Todays 2 December Top Headline : खासदार उदयनराजे भोसले आज रायगडावर जाणार आहेत. उदयनराजे सातारमधील जलमंदीर या निवासस्थानातून दुपारी 12.30 वाजता निघणार. दुपारी 1 वाजता ते सातारमधील पोवई नाक्यावरील छत्रपती शिवाजीमहाराजांच्या पुतळ्यास अभिवादन करतील. त्यानंतर वाई मधील छत्रपती शिवाजीमहाराजांच्या पुतळ्यास अभिवादन करणार आहेत. तसेच ते उद्या रायगडाच्या पायथ्याशी मुक्काम करतील.
आज अनिल देशमुख यांच्या जामीनावर हायकोर्टात सुनावणी
राज्याचे माजी गृहमंत्री अनिल देशमुख यांच्या जामीनावर आज हायकोर्टात सुनावणी होणार आहे. सीबीआयनं दाखल केलेलं भ्रष्टाचाराचं प्रकरण. मुंबई सत्र न्यायालयानं जामीन नाकारल्याच्या निर्णयाला देशमुखांकडून हायकोर्टात आव्हान. ईडीनं याच प्रकरणात दाखल केलेल्या प्रकरणात जामीन मिळाल्यानं सीबीआयच्या प्रकरणातही जामीनास पात्र असल्याचा देशमुखांचा दावा आहे.
राज ठाकरे यांचा कोकण दौरा
महाराष्ट्र नवनिर्माण सेनेचे अध्यक्ष राज ठाकरे आजही कोकण दौऱ्यावर आहेत. ते आज 9.30 वाजता आंगणेवाडीच्या भराडीदेवीचे दर्शन घेतील. त्यानंतर कणकवली येथे दुपारी 3 वाजता जिल्ह्यातील मान्यवरांच्या भेटीगाठी घेणार असून खारेपाटणमध्ये मुक्काम करतील.
पाठक बाई आणि राणादाचं आज लग्न
पाठक बाई म्हणजे अक्षया देवधर आणि राणादा म्हणजेच हार्दिक जोशी खऱ्या आयुष्यात आज विवाहबंधनात अडकणार आहेत. पुण्यातील सिद्धी बॅक्वेट हॉलला त्यांचा विवाहसोहळा पार पडणार आहे. सकाळी 8 वाजल्यापासून विधी सुरु होतील. दुपारी 12 वाजता लग्न होईल. संध्याकाळी रिसेप्शन असेल.
संजय राऊत आज नाशिकच्या दौऱ्यावर
संजय राऊत आज नाशिकच्या दौऱ्यावर असून शुक्रवारी ते पदाधिकाऱ्यांची बैठक घेणार आहेत. ग्रामीण भागातील पदाधिकाऱ्यांची बैठक सकाळी 10 वाजता सुरु होईल. नांदगाव मतदारसंघात जिल्हा प्रमुख संपर्क कार्यालयाचे उद्घाटन, दुपारी 12.30 वाजता. नाशिक शहारात मेळावा, सायंकाळी 5 वाजता. जिल्ह्यातील ठाकरे गटातील काही माजी नगरसेवक शिंदे गटात जाण्याच्या सध्या चर्चा सुरू आहेत. या पार्श्वभूमीवर दौऱ्याला महत्व आहे. संजय राऊत उत्तर महाराष्ट्र संपर्कप्रमुख आहेत. जेलमधून बाहेर आल्यावर राऊतांचा हा पहिलाच दौरा आहे.
सूचना मंत्रालयाशी निगडीत स्थायी समितीची आज बैठक
दिल्ली - सूचना मंत्रालयाशी निगडीत स्थायी समितीची आज बैठक होणार आहे. मागच्या आठवड्यात एम्सचा सर्व्हेर हॅक झाला होता. गुरुवारी मुंबई विमानतळाचा सर्वरही डाऊन होता. जलशक्ती मंत्रालयाचं ट्विट हँडलही हॅक करण्यात आलं होतं. याबाबत ही बैठक बोलावण्यात आली आहे, संसद भवन एनेक्सी, सकाळी 11.30 वाजता.
अजित पवार आज बारामतीच्या दौऱ्यावर
विरोधी पक्षनेते अजित पवार आज बारामतीच्या दौऱ्यावर असणार आहेत. सकाळी शहरातील विकास कामांची पाहणी झाल्यानंतर विद्या प्रतिष्ठान येथे जनता दरबार घेणार आहेत.
बेळगाव- कर्नाटकचे मुख्यमंत्री बोम्मई विकासकामाच्या उद्घाटनाला बेळगावला उपस्थित राहणार आहेत.