कपाळावर चंद्रकोरचा टिळा लावून बाबागाडीत सर्वांकडे टकमक पाहत असलेल्या अविरत अजिंक्य साधना जगताप या चिमुकल्याने सर्वांचे लक्ष वेधून घेतले.
मराठा क्रांती आंदोलनात सहभागी झालेल्या या सर्वात कमी वयाच्या आंदोलकाचे नाव ‘क्रांती’ ठेवावे असा आग्रह इतर आंदोलकांकडून करण्यात आला. यावेळी त्या बाळाची आई साधना जगताप यांनी ही सर्वांच्या आग्रहाचे मान ठेवत आपल्या चिमुकल्याचे नाव आजपासून ‘अविरत क्रांती’ ठेवत असल्याचे जाहीर केले.
मराठा आरक्षणच्या मागणीसाठी जालन्यात आज दिवसभर ठिकठिकानी चक्का जाम आंदोलन झालं. जालना शहरातील अंबड चौफुली येथे महिलांनी ही मोठ्या संख्येने या आंदोलनालात सहभाग घेतला. यावेळी शेकडो महिलांनी आरक्षणाची मागणी करत भरपावसात रस्त्यावर ठिय्या मांडला.