बीड तालुक्यातील पारगाव सिरस येथील हा प्रकार आहे. गरोदर महिला बाळंतपणासाठी माहेरी आली होती. नातेवाईकांकडे लग्न असल्याने आई बाहेरगावी गेली होती आणि भाऊ कामानिमित्ताने बाहेर गेला होता. घरात ही गर्भवती महिला एकटीच होती.
हीच संधी साधत आरोपी विष्णू नवले या नराधमाने तिच्यावर गरोदर अवस्थेत अत्याचार केला. या घटनेन भयभीत झालेल्या पीडित महिलेने आपली बदनामी होईल यामुळे अंगावर रॉकेल ओतून स्वतःला पेटवून घेतलं.
या घटनेत पीडित महिला 76 टक्के भाजली. जिल्हा रुग्णालयात उपचार सुरू असतानाच तिचा मृत्यू झाला. या प्रकरणी आरोपीला पोलिसांनी अटक केली आहे.