गोव्यातून चोरट्या मार्गाने दारु महाराष्ट्रात आणली जात असल्याची खबर रत्नागिरी राज्य उत्पादन शुल्क विभागाला लागली होती. त्या पर्शवभूमीवर रत्नागिरी उत्पादन शुल्क विभागाने मुंबई गोवा महामार्गावर पालीजवळ रचलेल्या सापळ्यात आज पहाटे हा ट्रक पकडण्यात आला.
या ट्रकमध्ये जवळजवळ दोन लाख रुपयांची दारु ड्रायव्हर केबिन आणि अन्य ठिकाणी लपवून ठेवलेली आढळून आली. चालकाने आपण ही दारु गटारी साजरी करण्यासाठी गोव्यातून आणली असल्याचे म्हटले आहे. उत्पादन शुल्क विभागाने चालकाला ताब्यात घेतले आहे.