बारामती : राष्ट्रवादीचे सर्वेसर्वा शरद पवार यांचे नातू आणि पुणे जिल्हा परिषदेचे सदस्य रोहित पवार यांनी विधानसभा निवडणूक लढवण्याबाबत इच्छा व्यक्त केली आहे. वरिष्ठ सांगतील तिथून आपण निवडणूक लढवणार असल्याचं रोहित पवार यांनी म्हटलं. 'पानी फाउंडेशन'च्या वतीने आयोजित महाश्रमदानात रोहित पवारांनी काका अजित पवारांसह हाती कुदळ-फावडं घेतलं. विधानसभेत जाण्याची इच्छा जाहीर केल्यानंतर सोशल मीडियातून त्यांना ट्रोल करण्यात आलं होतं. अलिकडच्या काळात पेड ट्रोलर मोठ्या प्रमाणात आहेत. त्यामुळे अशा ट्रोलकडे आपण लक्ष देणार नाही, कारण आपल्याला राजकारणात सक्रिय व्हायचं आहे, अशा शब्दात रोहित पवारांनी ट्रोलर्सना गप्प केलं. जे ट्रोल करत आहेत, तेच नंतर आपल्या कामाबद्दल कौतुक करतील असा विश्वासही त्यांनी बोलून दाखवला. VIDEO | बारामतीत पवार कुटुंबाचं श्रंमदान | बारामती | एबीपी माझा
घराणेशाहीचा आरोप करणाऱ्या मुख्यमंत्र्यांना विखे, मोहिते कसे चालतात? : रोहित पवार
बारामती तालुक्यातील 30 गावांनी 'पानी फाऊंडेशन'च्या वतीने वॉटर कप स्पर्धेत सहभाग घेतला आहे. यातील 15 गावांमध्ये महाश्रमदान सोहळा आयोजित करण्यात आला होता. यामध्ये आज रोहित पवारांनी सहभागी होत श्रमदान केलं. यावेळी पत्रकारांशी बोलताना त्यांनी विधानसभेत जाण्याची इच्छा असल्याचं सांगत वरिष्ठ सांगतील त्या मतदार संघातून आपण निवडणूक लढवणार असल्याचं स्पष्ट केलं. आपण आतापर्यंत सामाजिक जीवनात कार्यरत असताना अनेक भागात काम करत आहोत. त्यामुळे पक्षाकडून जिथे संधी मिळेल तिथून निवडणूक लढवण्याची आपली तयारी असल्याचं त्यांनी सांगितलं. VIDEO | बारामतीची जागा भाजपने जिंकल्यास लोकांचा निवडणूक प्रक्रियेवरील विश्वास उडेल : पवार | एबीपी माझा