Shiv Jayanti LIVE : राज्यात तिथीनुसार शिवजयंतीचा उत्साह; शिवरायांच्या पुतळ्यावर हेलिकॉप्टरमधून पुष्पवृष्टी
Chhatrapati Shivaji Maharaj Jayanti 2022 Maharashtra :आज छत्रपती शिवाजी महाराज यांच्या तिथीनुसार जयंतीनिमित्त ठिकठिकाणी त्यांना कृतज्ञतापूर्वक वंदन केलं जात आहे.
Shiv Jayanti At Shivaji Park : महाराजांच्या पुतळ्यावर हेलिकॉप्टरमधून पुष्पवृष्टी, मनसे अध्यक्ष राज ठाकरे शिवाजी पार्कवर उपस्थिती, कार्यकर्त्यांना दिली शपथ, उत्साहाचं वातावरण
Shiv Jayanti At Shivaji Park : मनसे अध्यक्ष राज ठाकरे शिवाजी पार्कवर दाखल, उत्साहाचं वातावरण
Shivaji Park Shiv Jayanti : शिवजयंतीनिमित्त आज मनसे महिला कार्यकर्त्यांकडून महिला बाईक रॅलीचे आयोजन करण्यात आले . शिवाजी पार्क परिसरात या महिला बाईक रॅलीला सुरुवात. 2 वर्षांनी शिवजयंती शिवाजी पार्कवर साजरी होत आहे. त्यामुळे एक मोठा उत्साह मनसैनिकांमध्ये आणि शिवप्रेमी मध्ये पाहायला मिळतोय
Shivaji Park Shiv Jayanti : शिवाजी पार्क शिवजयंतीनिमित्त फुललं; थोड्याच वेळात राज ठाकरे उपस्थित होणार
तिथीप्रमाणे साजरी होणाऱ्या शिवजयंतीनिमित्त आज शिवाजी पार्क पूर्णपणे मनसेमय झालेलं दिसत आहे. महाराष्ट्र नवनिर्माण सेनेच्या वतीने शिवाजी महाराजांच्या अश्वारुढ पुतळ्याला सजवण्यात आलं आहे. सकाळी साडे दहाच्या सुमारास या पुतळ्यावर हेलिकॉप्टरमधून पुष्पवृष्टी केली जाईल. स्वत: मनसे अध्यक्ष राज ठाकरेदेखील या कार्यक्रमाला उपस्थित राहणार आहेत. संपूर्ण शिवस्मारकाला फुलांच्या माळांनी सजवण्यात आलं आहे. रांगोळी, तुतारी, सनई चौघडे, या पारंपारिक वाद्यांसह सांस्कृतिक कार्यक्रमांचंही आयोजन करण्यात आलं आहे.
Raigad Shiv Jayanti Updates : शिवजयंतीनिमित्त महाडमध्ये शिवज्योतींचे उत्साहात स्वागत, किल्ले रायगडाच्या पायथ्याशी महाडमध्ये मोठ्या उत्साहात शिवजयंती साजरी, रायगड, नवी मुंबई, रत्नागिरी आणि सातारा जिल्ह्यातील अनेक शिवप्रेमी मंडळ किल्ले रायगडावरून शिवज्योत घेऊन जातात. भगवे झेंडे, ढोल ताशांचा ठेका, शिवाजी महाराजांचा जयघोष आणि शिव चरित्रावर आधारीत पोवाड्यांचे सुरात शिवज्योतीचे स्वागत..
किल्ले शिवनेरी गडावर अमित राज ठाकरे यांनी राज्यसभेचे भाजपा खासदार विनय सहस्त्रबुद्धे, इस्रायल राजदूत यांच्यासोबत भगव्या ध्वजाचं ध्वजारोहण केलं, त्यानंतर ध्वजप्रणाम ही करण्यात आला.
Shiv Jayanti At Nagpur :महाराष्ट्राचे आराध्य दैवत छत्रपती शिवाजी महाराजांची तिथीनुसार जयंती आज सर्वत्र साजरी होत आहे. श्री शिवराज्याभिषेक सोहळा समितीच्या वतीने नागपुरातील महाल परिसरात शिवतीर्थ छत्रपती शिवाजी महाराज चौकात शिवजयंतीचे कार्यक्रम आयोजित करण्यात आले असून शिवभक्त मोठ्या उत्साहाने त्यात सहभागी झाले आहेत. यावेळी महाराजांच्या प्रतिमेचे दुग्धाभिषेक करत पूजन करण्यात आले.या वेळी शिवगर्जना या ढोल ताशा पथकाने वादन करत महाराजांना वंदन केले.
Shiv Jayanti At Buldhana : आज तिथीनुसार शिवजयंती असल्याने बुलढाणा या मां जिजाऊंच्या जिल्ह्यात महाराष्ट्र नवनिर्माण सेनेकडून सकाळी सहा वाजेपासून शिवजन्मोत्सव सुरू करण्यात आला आहे. सकाळीच मनसेचे पश्चिम विदर्भ संपर्क प्रमुख व मनसे उपाध्यक्ष विठ्ठल लोखंडकर यांनी छत्रपती शिवाजी महाराजांच्या खामगाव येथील अश्वारूढ पुतळ्याला माल्यार्पण करून शिवजन्मोत्सवाला सुरुवात केली. यावेळी महाराष्ट्र नवनिर्माण सेनेचे कार्यकर्ते मोठ्या प्रमाणात उपस्थित होते.
Amit Thackeray At Shivneri : मनसे नेते अमित ठाकरे किल्ले शिवनेरीवर दाखल
:- प्रत्येक विभागात शिवजयंती साजरी होणार
:- दादरमध्ये महिलांची रॅली निघणार
:- मुंबईभरातले मनसैनिक पार्कात एकवटणार
:- राज ठाकरे सहकुटुंब पार्कात उपस्थित राहणार
:- विभागवार शिवजयंतीचे रथयात्रा निघणार आहेत
तिथीनुसार आलेल्या शिवजयंतीसाठी मनसेनं जय्यत तयारी केलीय.. शिवसेना याआधी तिथीनुसार शिवजयंती साजरी करत होती पण आता हिच शिवजयंती गेल्या काही वर्षापासून मनसे दणक्यात साजरी करतंय.. शिवाजी पार्कमध्ये महाराजांच्या पुतळ्यांवर मनसेच्या चित्रपट सेनेकडून हॅलिकॅाप्टरनं पुष्पवृष्टी करण्यात येणार आहे.. मनसेकडून अनेक कार्यक्रमांचं आयोजनही करण्यात आलंय..
शिवजन्मभूमी अर्थात पुण्यातील शिवनेरी किल्ल्याच्या पायथ्याशी छत्रपती शिवाजी महाराजांची थ्री डी प्रतिमा रांगोळीने साकारण्यात आली. शिवजयंती निमित्त महाराजांना या कलाकृतीद्वारे अभिवादन करण्यात आलं. शिवाजी महाराजांची इतकी मोठी थ्री डी रांगोळी प्रथमतःच साकारण्यात आल्याचा दावा केला जातोय. तसा विश्वविक्रम नोंदविण्यासाठी पासष्टहून अधिक कलाकारांनी तीन दिवस परिश्रम घेतलेत. शंकरराव बुट्टे पाटील विद्यालयाच्या तीस हजार चौरस फूट प्रांगणात, बारा टन रांगोळीचा वापर करत ही प्रतिमा रेखाटण्यात आली. या थ्री डी रांगोळीत शिवाजी महाराज आणि राजमुद्रेला आज्ञापत्रावर स्थान देण्यात आलंय. पाहताच क्षणी जणू एखाद्या भव्यदिव्य भिंतीवरची ही प्रतिमा असल्याचा भास होतो. शिवसेनेचे नेते शरद सोनवणेच्या संकल्पनेतून ही अनोखी थ्री डी रांगोळी सत्यात अवतरली.
पार्श्वभूमी
Shivjayanti 2022 In Mumbai Maharashtra : 19 फेब्रुवारी रोजी तारखेप्रमाणे शिवजयंती साजरी झाल्यानंतर आता आज 21 मार्च रोजी शिवजयंती तिथीप्रमाणे साजरी केली जाणार आहे. दरम्यान राज्यभरातील शिवभक्तांचा उत्साह अगदी गगनात मावेनासा झाला आहे. अशामध्ये महाराष्ट्र नवनिर्माण सेनेतर्फे दरवर्षी प्रमाणे राज्यात तिथीनुसार छत्रपती शिवाजी महाराजांची शिवजयंती जोरदार साजरी होणार असल्याचं सांगण्यात आलं असून अध्यक्ष राज ठाकरे आणि त्यांचे पुत्र अमित ठाकरे यावेळी छत्रपतींच्या पुतळ्यावर हेलिकॉप्टरमधून पुष्पवृष्टी करणार आहेत. तिथीनुसार आलेल्या शिवजयंतीसाठी मनसेनं जय्यत तयारी केलीय. शिवसेना याआधी तिथीनुसार शिवजयंती साजरी करत होती पण आता हिच शिवजयंती गेल्या काही वर्षापासून मनसे दणक्यात साजरी करत आहे. शिवाजी पार्कमध्ये महाराजांच्या पुतळ्यांवर मनसेच्या चित्रपट सेनेकडून हॅलिकॅाप्टरनं पुष्पवृष्टी करण्यात येणार आहे.मनसेकडून अनेक कार्यक्रमांचं आयोजनही करण्यात आलंय.
मनसेकडून अशी साजरी होणार शिवजयंती
:- प्रत्येक विभागात शिवजयंती साजरी होणार
:- दादरमध्ये महिलांची रॅली निघणार
:- मुंबईभरातले मनसैनिक पार्कात एकवटणार
:- राज ठाकरे सहकुटुंब पार्कात उपस्थित राहणार
:- विभागवार शिवजयंतीचे रथयात्रा निघणार आहेत
महाराजांचे जन्मस्थळ किल्ले शिवनेरी येथे मनसे नेते आणि महाराष्ट्र नवनिर्माण विद्यार्थी सेनेचे अध्यक्ष अमित राज ठाकरे हे अभिषेक आणि पूजन करणार आहेत. त्यानंतर सकाळी 10.30 वाजता महाराष्ट्राचे आराध्य दैवत छत्रपती शिवाजी महाराज यांच्या जयंती निमित्त शिवतीर्थावरील छत्रपती शिवाजी महाराजांच्या अश्वारुढ पुतळ्यावर मनसे अध्यक्ष राज ठाकरे आणि अमित ठाकरे यांच्या प्रमुख उपस्थितीत हेलिकॉप्टरमधून पुष्पवृष्टी करण्यात येणार आहे. या संपूर्ण कार्यक्रमाचे आयोजन दरवर्षी प्रमाणे मनसेच्या चित्रपट सेनेचे अध्यक्ष अमेय खोपकर आणि सरचिटणीस शालीनी ठाकरे यांनी केले आहे. शिवजयंतीच्या निमित्ताने ढोलताशांच्या गजरात हा भव्यदिव्य सोहळा शिवतीर्थ, दादर परिसरात होणार आहे.
अभिजित पानसे आणि सचिन मोरे करणार पुष्पवृष्टी
हेलिकॉप्टरने पुष्पवृष्टी पक्षाचे नेते अभिजित पानसे आणि सचिव सचिन मोरे हे करतील अशी माहिती कार्यक्रमाचे आयोजक अमेय खोपकर यांनी दिली आहे या सोहळ्यावेळी मोठ्या प्रमाणात शिवभक्त, मनसेचे नेते, सरचिटणीस, प्रमुख पदाधिकारी उपस्थित राहतील असा विश्वास अमेय खोपकर यांनी व्यक्त केला आहे.
हे ही वाचा-
- Tukaram Beej : तुकाराम बीजोत्सवानिमित्त देहूनगरीत भाविकांची मोठी गर्दी, हरिनामाच्या गरजात वारकरी दंग
- Bhagavad Gita in school : गुजरातप्रमाणेच महाराष्ट्रातही भगवद्‌गीता, संतसाहित्याचा शालेय शिक्षणात समावेश करावा, भाजपची मागणी
- The Kashmir Files : कश्मीर फाइल्स सिनेमाच्या समर्थनार्थ उल्हासनगरात रॅली, बजरंग दलचे कार्यकर्ते उतरले रस्त्यावर
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
- - - - - - - - - Advertisement - - - - - - - - -