Todays breaking news 02nd March 2020, marathi news, live updates | LIVE UPDATES | नोटाबंदीनंतर राज्यात 317 कारखान्यांना टाळे ; तर 14, 787 कामगारांना फटका

02/03/2020 23:31:53

चौथ्या अखिल भारतीय प्रगणनेनुसार राज्यात 2017-18 या कालावधीत 317 कारखाने बंद झाले असून यामुळे 14 हजार 787 कामगार बाधित झाल्याची माहिती उद्योग मंत्री सुभाष देसाई यांनी आज विधानपरिषदेत एक तारांकित प्रश्नाच्या लेखी उत्तरात दिली. राज्यातील कारखाने बंद पडल्यामुळे लाखो कामगार बेरोजगार झाल्याबाबत काँग्रेसचे अनंत गाडगीळ यांनी प्रश्न उपस्थित केला होता. 2017-18 या कालावधीत 50 पेक्षा अधिक कामगार असलेल्या 12 आस्थापनांमध्ये कामगारांनी संप केला. त्यापैकी 10 संपामध्ये तडजोड घडवून आणण्यात संबंधित यंत्रणेला यश आलं अशी माहिती उद्योगमंत्र्यांनी दिली आहे. राज्यात उद्योगांना प्रोत्साहन मिळण्याच्या दृष्टीनं बंद पडलेल्या औद्योगिक उपक्रमांच्या जमिनी मुक्त करण्याचं सरकारचं धोरण आहे, असं देसाई यांनी म्हटलं आहे.

02/03/2020 21:16:26

सोशल मीडिया सोडण्याबद्दलचं ट्वीट पंतप्रधान नरेंद्र मोदी यांनी आपल्या अधिकृत ट्विटर हॅंडलवरून केलं आहे.

02/03/2020 21:17:41

02/03/2020 21:04:43

बीडच्या निवडणूक विभागातील भ्रष्टाचाराची चौकशी साठी पुन्हा एक चौकशी समिती गठीत करण्यात आली आहे. पहिल्या समितीने अहवाल सादर केल्यानंतरही चार तक्रारी आल्या आहे. 17 मार्च पर्यंत ही समिती चौकशी करून अहवाल सादर करणार आहे. निवडणुकीत नऊ कोटीचा मंडप तर साठ लाख रुपयाच्या फाइल्सचे हे प्रकरण आहे. पहिल्या समितीतील सदस्यांत अंशतः बदल करून पुन्हा चौकशीचा घाट घालण्यात आला आहे.

02/03/2020 20:04:38

भिवंडी शहरातील कल्याण रोड वरील रावजीनगर परिसरात सुप्रसिद्ध नगीना सुकून आयुर्वेदिक तेलच्या कंपनीला रात्री तीनच्या सुमारास भीषण आग लागल्याची घटना घडली आहे. कंपनीत मोठ्या प्रमाणावर तेलाचे डबे असून आगीचा मोठा भडका उडाला आहे तसेच स्फोट देखिल पाहायला मिळत आहे. मात्र अचानक लागलेल्या या आगीमुळे परिसरात एकच खळबळ उडाली आहे . परंतु आगीचे कारण अद्याप कळालेल नाही. कंपनी रहिवासी परिसरात असल्याने कंपनी शेजारी असलेल्या चार मंजली इमारतीलाही आग लागल्याने इमारतीमधील 72 कुटुंबातील जवळपास 400 सदस्यांना सुरक्षित ठिकाणी हलवण्यात आलं आहे. घटनास्थळी शांतीनगर पोलीस दाखल झाली आहे तसेच या आगीवर नियंत्रण मिळवण्यासाठी अग्निशमन दलाच्या तीन गाड्या घटनास्थळी दाखल झाल्या असून आगीवर नियंत्रण मिळवण्यासाठी अग्निशमन दलाच्या जवानांनी शर्थीचे प्रयन्त सुरू केले आहे. आगीवर फोमचा मारा देखील जवानांकडून केला जात आहे. तब्बल दोन तासांच्या प्रयत्नांनी या आगीवर नियंत्रण मिळवण्यास अग्निशमन दलाच्या जवानांना यश आलं आहे.

02/03/2020 20:01:53

भिवंडी महानगरपालिका शिक्षण मंडळ संचालित प्राथमिक शाळांमधून तब्बल 26 हजार विद्यार्थी शिक्षण घेत असून त्यांना शिकविण्याची जबाबदारी सुमारे 850 शिक्षक पार पाडत आहेत परंतु या सर्व विभागावर नियंत्रण ठेवण्यासाठी वर्ग 2 स्तरावरील प्रशासनाधिकारी नसल्याने महापालिकेतील इतर विभागांची जबाबदारी सांभाळणारे सहाय्यक आयुकर सुभाष झळके यांच्याकडे आयुक्तांनी नियंत्रण अधिकारी व प्रभारी प्रशासनाधिकारी म्हणून जबाबदारी देऊन शिक्षण विभागाच्या खेळखंडोबा केला असल्याचा आरोप करीत या विरोधात तक्रार देऊनही कार्यवाही न केल्याने महाराष्ट्र नवनिर्माण विद्यार्थी सेनेच्या वतीने आयुक्त प्रवीण आष्टीकर यांच्या अनुपस्थित उपायुक्त दीपक कुरळेकर यांचा सत्कार करीत प्रशासनाच्या अकार्यक्षमतेचा सन्मान केला आहे .
महाराष्ट्र नवनिर्माण विद्यार्थी सेना ठाणे ग्रामीण जिल्हाध्यक्ष संतोष साळवी यांच्या नेतृत्वाखाली महानगरपालिका मुख्यालयावर मोर्चा काढून हे अभिनव आंदोलन केले आहे .

महानगरपालिका शिक्षण मंडळात मागील तीन वर्षांपासून प्रशासनाधिकारी हे पद रिक्त असल्याने शिक्षण विभागावर कोणाचेही नियंत्रण राहिले नसल्याने विद्यार्थ्यांच्या शिक्षणाची हेळसांड होत आहे .त्यामुळे या विभागासाठी तात्काळ वर्ग 2 दर्जाचा अधिकारी नेमणूक करण्यात यावी , तत्कालीन शिक्षण विभागाची जबाबदारी संभासळणारे उपायुक्त पंढरीनाथ वेखंडे यांनी बेकायदेशीर प्रभारी प्रशासनाधिकारी पदाचा पदभार दिलेले मुख्याध्यापक विजय शिरसाठ यांनी अधिकार नसताना बेकायदेशीर पणे शालेय पोषण आहार निविदा प्रक्रिया राबविली त्या दोघांवर कायदेशीर कारवाई व्हावी , मनपा शाळा इमारतींचे स्ट्रक्चरल ऑडिट व सीसीटीव्ही तसेच फायरफायटिंग ची सुविधा करून घ्यावे व शाळेला मराठीतच नाव द्यावी अशा मागण्या या निवेदनाच्या माध्यमातून करीत त्यावर तात्काळ कार्यवाही व्हावी अशी मागणी शिष्टमंडळाने केली आहे .

02/03/2020 19:59:15

पाच दिवसांचा आठवडा झाल्याने सरकारी कर्मचाऱ्यात आनंदाचे वातावरण आहे .मात्र सरकारी कर्मचाऱ्यांनी दुपारी एक ते दोन या वेळात अर्धा तासाची जेवणाची सुट्टी घ्यावी असे सरकारचेच आदेश असतांना जेवणाच्या सुट्टीचा एक तास उलटून देखील बऱ्याच विभागात कर्मचारी नसल्याचं धुळे महानगर पालिकेच्या आयुक्तांनी सोमवारी दुपारी दोन ते अडीच वाजेच्या दरम्यान अचानक केलेल्या पाहणीत आढळून आलं आहे. सध्या घरपट्टी भरणा करण्यासाठी नागरिक मालमत्ता विभागात चकरा मारत आहेत .मात्र या मालमत्ता विभागातच कोणी 'वाली' च नसल्याचं आयुक्तांच्या पाहणीत निदर्शनास आलं. वसुलीच्या नावाखाली गेलेल्या कर्मचाऱ्यांच्या कामाचा रिपोर्ट सादर करण्याचे तसेच पाहणी दरम्यान गैरहजर आढलेल्या कर्मचाऱ्यांवर तात्काळ कारवाई करण्याचे आदेश आयुक्त अजीज शेख यांनी दिले आहेत. आयुक्तांनी अचानक केलेल्या पाहणीमुळे महापालिकेतील कामचुकार कर्मचाऱ्यांचे धाबे दणाणले आहे. दरम्यान धुळे महानगरपालिकेच्या कामकाजाची वेळ, जेवणाच्या सुट्टीची वेळ या संदर्भातील फलकच महापालिकेत लावण्याचे निर्देश आयुक्त अजीज शेख यांनी दिले आहेत. त्याचप्रमाणे महापालिकेच्या नव्या आणि जुन्या इमारतीत दोन सहाय्यक आयुक्त यांची निगराणी असेल, असेही आयुक्त अजीज शेख यांनी सांगितले.

02/03/2020 18:44:37

24 हजार 719 कोटी रुपयांच्या पुरवणी मागण्या आज विधानपरिषदेत मंजूर करण्यात आल्या. आगामी अर्थसंकल्पात समाजातल्या विविध घटकांना न्याय देण्यासाठी आवश्यक ती तरतूद केली जाईल असं उपमुख्यमंत्री आणि अर्थमंत्री अजित पवार यांनी या पुरवणी मागण्यांच्या चर्चेला उत्तर देताना सांगितलं. जागतिक मंदी आहे, करोनाचं संकट आहे , जीएसटीची भरपाई वेळेत मिळत नाही या पार्श्वभूमीवर , राज्याचा अर्थसंकल्प मांडला जाणार आहे मात्र सगळ्या विभागाला आवश्यक निधी उपलब्ध करून देण्याचा आमचा प्रयत्न असेल असं ते म्हणाले. राष्ट्रीयकृत आणि जिल्हा मध्यवर्ती बँकांना या कर्जमाफी योजनेमुळे मदत झाली आहे , पीक कर्ज देताना राजकारण आणण्याचा कोणी प्रयत्न केला तर कारवाई केली जाईल असा इशारा अजित पवार यांनी यावेळी दिला. या वर्षभराच्या काळात विधानसभा निवडणूक आचारसंहिता राष्ट्रपती राजवट त्यामुळे अनेक गोष्टी मंजूर करून घेता आल्या नाहीत म्हणून पुरवणी मागण्यांचा आकडा वाढला असं त्यांनी यावेळी सांगितलं.

02/03/2020 18:01:22

सोलापूरचे खासदार जय सिद्धेश्वर स्वामींच्या जात प्रमाणपत्र प्रकरणी नायब तहसीलदारांकडून तक्रार दाखल, सोलापूर न्यायालयातील जबाब पूर्ण, मुंबई हायकोर्टाकडून दिलासा मिळाल्याचा दावा

02/03/2020 19:28:03

गुजरात सीमेवरील सोनगड शहराजवळ पोखरण गावात गुजरात परिवहन विभागाची बस, क्लोजर टँकर ट्रिपल अपघातात 9 प्रवाशांचा मृत्यू तर 24 प्रवासी जखमी झाल्याची घटना घडली आहे. नागपूर सुरत महामार्गावरील गुजरात राज्याच्या हद्दीत सोनगड नजीक टँकर चुकीच्या साईडने आल्याने कुशलगठ-सुरत-उकई बसची धडक झाली. या दरम्यान मागून भरधाव वेगाने येणारी प्रवाशी क्रुझर बसला मागून जोरदार धडक यात गुजरात परिवहन विभागाची एका बाजूने बस अर्ध्यापर्यंत कापली गेल्याने अपघात झाला. घटनास्थळी सात प्रवाशांचा मृत्यू झाला तर उपचार दरम्यान दोन प्रवाशांना मृत्यू झाला मृत्यूचा आकडा नऊ वर गेला आकडा वाढण्याची शक्यता वर्तवण्यात येत आहे. अपघातामुळे नागपूर सुरत महामार्ग घटनास्थळी रक्तरंजित झाल्याचे दिसून आले अपघात होतात आजूबाजूच्या लोकांनी तात्काळ घटनास्थळी जाऊन प्रवाशांना बसमधून बाहेर काढण्यात आले. व्यारा सोनगड सरकारी रुग्णालयात उपचारासाठी दाखल करण्यात आले. महामार्गावर काही काळ वाहतूक ठप्प होते. गुजरात राज्यातील व्यारा व सोनगड सरकारी रुग्णालयात मृत प्रवासी व जखमी प्रवासी यांच्या नातेवाईकांची मोठी गर्दी झाली.

02/03/2020 16:14:39

गुजरात सीमेवरील सोनगड शहराजवळ पोखरण गावात गुजरात परिवहन विभागाची बस, क्लोजर टँकर ट्रिपल अपघातात 9 प्रवाशांचा मृत्यू तर 24 प्रवासी जखमी झाल्याची घटना घडली आहे. नागपूर सुरत महामार्गावरील गुजरात राज्याच्या हद्दीत सोनगड नजीक टँकर चुकीच्या साईडने आल्याने कुशलगठ-सुरत-उकई बसची धडक झाली. या दरम्यान मागून भरधाव वेगाने येणारी प्रवाशी क्रुझर बसला मागून जोरदार धडक यात गुजरात परिवहन विभागाची एका बाजूने बस अर्ध्यापर्यंत कापली गेल्याने अपघात झाला. घटनास्थळी सात प्रवाशांचा मृत्यू झाला तर उपचार दरम्यान दोन प्रवाशांना मृत्यू झाला मृत्यूचा आकडा नऊ वर गेला आकडा वाढण्याची शक्यता वर्तवण्यात येत आहे. अपघातामुळे नागपूर सुरत महामार्ग घटनास्थळी रक्तरंजित झाल्याचे दिसून आले अपघात होतात आजूबाजूच्या लोकांनी तात्काळ घटनास्थळी जाऊन प्रवाशांना बसमधून बाहेर काढण्यात आले. व्यारा सोनगड सरकारी रुग्णालयात उपचारासाठी दाखल करण्यात आले. महामार्गावर काही काळ वाहतूक ठप्प होते. गुजरात राज्यातील व्यारा व सोनगड सरकारी रुग्णालयात मृत प्रवासी व जखमी प्रवासी यांच्या नातेवाईकांची मोठी गर्दी झाली.

02/03/2020 16:13:34

ठाकरे सरकारचा फडणवीसांना आणखी एक धक्का, राज्य कृषी आयोगाचे अध्यक्ष आणि सदस्यांची नियुक्ती रद्द, अध्यक्ष पाशा पटेल आणि आठ सदस्यांच्या नियुक्त्या आजपासून रद्द

02/03/2020 14:48:35

कोरोनाचे दोन पॉजिटिव्ह रुग्ण! पहिला रुग्ण दिल्लीमध्ये तर दुसरा तेलंगणात, दोघांवरही उपचार सुरु

02/03/2020 13:52:05

खासदार छत्रपती संभाजीराजे मराठा आंदोलकांच्या भेटीला, आंदोलकांच्या शिष्टमंडळाची लवकरच मुख्यमंत्र्यांसोबत बैठक लावणार, सभांजीराजेंचं आंदोलकांना आश्वासन, गेल्या 36 दिवसांपासून सुरु आहे मराठा तरुणांचं आंदोलन

02/03/2020 14:26:13

पीएसआय भरतीसाठी वंजारी युवक संघटनेचे MPSC कार्यलयात आंदोलन, अधिकाऱ्याला काळे फासण्याचा प्रयत्न.

02/03/2020 13:11:43

विधी मंडळातील कामकाजवरून अध्यक्ष नाना पटोले भडकले; मुख्य सचिवांना सभागृहात येऊन माफी मागण्याचे निर्देश

02/03/2020 13:47:31

नवी मुंबई : मुंबई कृषी उत्पन्न बाजार समितीमध्ये झालेल्या निवडणुकीत महाविकास आघाडीचा दणदणीत विजय, भाजपचे सर्व उमेदवार पराभूत

02/03/2020 13:06:15

हिंगोलीत अवकाळी पावसाहून जास्त चोरट्यांचाच धुमाकूळ; एकाच रात्री सात ठिकाणी जबरी घरफोड्या

02/03/2020 13:05:51

एबीपी माझाच्या पाठपुराव्याला यश येण्याची शक्यता. इराण येथील भारतीय दुतावासाने तेहरान मध्ये अडकलेल्या मुस्लिम भाविकांची यादी मागवली. उद्याच्या विमानाची तिकिटे बुक केली असून भारत सरकारकडुन परवानगी मिळाल्यास उद्याच परतीची शक्यता आहे.

02/03/2020 13:04:46

अमरावती जिल्ह्यातील चांदुर रेल्वे येथील विद्यार्थिनींना प्रेमविवाह न करण्याची शपथ प्रकरण. प्राचार्यांसह दोन प्राध्यापक निलंबित.

02/03/2020 11:26:23

मुख्यमंत्री उद्धव ठाकरे यांच्या निवासस्थानाबाहेर पिस्तुलासह दरोडेखोर अटक, आरोपी इर्शाद खानला मातोश्री बाहेरून अटक

02/03/2020 12:04:05

निर्भया बलात्कार प्रकरणातील दोषी पवन गुप्ता याची क्युरेटिव्ह पिटीशन फेटाळली. त्यामुळे उद्याच चारही दोषींना फाशी होण्याची शक्यता आहे.

02/03/2020 10:56:06

कर्जत-सीएसटी लोकलचा मोठा अपघात होता-होता टळला, चालकाच्या प्रसंगावधनाने मोठी दुर्घटना टळलेली आहे. मुंबईच्या दिशेने ही लोकल धावत असताना कर्जत ते भिवपुरी स्टेशन दरम्यान रुळाला तडा गेला. मोठा आवाज आल्यानंतर चालकाने प्रसंगावधान दाखवून कशी-बशी रेल्वे थांबवली. 9 वाजून 6 मिनिटांनी ही रेल्वे कर्जतहुन निघाली होती, पुढे काही अंतरावर गेल्यानंतर ही घटना घडली. त्यानंतर मुंबईकडे जाणारी वाहतूक तासभर बंद होती. रेल्वे प्रशासनाने दुरुस्ती केल्यानंतर वाहतूक पूर्ववत झाली.

02/03/2020 10:01:52

मराठा आंदोलकांसोबत उपमुख्यमंत्री अजित पवारांची बैठक, गे्लया 35 दिवसांपासून मराठा तरुणांचं आंदोलन, चंद्रकांत पाटील, रोहित पवार यांच्यासह मराठा आंदोलकांचं शिष्टमंडळ हजर

02/03/2020 10:10:53

नाशिक : शेतकऱ्यांनी लासलगाव मार्केट लिलाव बंद पाडले. केंद्र सरकारने तात्काळ निर्यात खुली करण्याचे अध्यादेश काढावे, या मागणीसाठी आंदोलन.

02/03/2020 09:33:13

पिस्तूल नकली आहे म्हणाला, म्हणून मित्रानेच मित्रावर गोळीबार केला. पिंपरी चिंचवडमध्ये ही धक्कादायक घटना घडली. दारू प्यायला बसले असताना मध्यरात्री एक वाजता घटना घडली. जखमीला वायसीएम रुग्णालयात उपचारासाठी दाखल केले, आरोपीची गुन्हेगारी पार्श्वभूमी आहे. पिंपरी पोलीस तपास करतायेत.

02/03/2020 09:58:12

औरंगाबाद : मनसे जिल्हाध्यक्ष हर्षवर्धन जाधव यांच्याविरोधात ॲट्रॉसिटी कायद्याअंतर्गत गुन्हा दाखल, शहरातील क्रांती चौक पोलीस ठाण्यात गुन्हा दाखल, प्लॉटसमोर असलेल्या पान टपरीवरून झालेल्या वादात जातीवाचक शिवीगाळ केल्याचा फिर्यादीचा आरोप

02/03/2020 08:43:08

पुणे : पुणे महापालिकेच्या नायडू हॉस्पिटलमध्ये कोरोना व्हायरसच्या संकटाला सामोरं जाण्याची तयारी करण्यात आलीय. या हॉस्पिटलमध्ये 150 पेक्षा जास्त बेड त्यासाठी सज्ज ठेवण्यात आलेत. जेव्हापासून कोरोना व्हायरसचा धोका निर्माण झालाय तेव्हापासून कोरोना व्हायरसच्या संशयित रूग्णांना या हॉस्पिटलमध्येच ठेवण्यात येतंय. परदेशातुन प्रवास करुन भारतात येणाऱ्या रुग्णांची संख्या अधिक आहे. इथं भरती केलेल्या रुग्णांची सँपल्स पुण्यातच असलेल्या नॅशनल इन्स्टिट्यूट ऑफ व्हायरॉलॉजीमधे पाठवली जातायत. त्यामुळे चोवीस तासांच्या आत संशयित रुग्ण कोरोना व्हायरसमुळे बाधित आहे की नाही हे समजणे शक्य झालंय.

02/03/2020 06:24:18

नांदेडमध्ये खून प्रकरणात बालसुधारगृहात शिक्षा भोगत असलेल्या अल्पवयीन मुलीवर अत्याचार केल्याप्रकरणी शिवाजीनगर पोलिसांनी तरुणाविरुद्ध गुन्हा दाखल केला आहे. तेहरानगर इथल्या एका 15 वर्षीय अल्पवयीन मुलीसह तिच्या नातेवाईकावर शिवाजी नगर पोलीस ठाण्यात खून प्रकरणात गुन्हा दाखल करण्यात आला होता. या मुलीला एका बालसुधारगृहात ठेवण्यात आलं होतं. दरम्यान याच भागातील रहिवासी असलेला अशरफखान परवेज खानने अल्पवयीन मुलीला चार महिन्यांपूर्वी स्वतः च्या घरी बोलावून तिच्यावर वारंवार अत्याचार केला. यात मुलगी गरोदर राहिली. याप्रकरणी मुलीने दिलेल्या तक्रारीवरुन शिवाजीनगर पोलिसांनी आरोपीविरुद्ध बलात्कार, पोक्सोसह अॅट्रॉसिटीचा गुन्हा दाखल केला आहे.

02/03/2020 07:06:19

जुन्या पुणे-मुंबई महामार्गावर भीषण अपघात झाला. यामध्ये पाच जणांचा मृत्यू झाला असून एक जण सुदैवाने बचावला. अंडा पॉईंटजवळ रविवारी (1 मार्च) रात्री अकराच्या सुमारास हा अपघात घडला. तीन दुचाकीवरील सहा जणांनी लघुशंकेसाठी गाडी बाजूला लावली. तेव्हा भरधाव वेगातील टेम्पो त्यांच्या अंगावर उलटला. यात पाच जणांचा जागीच दगावले. रविवारची सुट्टी असल्याने हे सहा जण बाहेर पडल्याची प्राथमिक माहिती आहे.

02/03/2020 08:08:32

भिवंडी येथील नगीना सुकून आयुर्वेदिक तेलाच्या कंपनीला आग, आगीचं कारण अस्पष्ट

LIVE UPDATES | नोटाबंदीनंतर राज्यात 317 कारखान्यांना टाळे ; तर 14, 787 कामगारांना फटका

देश विदेशातील महत्त्वाच्या घडामोडींचा आढावा एका क्लिकवर

पार्श्वभूमी