Sanjay Raut Press Conferance : काल उपराष्ट्रपतींना पत्र लिहित लेटर बॉम्ब फोडणाऱ्या संजय राऊत (Sanjay Raut) यांनी आज सकाळी पत्रकार परिषद घेत त्याहून मोठा बॉम्ब फोडला आहे. ईडी म्हणजे क्रिमिनल सिंडिकेटचा भाग आहे. आणि लवकरच ईडी कार्यालयासमोर पत्रकार परिषद घेत ईडीला बेकनाब करणार असा इशारा संजय राऊतांनी दिला आहे. ईडीवर आरोप करताना संजय राऊतांनी विरोधी पक्षनेते देवेंद्र फडणवीसांना देखील गंभीर इशारा दिलाय. तसंच जर आम्हाला तुरुंगात जावं लागलं तर बाजूच्या कोठडीत तुम्ही असाल असा इशारा राऊतांनी दिला आहे.
मला काय सांगायचं आहे, हे देवेंद्र फडणवीस (Devendra Fadanvis) यांना चांगलं कळतंय : संजय राऊत
संजय राऊत म्हणाले की, "तुम्ही पाहत राहा फक्त याचे सुत्रधार कोण आहेत. बेकायदेशीरपणे ईडी ऑफिसमध्ये जाऊन कोण लोक बसत आहेत आणि ऑपरेट करत आहेत. ईडीच्या कार्यालयात इतरांना प्रवेश नाही ना? मग हे दोन-तीन लोक, कार्यालयात बसतात. ईडीच्या (ED) अधिकाऱ्यांना आदेश देतात. काय करायचंय? कोणाला बोलवायचं? कोणाला टॉर्चर करायचं? मी देवेंद्र फडणवीसांना आव्हान करतोय आणि त्यांना माहितीये मला काय सांगायचंय ते."
"हे सरकार पडणार नाही. उद्धव ठाकरेच मुख्यमंत्री राहतील. त्यांच्या कुटुंबालाही भयंकर त्रास देत आहेत. खोटे पुरावे निर्माण करतात. रोज सकाळी एक माणूस उठतो आणि बेवड्यासारखा बडबडतो. मी मागेही म्हणालो, आम्ही तुमच्या घरात घुसलो, तर तुम्हाला नागपूरलाही जाता येणार नाही.", असं संजय राऊत म्हणाले.
पाहा व्हिडीओ : Sanjay Raut : आम्ही तुमच्या घरात घुसलो तर तुम्हाला नागपूरलाही जाता येणार नाही : संजय राऊत
महत्त्वाच्या इतर बातम्या :
- आजचं पत्र फक्त माहितीसाठी, हा ट्रेलरही नाही, ट्रेलर अजून यायचाय : संजय राऊत
- ठाकरे सरकार पाडण्यास मदत करा नाहीतर...; उपराष्ट्रपतींना लिहिलेल्या पत्रात संजय राऊतांचा ईडीवर खळबळजनक आरोप
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह | ABP Majha