Shiv Sena MLA Full List With Eknath Shinde : गटनेतेपदी आपणच आहोत हे सांगण्यासाठी शिंदे गटाकडून नवा प्रस्ताव पाठवण्यात आला आहे. या प्रस्तावावर 37 शिवसेना आमदारांच्या सह्या आहेत. मागील दोन दिवसात दुसऱ्यांदा प्रस्ताव पाठवण्यात आला आहे. बुधवारी पाठवलेल्या प्रस्तावात 34 आमदारांच्या सह्या होत्या.. त्यात नितीन देशमुख यांच्या सही बाबत वाद होता. आता नव्याने 37 आमदारांच्या सह्याचं पत्र पाठवण्यात आले आहे. त्याशिवाय 9 अपक्ष आमदार सोबत असल्याचा देखील दावा केला जात आहे. हे पत्र विधानसभा सचिव, राज्यपाल भगतसिंह कोश्यारी आणि विधानसभा उपाध्यक्ष नरहरी झिरवाळ यांना पाठवण्यात आले आहे.
एकनाथ शिंदेंनी पुन्हा एकदा विधानसभा उपाध्यक्षांना पत्र लिहिलंय. भरत गोगावलेच शिवसेनेचे मुख्य प्रतोद आहेत. असं पत्र एकनाथ शिंदेंनी लिहिलंय. आता काही वेळापुर्वी 12 आमदारांना कारवाई करण्याचं पत्र ठाकरे समर्थक शिवसैनिकांनी दिलं होतं. त्यानंतर आता एकनाथ शिंदेंनी पुन्हा पत्र लिहित भरत गोगावलेच आमचे प्रतोद आहेत असं म्हटलंय. त्यामुळे एकनाथ शिंदे विरुद्ध उद्धव ठाकरे वाद शिगेला पोहोचल्याचं दिसून येतंय. एकनाथ शिंदेंना नेते पदावरुन काढणारे दादा भुसेच आता शिंदे गटात दाखल. शिंदेंना नेते पदावरुन काढण्याच्या पत्रावर दादा भुसेंनीही सही केली होती.
एकनाथ शिंदे यांच्यासोबतचे शिवसेनेचे आमदार (Shiv Sena MLA With Eknath Shinde)
1) एकनाथ शिंदे (Eknath Shinde)
2) अनिल बाबर (Anil Babar)
3) शंभूराजे देसाई (Shambhuraj Desai)
4) महेश शिंदे (Mahesh Shinde)
5) शहाजी पाटील (Shahaji Patil)
6) महेंद्र थोरवे (Mahendra Thorve)
7) भरतशेठ गोगावले (Bharat Gogawale)
8) महेंद्र दळवी (Mahendra Dalawi)
9) प्रकाश अबिटकर (Prakash Abitkar)
10) डॉ. बालाजी किणीकर (Balaji Kinikar)
11) ज्ञानराज चौगुले (Dyanraj Chaugule)
12) प्रा. रमेश बोरनारे (Ramesh Bornare)
13) तानाजी सावंत (Tanaji Sawant)
14) संदीपान भुमरे (sandipan Bhumare)
15) अब्दुल सत्तार नबी (Abdul Sattar)
16) प्रकाश सुर्वे (prakash surve)
17) बालाजी कल्याणकर (Balaji Kalyankar)
18) संजय शिरसाट (Sanjay Shirsat)
19) प्रदीप जयस्वाल (Pradip Jayswal)
20) संजय रायमुलकर (sanjay Raymulkar)
21) संजय गायकवाड (Sanjay Gaikwad)
22) विश्वनाथ भोईर (Vishwanath Bhoir)
23) शांताराम मोरे (Shantaram More)
24) श्रीनिवास वनगा (shrinivas Wanga)
25) किशोरअप्पा पाटील (Kishor Patil)
26) सुहास कांदे (Suhas Kande)
27) चिमणआबा पाटील (Chiman Aaba Patil)
28) सौ. लता सोनावणे (Lata Sonawane)
29) प्रताप सरनाईक (Pratap Sarnaik)
30) सौ. यामिनी जाधव (Yamini Jadhav)
31) योगेश कदम (Yogesh Kadam)
32) गुलाबराव पाटील (Gulabrao Patil)
33) मंगेश कुडाळकर (Mangesh Kudalkar)
34) सदा सरवणकर (Sada Sarvankar)
35) दीपक केसरकर(Dipak Kesarkar)
36) दादा भुसे (Dada Bhuse)
37 ) संजय राठोड (Sanjay Rathod)
शिवसेनेकडून बंडखोर आमदारांवर कारवाई करण्यात येत आहे. शिवसेनेने 12 आमदारांवर शिस्तभंगाची कारवाई करावी, असे पत्र विधानसभा उपाध्यक्ष नरहरी झिरवाळ यांना पाठवलेय. शिवसेना खासदार अरविंद सावंत यांनी याबाबतची माहिती दिली आहे. पहिल्या टप्प्यात 12 नावं दिली, उरलेल्यांवर पण कारवाईची मागणी करु, असेही त्यांनी सांगितलेय. खासदार अरविंद सावंत म्हणाले की, जे काही आकडे दाखवले जात आहेत ते चुकीचे आहेत. आम्ही दोन बैठका घेतल्या. नवनिर्वाचित गटनेते अजय चौधरी आणि प्रतोद यांनी व्हीप जारी केला होता. काही जणांनी त्यास उत्तर दिले आहे, मात्र यात काही खोटी कारणं पण आहेत. त्यांच्या हिशोबानं त्यांनी उत्तरं दिली आहेत. शिस्तभंगाची कारवाई करावी म्हणून 12 जणांची नावे दिली आहेत. त्यांचे सदस्य रद्द करावेत अशी मागणी केली आहे.
कोण आहेत ही 12 आमदार ज्यांचे सदस्यत्व रद्द करण्याची मागणी शिवसेनेकडून करण्यात आलीय?
1 ) एकनाथ शिंदे
2) अब्दुल सत्तार
3) संदीपान भुमरे
4) प्रकाश सुर्वे
5) तानाजी सावंत
6) महेश शिंदे
7) अनिल बाबर
8) यामिनी जाधव
9) संजय शिरसाट
10) भरत गोगावले
11) बालाजी किणीकर
12) लता सोनावणे
एकनाथ शिंदे काय म्हणाले?
एकनाथ शिंदे यांनी आमदारांवरील कारवाईनंतर ट्विट करत प्रत्युत्तर दिलेय. आपल्या ट्वीटनंतर ते म्हणाले की, कोणाला घाबरवण्याचा प्रयत्न करताय? तुमची बनवाबनवी आणि कायदा आम्हालाही कळतो! घटनेच्या 10 व्या परिशिष्टाप्रमाणे (शेड्युल) व्हीप हा विधानसभा मकाजासाठी लागतो, बैठकीसाठी नाही. यासंदर्भात सुप्रीम कोर्टाचे असंख्य निकाल आहेत. 12 आमदारांविरोधात कारवाईसाठी अर्ज करून तुम्ही आम्हाला अजिबात घाबरवू शकत नाही. कारण आम्हीच वंदनीय शिवसेनाप्रमुख बाळासाहेब ठाकरे यांची खरी शिवसेना व शिवसैनिक आहोत. कायदाही जाणतो, त्यामुळे असल्या धमक्यांना भीक घालत नाही. तुम्ही संख्या नसताना अवैध गट तयार केला म्हणून तुमच्यावरच कारवाईची आमची मागणी आहे.