धक्का, निवडणूक शपथपत्रातील दोन गुन्हे लपवल्याप्रकरणीची पुनर्विचार याचिका फेटाळली

03/03/2020 16:29:05

बीड : आठवीत शिकणाऱ्या मुलीवर सामूहिक बलात्कार, एक महिन्यांपासून मुलगी होती बेपत्ता, जालना जिल्ह्यातील शाहगडमध्ये सापडली मुलगी, तीन आरोपींना अटक, पेठबीड पोलिसांत गुन्हा दाखल

03/03/2020 17:42:50

सारथी संस्थेच्या कामकाजाची चौकशी करण्यासाठी स्थापन करण्यात आलेल्या पहिल्या समितीच्या अहवालात ताशेरे. किशोर राजे निंबाळकर आपत्ती व्यवस्थापन विभागाच्या सचिवांच्या चौकशी समितीमध्ये सारथी समितीच्या कामकाजामध्ये अनियमितता आढळून आल्या.

03/03/2020 12:13:01

LIVE : सीप्झ भागातील प्रकल्पग्रस्त महिला राज ठाकरेंना भेटीला, आरएनए बिल्डर आणि सीप्झमधील कंपन्यांमधील कॉन्फ्लिक्टसंदर्भात कंपन्यांमध्ये काम कऱणाऱ्या महिला राज ठाकरेंच्या भेटीला

03/03/2020 12:06:02

दिल्ली हिंसाचारापूर्वीचा उमर खालिदचा व्हिडीओ व्हायरल, अमरावतीमध्ये वादग्रस्त वक्तव्य, व्हिडीओ तपासून कारवाई करण्याचं पोलिसांचं आश्वासन

03/03/2020 10:47:18

सारथी गैरव्यवहार प्रकरणाचा कुंटे समितीचा अहवाल १० दिवसांत येणार, दोषींवर तातडीनं कारवाई करणार, विजय वडेट्टीवारांची विधानपरिषदेत माहिती

03/03/2020 09:17:29

राष्ट्रवादीच्या आमदार विद्या चव्हाणांविरोधात सुनेचा छळ केल्याचा आरोप, घरगुती हिंसाचार प्रकरणी विलेपार्ले पोलीस स्थानकात गुन्हा दाखल, विद्या चव्हाणांनी आरोप फेटाळले

03/03/2020 09:15:12

नागपूर : मद्यपी नातवाने केला आजीचा खून, नागपुरातील गिट्टीखदान पोलीस स्टेशनअंतर्गत मानवता नगरमधील काल मध्यरात्री नंतरची घटना, 20 वर्षीय नातू पोलिसांच्या ताब्यात

03/03/2020 09:10:42

मुंबईतल्या सरकारी रुग्णालयात 19 दिवसांपासून औषध पुरवठा बंद, थकबाकी राहिल्यानं औषध कंपन्यांचा निर्णय, रुग्णांचे हाल होण्याची भीती

03/03/2020 07:42:20

पंतप्रधान मोदींच्या ट्विटनंतर अमृता फडणवीस यांनीदेखील ट्वीट करुन सोशल मीडिया सोडण्याचे संकेत दिले आहेत. नरेंद्र मोदींचा आदर्श डोळ्यासमोर ठेवून निर्णय घेणार असल्याचे संकेत अमृता फडणवीस यांनी दिले आहेत. एखाद्या छोट्याशा निर्णयानं आपलं जीवन कायमचं बदलू शकतं असंही त्या म्हणाल्या आहेत.

03/03/2020 07:39:28

पंतप्रधान नरेंद्र मोदी सोशल मीडियाला रामराम ठोकणार असल्याचं दिसत आहे. तसं ट्वीट नरेंद्र मोदी यांनी केलं आहे. येत्या रविवारी फेसबुक, ट्विटर, इन्स्टाग्राम आणि यूट्यूब सारखे सोशल मीडियावरचे अकाऊटंस बंद करण्याचा विचार करतोय, असं मोदी यांनी ट्वीट केलं आहे. लवकरच तुम्हाला यासंदर्भात कळवेन असं ट्वीट पंतप्रधान नरेंद्र मोदी यांनी केलं आहे. दरम्यान मोदींच्या ट्विटला काँग्रेस नेते राहुल गांधी यांनी ट्विट करुन उत्तर दिलं आहे. पंतप्रधान मोदीजी द्वेष सोडा, सोशल मीडिया नको, असा सल्ला राहुल गांधी यांनी मोदी यांना दिला आहे. पंतप्रधान मोदींच्या मनात द्वेष आहे, अशी टीका अनेक वेळा राहुल गांधी यांनी केली आहे.

03/03/2020 07:32:29

राज्यभरातल्या दहावीच्या विद्यार्थ्यांना शुभेच्छा...!!! कारण आजपासून दहावीची बोर्डाची परीक्षा सुरू होत आहे. यावर्षी दहावीच्या परीक्षेला 17 लाख 65 हजार 898 विद्यार्थी बसले आबेत. यामध्ये 9 लाख 75 हजार 894 विद्यार्थी आहेत, तर 7 लाख 89 हजार 894 विद्यार्थिनी आहेत. परीक्षा सुरू होण्यापूर्वी विद्यार्थ्यांनी परिक्षा केंद्रात किमान अर्धा तास आधी उपस्थित राहणं आवश्यक असल्याचं बोर्डाच्या अध्यक्षा शकुंतला काळे यांनी सांगितलं आहे. परीक्षा काळातल्या गैरप्रकारांना आळा बसावा यासाठी राज्यात 273 भरारी पथकांची नेमणूक करण्यात आली आहे.